تازہ تر ین

پیپلز پارٹی نے اعتزاز احسن کو صدارتی امیدوار نامزد کردیا

اسلام آباد(ویب ڈیسک) پاکستان پیپلز پارٹی (پی پی پی) نے معروف وکیل بیرسٹر اعتزاز احسن کو صدارتی امیدوار نامزد کردیا۔اس حوالے سے ذرائع کا کہنا ہے کہ اعتزاز احسن کی بطور صدارتی امیدوار نامزدگی کا اعلان اتحادی جماعتوں سے مشاوت کے بعد ہی کیا جائے گا۔پیپلز پارٹی نے جمعیت علمائے اسلام (ف) کے سربراہ مولانا فضل الرحمٰن کو اعتزاز احسن کے نام پر اعتماد میں لے لیا ہے۔ذرائع نے بتایا کہ جے یو آئی (ف) کے سربراہ بھی اس حق میں ہیں کہ بیرسٹر اعتزاز احسن کو صدارتی امیداور نامزد کیا جائے۔ذرائع نے مزید بتایا کہ مولانا فضل الرحمٰن کو سابق صدرِ مملکت اور پی پی پی کے شریک چیئرمین آصف علی زرداری نے خود مشاورت کرکے اعتماد میں لیا۔بعدِ ازاں متحدہ مجلسِ عمل (ایم ایم اے) کے صدر مولانا فضل الرحمٰن نے مسلم لیگ (ن) کو رضامند کرنے کی ذمہ داری لے لی۔واضح رہے کہ صدرِ مملکت کے عہدے کی میعاد 8 ستمبر کو ختم ہو رہی ہے، جبکہ نئے مملکت صدر کے لیے 4 دستمبر کو انتخاب ہوگا۔یاد رہے کہ پاکستان تحریک انصاف کی جانب سے ڈاکٹر عارف علوی کو صدارتی امیدوار نامز کردیا گیا۔پاکستان پیپلز پارٹی نے نومنتخب وزیرِاعظم عمران خان کی کابینہ میں شامل افراد کے حوالے سے تحفظات کا اظہار کردیا۔پاکستان پیپلز پارٹی کی رہنما نفیسہ شاہ نے اپنے ایک بیان میں کہا ہے کہ جو لوگ نندی پور منصوبے میں ملوث تھے کیا وہ اب پارلیمنٹ چلائیں گے؟انہوں نے کہا کہ نئے پاکستان میں سابق صدرِ مملک جنرل (ر) پرویز مشرف کے دور کے وزرائ اور مشیروں کو کابینہ میں شامل کرلیا گیا۔نفیسہ شاہ کا کہنا تھا کہ وفاقی کابینہ کے ناموں سے محسوس ہورہا ہے کہ پاکستان ایک مرتبہ پھر 12 اکتوبر 1999 کے دہانے پر کھڑا ہے۔انہوں نے پاک چین اقتصادی راہداری (سی پی) کے حوالے سے بات کرتے ہوئے کہا کہ سی پیک جیسا اہم سنگ میل پورٹس اینڈ شپنگ کی وزارت کے بغیر کسے عبور ہوگا۔نفیسہ شاہ نے کہا کہ عمران خان کی کابینہ میں شامل بیشتر افراد استعمال شدہ کارتوس ہیں۔ان کا کہنا تھا کہ ’عمران خان کی کابینہ میں اقلیت کو نمائندگی نہ ملنا ان کی شدت پسندانہ سوچ کا عکاس ہے، کابینہ کے خدوخال سے محسوس ہورہا ہے کہ یہ پورے پاکستان کی نہیں بلکہ راولپنڈی اور اسلام ا?باد کی کابینہ ہے‘۔پی ٹی ا?ئی رہنما کو تنقید کا نشانہ بناتے ہوئے نفیسہ شاہ کا کہنا تھا کہ شاہ محمود قریشی جس تنخواہ میں پی پی پی میں کام کرتے تھے آج بھی اسی تنخواہ پر کام کررہے ہیں۔انہوں نے کہا کہ نئے پاکستان میں پرانے اور مزید پرانے چہرے ہیں، اسی لیے دعا ہے کہ ’خدا پاکستان کا حامی و مددگار ہو‘۔


سب سے زیادہ پڑھی جانے والی مقبول خبریں




دلچسپ و عجیب
کالم
آپ کی رائے
   پاکستان       انٹر نیشنل          کھیل         شوبز          بزنس          سائنس و ٹیکنالوجی         دلچسپ و عجیب         صحت        کالم     
Copyright © 2016 All Rights Reserved