تازہ تر ین

ایشین گیمز، ہاکی سکواڈ کی تیاریاں بری طرح متاثر

کراچی(آئی این پی) ایشین گیمزکی تیاری کیلئے قومی ہاکی ٹیم اصلاح الدین اکیڈمی میں ٹریننگ کر رہی ایشین ہے جہاں کھیل کی بنیادی سہولتیں بھی حاصل نہیں۔اصلاح الدین اکیڈمی میں گول پوسٹ کی جالیاں پھٹی ہوئی ہیں تختے ٹوٹ گئے ہیں جب کہ آسٹرو ٹرف جگہ جگہ سے پھٹنے لگی۔ایشین گیمز کیلئے پاکستان ہاکی ٹیم کا کیمپ اصلاح الدین اکیڈمی نارتھ ناظم آباد میں لگا ہوا ہے،لیکن اکیڈمی کی حالت غیر ہو چکی ہے بلیو کلر کی آسٹروٹرف جگہ جگہ سے پھٹ چکی ہے کرسیاں ٹوٹ پھوٹ کا شکار بچی کچی کرسیوں کی صفائی کا بھی کوئی انتظام نہیں۔آسٹرو ٹرف پر مٹی پڑی ہوتی ہے اسی پر پانی کا چھڑکاو کردیا جاتا ہے جس کی وجہ سے ٹرف پر مٹی بھری پڑی ہے، سائڈ پر موجود نالیوں کی کوئی صفائی نہیں کی گئی اور اس کی جالیاں ٹوٹ کر اندر پڑی ہوئی ہیں ۔کھلاڑیوں کا کہنا ہے کہ انہیں یہاں کوئی پریشانی نہیں ، صرف اپنی تنخواہوں کی فکر ہے وہ آجائے گی تو سارے معاملات ٹھیک ہوجائیں گے۔صبح چھ بجے شروع ہونے والے کیمپ میں کھلاڑیوں کیلئے موجود پانی پینے کیلئے محض ایک بوتل موجود تھی جو کہ کیمپ کے کھلاڑیوں کیلئے یقینا ناکافی تھی۔گراونڈ کے نام کا لگا بورڈ ٹوٹ کر نیچے پڑا ہوا ہے، دیواروں اور بورڈ پر مٹی جمی پڑی ہے جسے کبھی صاف نہیں کیا گیا ہو۔


اہم خبریں





   پاکستان       انٹر نیشنل          کھیل         شوبز          بزنس          سائنس و ٹیکنالوجی         دلچسپ و عجیب         صحت        کالم     
Copyright © 2021 All Rights Reserved Dailykhabrain