کوئٹہ(آئی این پی )مسلم لیگ (ن) کے صدر شہباز شریف نے کہا ہے کہ سانحہ مستونگ میں ملوث افراد کو سخت سے سخت دینی چاہیے ، عمران خان کو ایسے موقع پر غیر سنجیدہ بات اور سیاست نہیں کرنی چاہیے ، ہم سب کو اس صورتحال پر مشترکہ پالسیی اختیار کرنی چاہیے ،مستونگ واقعہ کی سائنسی بنیاد پر تحقیقات کی ضرورت ہے،ملکی مسائل کا حل صاف شفاف انتخابات میں ہے ۔اتوار کو میڈیا سے گفتگو کرتے ہوئے شہباز شریف نے کہا کہ سانحہ مستونگ پر سارا پاکستان غمزدہ ہے اور ہر آنکھ اشکبار ہے ، ملک بھر میں دہشت گردی کے باعث سیاسی سرگرمیاں محدود ہوگئی ہیں ، سانحہ میں ملوث افراد کو سخت سے سخت دینی چاہیے ، ہم سب کو اس صورتحال پر مشترکہ پالسیی اختیار کرنی چاہیے ، نوابزادہ لشکری رئیسانی کی جانب سے سچائی کمیشن کے قیام پر اتفاق کرتا ہوں ، میرا کوئٹہ آنے کا مقصد رئیسانی خاندان سے اظہار یکجہتی ہے ۔انہوں نے کہا کہ عمران خان کو ایسے موقع پر غیر سنجیدہ بات اور سیاست نہیں کرنی چاہیے ، ملکی مسائل کا حل صاف شفاف انتخابات میں ہے ، اگر صاف شفاف الیکشن نہ ہوئے تو بڑا المیہ ہوگا ، ملک میں ایک سیاسی جماعت کو سیاسی سرگرمیوں کی اجازت ہے ، باقی سب جماعتوں کو مشکل کا سامنا کرنا پڑ رہا ہے۔ شہباز شریف نے کہا کہ مستونگ واقعہ کی سائنسی بنیاد پر تحقیقات کی ضرورت ہے ۔ شہباز شریف نے کہا ہے کہ اللہ تعالیٰ سانحہ مستونگ کے شہداءکو جوار رحمت میں جگہ دے، میں رئیسانی خاندان سے تعزیت کیلئے آیا ہوں۔ اتوار کو سماجی رابطے کی ویب سائٹ ٹوئٹر پر اپنے ٹوئیٹ میں میں شہباز شریف نے کہا کہ میں رئیسانی خاندان سے تعزیت کیلئے آیا ہوں، اللہ تعالیٰ سانحہ مستونگ کے شہداءکو جوار رحمت میں جگہ دے۔ صدر (ن) لیگ شہباز شریف ساراوان ہاو¿س آئے اور سانحہ مستونگ میں شہید ہونے والے سراج رئیسانی کے لواحقین سے تعزیت اور فاتحہ خوانی کی ۔اتوار کو شہباز شریف نے کوئٹہ کا دورہ کیا اور سانحہ مستونگ میں شہید ہونے والے سراج رئیسانی کے لواحقین سے تعزیت اور فاتحہ خوانی کی۔ میاں شہباز شریف نے کہا کہ مستونگ واقعہ پر ہر آنکھ اشک بار ہے اس واقعہ کی جتنی بھی مذمت کی جائے کم ہے، انہوں نے کہا کہ کل اڈیالہ جیل میں میاں صاحب سے ملاقات کی تو انہوں نے بھی کہا کہ میری طرف سے رئیسانی خاندان سے افسوس کرنا، شہباز شریف نے کہا کہ جو بھی عناصر ان واقعہ میں ملوث ہیں ان کو عبرتناک سزا دی جائے، اس حوالے سے وفاقی اور صوبائی حکومتوں کو اپیل کروں گا کہ وہ تمام وسائل بروئے کار لاکر دہشتگردوں کو گرفتار کیا جائے تاکہ دوبارہ ایسے واقعات نہ ہوں، انہوں نے کہا کہ الیکشن کمیشن کی یہ بنیادی ذمہ داری ہے کہ وہ صاف، شفاف اور غیر جانبدار الیکشن کرائے، مسلم لیگ ن نے جانبدار الیکشن کے حوالے سے اپنے تحفظات سے الیکشن کمیشن کو آگاہ کر دیا ہے، اگر بدقسمتی سے نگران پنجاب حکومت اگر ہمارے کارکنوں کے خلاف کارروائیوں کرتی ہے تو الیکشن مشکوک ہو جائیں گے، انہوں نے کہا کہ اگر ہم چاروں صوبوں میں صاف، شفاف اور غیر جانبدار الیکشن کرانے میں کامیاب ہو جاتے ہیں تو پھر پاکستان کی ترقی و خوشحالی یقنی ہو گی اگر خدانحواستہ ایسا نہ ہوا تو پاکستان کے مستقبل کو بڑا نقصان پہنچے گا،انہوں نے کہاکہ ابھی تک صرف ایک شخص کو انتخابی مہم چلانے کی اجازت دی گئی ہے باقی تمام جماعتوں کو مشکلات کا سامنا ہے ، ایسے حالات شفاف الیکشن پر سوالیہ نشان ہے، ایک سوال پر انہوں نے کہا کہ دہشتگردوں کے واقعات پر سیاست کرتے ہوئے عمران خان کو شرم آنی چاہئے ایسے موقعے پر تو وہ جھوٹ اور الزامات نہ لگائیں کیونکہ جب بھی نواز شریف پر مشکل وقت آتا ہے تو دھمکاے شرو ہو جاتے ہیں، عمران خان کو خود اپنے گریبان میں جھانکنا چاہئے، انہوں نے کہا کہ عمران خان لندن میں بیٹھ کر جو افواج پاکستان کےخلاف ہرزا سرائی کرتا تھا ، عمران خان نے مختلف مواقعوں پر افواج پاکستان کی تحضیک کی ان کو اپنے گریبان میں بھی جھانکنا چاہئے۔ پاکستان مسلم لیگ (ن)نے سانحہ مستونگ کے شہداءکے لواحقین سے اظہار یکجہتی کیلئے ایک دن کیلئے اپنی انتخابی سرگرمیاں معطل کرتے ہوئے کہا ہے کہ الیکشن کے انعقاد میں 10روز رہ گئے انتخابی سرگرمیوں کو نشانہ بنانا تشویشناک ہے پاکستان کا مستقبل شفاف آزادانہ اور پرامن انتخابات سے جڑا ہے۔