نئی دہلی(ویب ڈیسک) بھارت میں پیٹرولیم مصنوعات کی قیمتوں میں اضافے کے خلاف گانگریس سمیت 22 اپوزیشن جماعتوں کی کال پر ملگ گیر پرتشدد احتجاج جاری ہے، جس کے باعث جلاو¿ گھیراو¿ سے نظام زندگی بری طرح متاثر ہے۔بھارتی نشریاتی ادارے این ڈی ٹی وی کی رپورٹ کے مطابق پیٹرولیم مصنوعات اور دیگر معاملات پر کانگریس کے صدر راہول گاندھی کی قیادت میں ’بھارت بند‘ تحریک جاری ہے، جس کے تحت ملک کے مختلف حصوں میں شہریوں نے حکومتی اقدام کے خلاف احتجاج کیا۔احتجاج کے دوران مظاہرین سڑکوں پر نکل آئے اور انہوں نے نہ صرف ٹریفک بلکہ ٹرینوں کی ا?مد و رفت میں بھی تعطل پیدا کیا اور ٹائر جلا کر حکومت مخالف نعرے بازی کی۔بھارت بند تحریک میں کانگریس سمیت 22 اپوزیشن جماعتیں شامل ہیں، تاہم دہلی کی حکمران جماعت عام ا?دمی پارٹی ( اے اے پی) اس احتجاجی تحریک میں شریک نہیں ہوئی۔راہول گاندھی کے ساتھ ساتھ بڑے اپوزیشن رہنما شراد پوار، ایم کے اسٹیلن اور بائیں بازوں کے رہنما بھی بھارت بند تحریک میں شریک ہیں جبکہ ممتا بینرجی کی ترمنول کانگریس نے اس معاملے سے دور رہنے کا فیصلہ کیا ہے۔اس تحریک کی قیادت کرنے والے راہول گاندھی نے اپنی والدہ سونیا گاندھی اور سابق وزیر اعظم من موہن سنگھ کے ہمراہ دہلی کے رام لیلا گراو¿نڈ کا دورہ کیا۔اس موقع پر اپنے خطاب میں کانگریس کے صدر کا کہنا تھا کہ ’نریندر مودی کی حکومت نے بہت سارے ایسے کام کیے جو عوام کے مفاد میں نہیں تھے، لہٰذا اس حکومت کی تبدیلی کا وقت قریب ا?گیا ہے‘۔انہوں نے کہا کہ وزیر اعظم نریندر مودی کا کہنا کہ ان کی حکومت نے جو کام 4 سال میں کیا ہے وہ 70 برس میں نہیں ہوا یہ اصل میں درست ہے کیونکہ ان کے دور میں ’ نفرت پھیلائی جارہی ہے، ایک بھارتی کو دوسرے سے لڑایا جارہا اور ملک کو تقسیم کیا جارہا ہے‘۔دوسری جانب بھارتی جنتا پارٹی کے رہنما روی شنکر کا ایک پریس کانفرنس کے دوران کہنا تھا کہ ’ڈیزل اور پیٹرول کی قیمتیں بڑھنا ہمارے ہاتھ میں نہیں کیونکہ تیل پیدا کرنے والے ممالک میں محدود پیداوار ہے، لہٰذا ہم یہ نہیں کہہ سکتے کہ ہم کچھ نہیں کرسکتے‘۔انہوں نے کہا کہ عوام جانتے ہیں کہ پیٹرولیم مصنوعات کی قیمتوں میں اضافے میں حکومت ملوث نہیں اور بی جے پی کو یقین ہے کہ کچھ وقت کی پریشانی کے باوجود بھارت کے عوام اس احتجاج میں شرکت نہیں کریں گے۔
