لاہور(شوبزڈیسک)امریکہ میں 25 روزہ 13 ویںفوٹو ساﺅتھ ایشین انٹرنیشنل فلم فیسٹیول 2018 کا آغاز ہوگیا ۔ آغاز شرمین عبید چنائے کی فلم سے ہوا ،مذکورہ فیسٹیول میں ہر سال ایک ملک کو فوکس کیا جاتا ہے اور فلموں کے ذریعے اس ملک کا کلچر، پس منظر ، معاشرتی اقدار و مسائل کو اجاگر کیا جاتا ہے اس بار یہ اعزاز پاکستان کو حاصل ہوا ہے۔فیسٹیول کی تھیم میک ناﺅ ہے۔ شرمین عبید نے تعارفی سیشن سے خطاب کیااورانکی دستاویزی فلم ”آ گرل ان دا ریور“ دکھائی گئی۔ فیسٹیول کے دوران 28 ستمبر کو ریڈ کارپٹ پر پاکستانی فلم ” کیک“ کو خصوصی اہمیت دی جائیگی۔ فلم کے ہدایتکار عاصم عباسی سمیت فنکار آمنہ شیخ اور صنم سعید بھی یہاں جمع ہونگے۔60 فلموں کے فیسٹیول میں 3 ہزار شرکاموجود ہونگے۔،تقریب کا اختتام مصری فلم ”پٹاخہ “ اور میوزیکل گالا شو سے ہوگا۔
