تازہ تر ین

لاہور کے معروف ہوٹل بارے اداکارہ حمائمہ ملک نے ایسی خوفناک بات کہہ دی کہ اب کوئی خاتون جانے سے قبل سوبار سوچے گی

لاہور(ویب ڈیسک ) جنسی ہراسگی کے خلاف خواتین نے عالمی مہم چلا رکھی ہے جس میں وہ اپنے ساتھ پیش آنے والے بدسلوکی کے واقعات بیان کر رہی ہیں۔ پاکستان میں اس سے قبل گلوکارہ میشا شفیع اور چند دیگر شوبز سے وابستہ خواتین ایسے الزامات کے ساتھ سامنے آ چکی ہیں اور اب اداکارہ حمائمہ ملک نے بھی ایک ہوٹل میں اپنے ساتھ ایسا واقعہ پیش آنے کا انکشاف کر ڈالا ہے کہ سن کر کوئی بھی لڑکی ہوٹل میں قیام پذیر ہونے سے ہی خوفزدہ ہو جائے۔ ویب سائٹ ’مینگوباز‘ کے مطابق حمائمہ ملک نے اپنے انسٹاگرام اکاو¿نٹ پربتایا ہے کہ ”میں لاہور کے نشاط ہوٹل میں ٹھہری تھی کہ عملے نے سب لوگوں کو میرے کمرے کے متعلق بتا دیا، جس کے بعد مختلف کاروباری افراد اور امیرمردوں کے وزٹنگ کارڈ میرے کمرے کے دروازے کے نیچے سے اندر سرکائے جانے لگے۔“حمائمہ ملک کا کہنا تھا کہ ”اس سے پہلے بھی کئی ہوٹلوں میں میرے ساتھ یہ واقعہ پیش آ چکا ہے۔ کتنے ہی مردوں کے وزٹنگ کارڈ میرے روم کے دروازے کے نیچے سے اندر پھینکے گئے جنہیں میں جانتی ہی نہیں تھی۔ یہ صرف میرے ساتھ ہی پیش نہیں آتا۔ ہماری کئی اداکارائیں، گلوکارائیں اور ماڈلز ایسی ہی جنسی ہراسگی کا سامنا آئے روز کرتی ہیں لیکن ان میں سے کوئی سامنے نہیں آتی۔ میں بھی اب تک خاموش تھی لیکن اب میں نے سوچا کہ مجھے لوگوں کو اس صورتحال سے آگاہ کرنا چاہیے۔ میں نے نشاط ہوٹل کی انتظامیہ (طلحہٰ اور مسٹر علی عمران ) کو اس حوالے سے متعدد شکایات کی لیکن انہوں نے کوئی پروا نہیں کی۔“

 


سب سے زیادہ پڑھی جانے والی مقبول خبریں
   پاکستان       انٹر نیشنل          کھیل         شوبز          بزنس          سائنس و ٹیکنالوجی         دلچسپ و عجیب         صحت        کالم     
Copyright © 2016 All Rights Reserved