ممبئی(شوبز ڈیسک) بالی وڈ اداکارہ نشرت بروچا پاکستانی گلوکار عاطف اسلم کے گانے ”بارش “ کی میوزک ویڈیو میں دکھائی دیں گی۔ بھارتی ذرائع ابلاغ کے مطابق اس سلسلے میں فلم ”سونو کے ٹیٹو کی سویٹی “ کی اداکارہ نشرت بروچا کا کہنا ہے کہوہ پاکستانی معروف گلوکار عاطف اسلم کے گانے کی میوزک ویڈیو کا حصہ بننے پر بے حد خوش اور پرجوش ہیں، عاطف بطور آرٹسٹ اور ان کے گانے مجھے بے حد پسند ہیں لہذا مجھے امید ہے کہ لوگوں کو ویڈیو پسند آئے گی۔ گانا ”بارش “ گایا اور کمپوز عاطف اسلم نے کیا ہے۔
