لاہور /اسلام آباد (این این آئی)قومی اسمبلی کا اپوزیشن کی ریکوزیشن اجلاس آج پارلیمنٹ ہاﺅس میں شروع ہوگا۔ اجلاس کی صدارت سپیکر قومی اسمبلی اسد قیصر کریں گے۔ اجلاس میں مسلم لیگ (ن) کی طرف سے ایجنڈے پر غور سمیت اہم قومی امور زیرغور لائے جائیں گے۔ قومی اسمبلی کے اجلاس سے قبل قومی اسمبلی کے ریکوزیشن اجلاس کے شیڈول اور ایجنڈے کی منظوری کےلئے ہاﺅس بزنس ایڈوائزری کمیٹی کا اجلاس بدھ کی صبح 10 بجے پارلیمنٹ ہاﺅس میں طلب کیا گیا ۔ اجلاس کی صدارت سپیکر قومی اسمبلی اسد قیصر کریں گے ¾مسلم لیگ (ن) سمیت دیگر پارلیمانی جماعتوں کے نمائندوں کی مشاورت سے ریکوزیشن اجلاس کے شیڈو ل اور ایجنڈے کی منظوری دی جائےگی۔واضح رہے کہ قومی اسمبلی کا اجلاس قائد حزب اختلاف شہباز شریف نیب لاہور کی جانب سے گرفتاری کے بعد مسلم لیگ (ن) کی طرف سے جمع کرائی گئی ریکوزیشن پر سپیکر قومی اسمبلی نے طلب کیا ہے قواعد کے تحت ریکوزیشن اجلاس کا ایجنڈا بھی اجلاس ریکوزیشن کرنے والی پارلیمانی جماعت کی مرضی سے طے کیا جاتاہے۔ سپیکر قومی اسمبلی نے قائد حزب اختلاف میاں شہباز شریف کے پروڈکشن آرڈر بھی جاری کر دیئے ہیں۔ذرائع کے مطابق نیب اپوزیشن لیڈر شہباز شریف کو اسلام آباد لائےگا جہاں وہ قومی اسمبلی کے اجلا س میں شرکت کرینگے ۔ذرائع کے مطابق اجلا س کے دور ان اپوزیشن لیڈر شہباز شریف اسلام آباد میں رہیں گے دوسری جانب صدر مسلم لیگ (ن )اور قائد حزب اختلاف شہباز شریف کی قومی اسمبلی اجلاس میں شرکت یقینی بنانے کیلئے نیب کو پروڈکشن آرڈر موصول ہو گئے ہیں۔ اپوزیشن نے شہبازشریف کی گرفتاری کا معاملہ اجلاس میںبھرپور اندازسے اٹھانے کافیصلہ کر لیا دوسری جانب حکومت نے بھی جوابی حکمت عملی تیار کر لی ۔
