تازہ تر ین

آئی سی سی رینکنگ: محمدعباس کی کریئر کی بہترین پوزیشن

کراچی (ویب ڈیسک)انٹرنیشنل کرکٹ کونسل (آئی سی سی) نے پاکستان اور آسٹریلیا کے درمیان کھیلے گئے دبئی ٹیسٹ کے بعد کھلاڑیوں کی تازہ درجہ بندی جاری کردی جہاں محمد عباس سمیت پاکستان کے کئی کھلاڑیوں کی پوزیشن بہتر ہوئی ہے۔فاسٹ باﺅلر محمد عباس نے دبئی ٹیسٹ میں اچھی کارکردگی کا مظاہرہ کیا تھا، پہلی اننگز میں 4 اور دوسری اننگز میں 3 وکٹیں حاصل کی تھیں تاہم پاکستان کو میچ نہ جتواسکے تھے۔دبئی ٹیسٹ میں بہترین باو?لنگ کے بعد وہ کریئر کی بہترین پوزیشن 13 ویں نمبر پر ا?گئے ہیں۔ٹیسٹ کرکٹ میں باﺅلر ز کی تازہ درجہ بندی میں انگلینڈ کے جیمز اینڈرسن سرفہرست، جنوبی افریقہ کے کگیسو ربادا دوسرے اور ورنن فلینڈر تیسرے نمبر پر ہیں۔بھارت کے رویندرا جدیجا چوتھے، نیوزی لینڈ کے ٹرینٹ بولٹ پانچویں اور ا?سٹریلیا کے پیٹ کمنز چھٹے نمبر پر ہیں۔ٹیسٹ باو?لرز کی درجہ بندی میں سری لنکا کے رنگنا ہیراتھ ساتویں، بھارت کے روی چندرن ایشون ا?ٹھویں، نیوزی لینڈ کے نیل ویگنر نو اور ا?سٹریلیا کے جوش ہیزل ووڈ دسویں نمبر پر موجود ہیں۔پاکستان کے تجربہ کار اسپنر یاسر شاہ 21، وہاب ریاض 32 اور بدترین کارکردگی کا مظاہرہ کرنے والے محمد عامر 34 ویں نمبر پر موجود ہیں۔ٹیسٹ کرکٹ کے بیٹنگ کے شعبے میں محمدحفیظ، حارث سہیل اور امام الحق کی پوزیشن درجہ بندی میں بہتر ہوئی ہے تاہم باو?لنگ کی طرح بیٹنگ میں بھی کوئی پاکستانی سرفہرست 10 بلے بازوں میں شامل نہیں ہے۔ٹیسٹ کی بلے بازی میں ویرات کوہلی پہلے، ایک سالہ پابندی کے شکار ا?سٹریلیا کے سابق کپتان اسٹیو اسمتھ دوسرے، نیوزی لینڈ کے کپتان کین ولیمسن تیسرے، انگلینڈ کے کپتان جو روٹ چوتھے اورآسٹریلیا کے ڈیوڈ وارنر پانچویں نمبر پر موجود ہیں۔دبئی ٹیسٹ میں پاکستان سے جیت چھیننے والے آسٹریلیا کے بلے باز عثمان خواجہ 9 درجے ترقی پاکر سرفہرست 10 ویں بلے باز بن گئے ہیں۔پاکستان کی جانب سے اظہرعلی 16 ویں نمبر کے ساتھ نمایاں ہیں، اسدشفیق 5 درجے ترقی کے بعد 20 ویں نمبر پر آگئے ہیں۔ٹیسٹ کرکٹ میں جہاں بھارت سمیت بڑی ٹیموں کےکپتان سرفہرست بلے بازوں میں شامل ہیں وہی پاکستان کے کپتان مسلسل ناقص کارکردگی کے ساتھ 42 ویں نمبر پر موجود ہیں۔خیال رہے کہ پاکستان کی ٹیم متحدہ عرب امارات میں ا?سٹریلیا کے خلاف ٹیسٹ سیریز کھیل رہی ہے جہاں پہلے میچ میں اچھی پوزیشن حاصل کرنے کے باوجود عثمان خواجہ کی ذمہ دارنہ بلے بازی کے باعث میچ برابری پر ختم ہوگیا تھا۔


سب سے زیادہ پڑھی جانے والی مقبول خبریں




دلچسپ و عجیب
کالم
آپ کی رائے
   پاکستان       انٹر نیشنل          کھیل         شوبز          بزنس          سائنس و ٹیکنالوجی         دلچسپ و عجیب         صحت        کالم     
Copyright © 2016 All Rights Reserved