قصور(ویب ڈیسک) لیگی کارکنان کی جانب سے عدلیہ اور فوج کے خلاف ریلی نکالنے ، مظاہرین کی جانب سے نا زیبا زبان ، چیف جسٹس اور پاک فوج کے اعلی فوجی افسران کو غلیظ گالیاں دینے پرقصورمیں ن لیگی ایم این اے اورایم پی اے سمیت70 سے زائدکارکنان کیخلاف 2 مقدمات در ج کر دیے گئے ہیں۔مقدمات کانسٹیبل عبدالرشید اور شہری حبیب الرحمان کی مدعیت میں درج کیے گئے۔مقدمات میں ن لیگی ایم این اے شیخ وسیم اختراورایم پی اے نعیم صفدرنامزدکیے گئے ہیں۔مقد مے میںچیئرمین بیت المال ناصرمحموداورچیئرمین مارکیٹ کمیٹی جمیل احمدبھی نامزدہیں۔ڈی پی اوقصورکا کہنا ہے کہ آئی جی پنجاب کے احکامات پرعملدرآمدہرصورت یقینی بنایاجائیگا۔ملزمان کی گرفتاری کیلیے ایس پی انویسٹی گیشن کی سربراہی میں ٹیمیں روانہ ہو چکی ہیں۔انہوں نے مزید کہا کہ پولیس نے بعض ملزمان کو گرفتار کرکے حوالات میں بند کردیاہے۔
