تازہ تر ین

نادرا نے سابق صدر پرویز مشرف کا قومی شناختی کارڈ بحال کر دیا

اسلام آباد (آئی این پی)سپریم کورٹ آف پاکستان کے احکامات کی روشنی میں نادرا نے سابق صدر پرویز مشرف کا قومی شناختی کارڈ بحال کر دیا جبکہ پاسپورٹ آفس نے بھی سابق صدر کا پاسپورٹ بحال کر دیا ہے،اب پرویز مشرف سفر کر سکتے ہیں۔ ذرائع کے مطابق سپریم کورٹ آف پاکستان کے حکم پر نادرا اور ڈائریکٹوریٹ جنرل آف امیگریشن اینڈ پاسپورٹ نے سابق صدر پرویز مشرف کے بلاک کئے گئے شناختی کارڈ اور پاسپورٹ کو بحال کر دیا ہے۔ واضح رہے کہ سنگین غداری کیس میں خصوصی عدالت کے حکم پر سابق صدر کے پاسپورٹ اور شناختی کارڈ کو بلاک کیا گیا تھا۔تاہم سپریم کورٹ آف پاکستان نے سابق صدر پرویز مشرف کو وطن واپس آ کر عدالت میں پیش ہونے کی ہدایت کی تھی اور اس بات کی ضمانت دی تھی کہ سابق صدر کو وطن واپسی پر گرفتار نہیں کیا جائے گا، سپریم کورٹ نے نادرا اور پاسپورٹ آفس کو سابق صدر کے شناختی کارڈ اور پاسپورٹ کو بحال کرنے کی ہدایت کی تھی۔

 


سب سے زیادہ پڑھی جانے والی مقبول خبریں




دلچسپ و عجیب
کالم
آپ کی رائے
   پاکستان       انٹر نیشنل          کھیل         شوبز          بزنس          سائنس و ٹیکنالوجی         دلچسپ و عجیب         صحت        کالم     
Copyright © 2016 All Rights Reserved