تازہ تر ین

عمران ، شہباز شریف ، زرداری ، بلاول ، مریم نواز اور حمزہ کے کاغذات نامزدگی چیلنج

لاہور‘ کراچی (نمائندگان خبریں‘ ایجنسیاں) لاہور کے حلقے این اے 131 سے بھی عمران خان کے کاغذات نامزدگی کو چیلنج کردیا گیا ہے۔تفصیلات کے مطابق چیئرمین پی ٹی آئی کے این اے 131 پر کاغذات نامزدگی سابق چیف جسٹس افتخارچوہدری نے چیلنج کئے، اپنی درخواست میں افتخارچوہدری نے موقف اپنایا کہ عمران خان نے نکاح کے بغیرٹریسا کےساتھ تعلقات قائم رکھے جبکہ اسلامی معاشرے میں نکاح کے بغیرتعلقات بدکاری کے زمرے میں آتے ہیں۔چار سو صفحات پر مشتمل درخواست میں موقف اپنایاگیاہے کہ عمران خان کی ایک بیٹی بھی ہے،جس کا انہوں نے کاغذات نامزدگی میں ذکر نہیں کیا،لہذا وہ صادق اورامین نہیں رہے، درخواست گزار افتخار چوہدری نے مطالبہ کیا کہ این اے131سے عمران خان کے کاغذات نامزدگی مستردکیے جائیں۔یاد رہے کہ گذشتہ روز کراچی کے حلقے این اے 243 سے بھی چیئرمین پی ٹی آئی کے کاغذات نامزدگی چیلنج کئے گئے تھے، ان کےخلاف درخواست عبدالوہاب بلوچ نے دائر کی تھی۔درخواست میں موقف اختیار کیا گیا تھا کہ عمران خان سیٹی وائٹ کو اپنی بیٹی کوتسلیم نہیں کرتے،لہذا ان پر الیکشن لڑنے پر پابندی عائد کی جائے۔عبدالوہاب بلوچ ایڈوکیٹ کی جانب سے دائر کی گئی درخواست میں کہا گیا ہے کہ ایسا شخص جو اپنی بچی کو تسلیم نہ کریں اسے الیکشن لڑنے کی اجازت نہیں ہونی چاہیئے۔اس موقع پر عمران خان کے نمائندے عمران اسماعیل سے عدالت نے استفسار کیا کہ آپ کو کیس کی کاپی مل گئی؟ ،اس پر وکلا عمران خان نے کہا کہ ہم نے کیس کی کاپی وصول کرلی ہے، جرح کیلئے وقت دیاجائے۔عدالت نے کہا کہ یہ جوڈیشل کیس نہیں،ہم الیکشن کمیشن کے رول فالوکررہے ہیں، اس درخواست کا فیصلہ بھی 19جون کو ہی کیاجائیگا،بعد ازاں ریٹرننگ آفیسرنے عمران خان کے کاغذات کی جانچ پڑتال کاعمل19جون تک مو¿خرکردیا ہے۔ سابق صدرآصف علی زرداری کااین اے213اور سابق وزیراعلی سندھ کے پی ایس اسی پر پی ایس80 پرکاغذات نامزدگی چیلنج کردیے گئے ہیں۔سابق صدرآصف علی زرداری کانواب شاہ حلقہ این اے213 پرنامزدگی فارم چیلنج کردیا گیا، رٹرنگ آفیسر کے پاس غلام رضا دھاریجو اور سلیم بھنگوار نے الگ الگ درخواستیں جمع کرادی۔درخواستگزار نے موقف اختیار کیا کہ آصف علی زرداری 1500ایکڑزمین کےمالک ہیں جس کی زرعی ٹیکس ادانہیں کی، آصف زرداری نے اٹھارہ سال سے لینڈٹیکس ادا نہیں کیا۔سید مراد علی شاہ کے سہیون پی ایس80پرکاغذات نامزدگی بھی چیلنج کردیئے گئے،سندھ یونائٹیڈ پارٹی کے امیدوار سید جلال محمود شاہ نے اعتراضات داخل کرادیئے۔ تحریک انصاف کی سینئر رہنما اور این اے 125 سے امیدوار ڈاکٹر یاسمین راشد نے تحریک انصاف کی جانب سے مریم نواز کے کاغذات نامزدگی چیلنج کرتے ہوئے اعتراضات داخل کردیئے۔ ڈاکٹریاسمین راشد کی جانب سےمریم نواز کے کاغذات نامزدگی پر 20 اعتراض داخل کرائے گئے۔ سابق وزیراعلیٰ پنجاب شہباز شریف کے کاغذات نامزدگی پراعتراض عائد کر دیاگیا ہے مقامی شہری سید اقتدار حسین کی جانب سے اٹھائے جانے والے اعتراض میں کہا گیا ہے کہ سابق وزیراعلیٰ نے اپنے کاغذات نامزدگی میں دوپاسپورٹ ظاہر کئے ہیں حالانکہ ہر شہری کو ایک پاسپورٹ استعمال کرنے کی اجازت ہے شہباز شریف نے پاسپورٹ کے ساتھ ساتھ اپنی شادیاں بھی کاغذات نامزدگی میں چھپائے رکھیں انہوں نے کہا کہ ہر امیدوار ہر کسی کو اعتراض کا حق ہے لیکن چونکہ سید اقتدار حسین نامی شہری خود امیدوار نہیں لہٰذا وہ بھی کسی امیدوار کیخلاف اعتراض دائر نہیں کر سکتا۔ لاہور سے قومی اسمبلی کے حلقہ این اے 131 سے پاکستان تحریک انصاف کے امیدوار عمران خان کے کاغذات نامزدگی کی چھان بین کو روک دیاگیا اس سلسلہ میں ذرائع کا کہنا ہے کہ عمران خان پر اعتراض مدثر خان نامی شہری کی جانب سے عائد کیاگیا ہے جس میں شہری مدثر خان نے عمران خان پر الزام عائد ہے کہ وہ آئین کے آرٹیکل 62 اور 63 پر پورا نہیں اترتے جس پر ریٹرنگ آفیسر نے پی ٹی آئی کے چیئرمین عمران خان کو اٹھارہ جون کو طلب کرلیا ہے۔ مقامی ریٹرنگ آفیسر نے پاکستان مسلم لیگ ن کے رہنماءاور سابق رکن قومی اسمبلی حمزہ شہباز شریف کے کاغذات نامزدگی کی چھان بین کا عمل روک دیا ہے اور انہیں اٹھارہ جون کو دوبارہ طلب کرلیاہے واضح رہے کہ حمزہ شہباز پر الزام عائد ہے کہ انہوں نے اپنے کاغذات نامزدگی میں اپنی بیویوں کی تعداد سمیت دیگر بہت سارے معاملات کو اپنے کاغذات نامزدگی میں چھپائے رکھا۔ لاہور سے حلقہ این اے 127 اور حلقہ پی پی 173 کے ریٹرنگ آفیسر نے مریم نواز کے کاغذات نامزدگی منظور کرلئے ہیں جبکہ لاہور ہی سے حلقہ این اے 125 کے ریٹرنگ آفیسر نے مریم نواز کے کاغذات نامزدگی پر اعتراض عائد کر کے کاغذات نامزدگی کی چھان بین انیس جون تک ملتوی کر دی ہے ۔


سب سے زیادہ پڑھی جانے والی مقبول خبریں




دلچسپ و عجیب
کالم
آپ کی رائے
   پاکستان       انٹر نیشنل          کھیل         شوبز          بزنس          سائنس و ٹیکنالوجی         دلچسپ و عجیب         صحت        کالم     
Copyright © 2016 All Rights Reserved