تازہ تر ین

یونس نے پاک بھارت سیریزکےلئے صدابلندکردی

کوئٹہ(یواین پی)پاکستان کرکٹ ٹیم کے سابق کپتان یونس خان نے کہا ہے کہ ا ایشیا کپ کے دوران کانٹے کے مقابلوں کی توقع ہے۔میڈیا نمائندوں سے بات چیت کرتے ہوئے انہوں نے کہا کہ پاکستان سپر لیگ(پی ایس ایل) سے پاکستان ٹیم میں بہت بہتری آئی ہے، اور اس کی وجہ سے بہترین کھلاڑی بھی ٹیم کو ملے ہیں۔ پاکستان اور بھارت کے درمیان کرکٹ کے حوالے سے سوال کے جواب میں ان کا کہنا تھا کہ دونوں ممالک کے درمیان کرکٹ ہونی چاہیے اور اس کے لیے ضروری ہے کہ دونوں ممالک کے عظیم کھلاڑیوں کے ناموں سے باقاعدہ سیریز ہونی چاہیے۔ایشیاکپ میں پاک بھارت مقابلے کے حوالے سے ان کا کہنا تھا کہ یہ کانٹے کا مقابلہ ہوگا، اس میں جو ٹیم بہتر کھیلے گی اسے فائدہ ہوگا۔انہوں نے آئی سی سی چیمپئنز ٹرافی کا حوالہ دیتے ہوئے کہا کہ دونوں ٹیموں کے درمیان مقابلہ برابری کی بنیاد پر ہی ہوتا ہے اور گزشتہ ایونٹ میں راﺅنڈ کے میچ میں بھارت جبکہ فائنل میں پاکستان کامیاب رہا تھا۔۔ڈیم کی تعمیر کے حوالے سے سوال کے جواب میں ریکارڈ ساز ٹیسٹ کرکٹر کا کہنا تھا کہ ملک میں ڈیم کے ساتھ ساتھ اور بھی دیگر تعمیرات ہونی چاہیئے۔

ان کا مزید کہنا تھا کہ ڈیم فنڈ میں ہم سب کو بڑھ چڑھ کر حصہ لینا چاہیے۔انہوں نے ایک سوال کے جواب میں انہوں پاکستان تحریک انصاف(پی ٹی آئی) کو حکومت سنبھالنے پر مبارکباد پیش کی۔یونس خان کا کہنا تھا کہ پاکستان حکومتوں کا سب سے بڑا کردار ہوتا ہے، ان کے ہاتھ میں اختیارات ہیں، لہذا وہ آگے آئیں، تاکہ قوم ان کی پیروی کر سکے، تاہم انہیں کسی بھی طرح کی قربانی دینے سے گریز نہیں کرنا چاہیے۔ایشیاکپ رواں ماہ 15 ستمبر سے متحدہ عرب امارات میں شروع ہوگا جہاں روایتی حریف پاکستان اور بھارت ایک ہی گروپ میں موجود ہیں۔ایونٹ میں پاکستان گروپ میں اپنا پہلا میچ 16 ستمبر کو ہانگ کانگ اور 19 کوبھارت سے کھیلے گا۔


سب سے زیادہ پڑھی جانے والی مقبول خبریں




دلچسپ و عجیب
کالم
آپ کی رائے
   پاکستان       انٹر نیشنل          کھیل         شوبز          بزنس          سائنس و ٹیکنالوجی         دلچسپ و عجیب         صحت        کالم     
Copyright © 2016 All Rights Reserved