تازہ تر ین

انضمام خود پر لگے الزامات کلئیر کروانے میں کامیاب

لاہور(نیوزایجنسیاں) چیف سلیکٹر انضمام الحق نے چیئرمین پی سی بی احسان مانی سے ملاقات میں باسط علی کو بیٹے کیلیے فون کے الزام پر اپنا موقف پیش کردیا۔یہ خبر گردش کررہی تھی کہ سابق کپتان نے جونیئر سلیکشن کمیٹی کے سربراہ باسط علی کو فون کرکے بیٹے ابتسام کو انڈر 19 ٹیم میں شامل نہ کرنے پر شکوہ کیا تھا۔ذرائع کے مطابق باسط علی نے یہ بات سابق ٹیسٹ کرکٹر عبدالقادر کو بتائی جنہوں نے صرف اس کا اظہار نہیں بلکہ صداقت پر اصرار بھی کیا ہے۔دوسری جانب انضمام الحق نے الزام کی سختی سے تردید کرتے ہوئے کہا تھا کہ اگر میں نے ایسی کوئی حرکت کی اور اختیار کا ناجائز فائدہ اٹھایا ہے تو مجھے بطور چیف سلیکٹر کام نہیں کرنا چاہیے،چیئرمین پی سی بی کو معاملے کی پوری تحقیقات کی درخواست کروں گا، قصور وار کو سزا ملنا چاہیے۔ذرائع کے مطابق انضمام الحق کی بورڈ کے سربراہ احسان مانی سے ملاقات ہوگئی ہے جس میں انہوں نے اپنا موقف پیش کرتے ہوئے ساری صورتحال سے آگاہ کیا،ذرائع کا دعوی ہے کہ چیف سلیکٹر اپنا الزام کلیئر کروانے میں کامیاب ہوگئے ہیں۔


سب سے زیادہ پڑھی جانے والی مقبول خبریں




دلچسپ و عجیب
کالم
آپ کی رائے
   پاکستان       انٹر نیشنل          کھیل         شوبز          بزنس          سائنس و ٹیکنالوجی         دلچسپ و عجیب         صحت        کالم     
Copyright © 2016 All Rights Reserved