گوجرانوالہ(بیورورپورٹ) بدکردار شیطان صفت درندے کی تیرہ سالہ لڑکی کیساتھ گن پوائنٹ پر زیادتی ، حالت غیر ہونے پر گھر کے باہر پھینک کر فرار، پولیس بااثر ملزمان سے مل گئی ، صلح کیلئے منع کرنے پر جھوٹے مقدمات میں پھنسانے کی دھمکی، متاثرہ خاندان داد رسی اور اندارج مقدمہ کیلئے سی پی او آفس جاپہنچا، تفصیل کے مطابق واھنڈو کے علاقہ آدھو رائے کے بااثر شخص رمضان تیرہ سالہ (ن)نامی لڑکی جو اپنے بھائی کیساتھ کھیتوں میں کام کررہی تھی کو گن پوائنٹ پر اغوا کرکے نامعلوم مقام پر لے گیا اور کئی روز تک زبردستی زیادتی کا نشانہ بناتا رہا، حالت غیر ہونے پر گھر کے باہر پھینک کر فرار ہوگیا، متاثرہ لڑکی کے والدین بچی کےساتھ تھانہ واھنڈو پہنچے تو ایس ایچ او نے ملزمان کیساتھ ساز باز کرکے متاثرہ خاندان کو دھکے دیکر تھانے سے باہر نکال دیا ، (ن) کے والدین دادرسی اور اندراج مقدمہ کیلئے سی پی او آفس پہنچ گئے اور روڈ بلاک کرکے احتجاج کیا، اور اپیل کی کہ بااثر ملزم کیخلاف مقدمہ درج کیا جائے، اعلیٰ افسران نے یقین دہانی کرائی کہ ملزم کے خلاف جلد مقدمہ درج کرکے گرفتار کرلیا جائیگا۔
