دبئی (ٹرینڈی ایڈ یٹررپورٹ) ایشیا کپ سپر فور مرحلے کے دوسرے میچ میں پاکستان نے 258 رنز کے ہدف کے تعاقب میں ایک دلچسپ اور سنسنی خیز مقابلے کے بعد 3 وکٹوں سے شکست دے دی اور ہدف آخری اوور میں حاصل کرلیا۔ہدف کے تعاقب کے لئے پاکستان کے فخر زمان اور امام الحق نے اننگز کا آغاز کیا ،پہلے اوور کی آخری گیند پرصفر کے مجموعی اسکور پر فخرزمان کو مجیب الرحمن نے ایل بی ڈبلیو آﺅٹ کر دیا ،وہ ایونٹ میں دوسری بار صفر پر آﺅٹ ہوئے ہیں۔دوسری وکٹ پر امام الحق اور بابر اعظم نے انتہائی ذمہ داری کا مظاہرہ کرتے ہوئے 154 رنز کی شاندار شراکت قائم کی تاہم دونوں بیٹسمین اوپر تلے آﺅٹ ہوگئے،امام الحق 80 رنزبناکر رن آﺅٹ ہوئے جبکہ بابر اعظم 66 رنز بناکر اسٹمپ ہوگئے۔اس کے بعد حارث سہیل اور شعیب ملک نے ہدف کے لیے محاذ سنبھالا مگر حارث سہیل محض 13 رنز پر پویلین لوٹ گئے،ان کے بعد کپتان سرفراز احمد بیٹنگ کے لیے آئے۔سرفراز احمد بھی زیادہ دیر وکٹ پر ٹھہر سکے اور محض 8 رنز کے بعد پویلین لوٹ گئے۔ ان کے بعد آصف علی کھیلنے آئے جو ایک چھکا مارنے کے بعد آوٹ ہوگئے۔قبل ازیں افغانستان نے حشمت اللہ شاہدی کی شانداربیٹنگ کی بدولت مقررہ 50 اوورز میں 6 وکٹ پر 257 رنز بنائے اور پاکستان کو 258 رنز کا ہدف دیا۔ابوظبی کرکٹ اسٹیڈیم کھیلے جانے والے میچ میں افغانستان نے حشمت اللہ 97رنز ناٹ آﺅٹ ،کپتان اصغر 67 اور رحمت شاہ 36 رنز کی بدولت 6 وکٹ پر 257 رنز بنائے۔گرین شرٹس کی طرف سے محمد نواز کامیاب ترین بالر رہے، انہوں نے 10 اوورز 57 رنز کے عوض 3 وکٹیں اپنے نام کیں، شاہین آفریدی نے 38رنز دے کر2 اور حسن علی نے 51 رنز دے کر ایک افغان کھلاڑی کو پویلین کی راہ دکھائی۔
