تازہ تر ین

بھارتی فورسز کی گولیوں کا نشانہ بننے والے تینوں شہداء سپرد خاک،وادی بھر میں شٹر ڈا ﺅ ن ہڑتا ل

سری نگر(ویب ڈیسک)بھارتی فوج کی جارحیت کے خلاف حریت رہنماوئں کی اپیل پر آج پوری وادی میں شٹر ڈاﺅن ہڑتال کی جا رہی ہے۔کشمیر میڈیا سیل کے مطابق گزشتہ روز ضلع شوپیاں میں سرچ آپریشن کے نام پر بھارتی فورسز کے ہاتھوں 3 کشمیری نوجوانوں کی شہادت اور 20 سے زائد شہریوں کے زخمی ہونے پر حریت رہنماوئں یاسین ملک، میر واعظ عمر فاروق اور سید علی گیلانی کی اپیل پر پورے کشمیر میں شٹر ڈاوءن ہڑتال کی جا رہی ہے۔ہڑتال کے باعث مقبوضہ کشمیر کے تمام تعلیمی ادارے بند، کاروباری سرگرمیاں معطل اور ذرائع آمدورفت نہ ہونے کے باعث سڑکوں پر مکمل سناٹا ہے جب کہ بھارت نواز کٹھ پتلی انتظامیہ نے فورسز کی بھاری نفری عائد کر کے ٹرین کے شیڈول منسوخ کردیئے اور انٹر نیٹ سروس بھی بند کر دی ہے۔ شہریوں کو شہداءکی تجہیز و تدفن میں شرکت سے روکا جا رہا ہے۔دریں اثناءگزشتہ روز بھارتی فورسز کی گولی کا نشانہ بننے والے تینوں کو شہداءکو آج سپرد خاک کر دیا گیا۔ بھارت نواز کٹھ پتلی انتظامیہ کے تمام تر ہتھکنڈوں کے باوجود ہزاروں سوگواروں نے نماز جنازہ میں شرکت کی اس موقع پر رقت آمیز مناظر دیکھے گئے۔ بھارتی بربریت کا نشانہ بننے والے تینوں نوجوان ضلع شوپیاں کے علاقے کنڈالاں میں بھارتی فورسز کے مسلسل محاصرے اور سرچ آپریشن کے خلاف مظاہرہ کررہے تھے کہ گولی کا نشانہ بن گئے۔


سب سے زیادہ پڑھی جانے والی مقبول خبریں




دلچسپ و عجیب
کالم
آپ کی رائے
   پاکستان       انٹر نیشنل          کھیل         شوبز          بزنس          سائنس و ٹیکنالوجی         دلچسپ و عجیب         صحت        کالم     
Copyright © 2016 All Rights Reserved