تازہ تر ین

بولی وڈ اداکارہ کی جوتا چھپائی میں 50 لاکھ روپے کی مانگ

ممبئی (ویب ڈیسک) بولی وڈ اداکارہ پریانکا چوپڑا اور امریکی گلوکار و اداکار نک جونس رواں سال دسمبر میں شادی کے بندھن میں بندھ جائیں گے اور ان دونوں کے مداح اس لیے کافی خوش ہیں۔لیکن کوئی اور بھی ہے جن کو ان دونوں کی شادی کی بےحد خوشی ہے اور شادی سے زیادہ وہ اس میں ہونے والی رسموں کے لیے پرجوش ہیں۔وہ کوئی اور نہیں بولی وڈ اداکارہ اور پریانکا چوپڑا کی کزن پرینیتی جوپڑا ہیں۔جیسے تمام بہنیں اور کزنز شادیوں میں دلہے کے ساتھ رسمیں کرکے ان سے پیسے بٹورتی ہیں، ویسی ہی پرینیتی چوپڑا بھی ان معاملات میں پیچھے نہیں۔اداکار نے پریانکا چوپڑا کے ہونے والے شوہر نک جونس سے شادی کی رسم جوتا چھپائی میں ان کے جوتے واپس کرنے کے لیے بڑی رقم کا مطالبہ کرلیا۔پرینیتی چوپڑا نے اپنے انسٹاگرام پر پریانکا چوپڑا کے ساتھ ایک تصویر شیئر کی، جس پر نک جونس نے پریانکا کے لیے کمنٹ کیا، تاہم یہی کمنٹ ان کے گلے پڑ گیا۔نک جونس نے تصویر پر پریانکا کی تعریف کرتے ہوئے لکھا کہ ’واہ یہ کتنی خوبصورت ہیں، کیا آپ مجھے ان سے متعارف کرا سکتی ہیں؟‘اس پر پرینیتی نے حامی بھرتے ہوئے نک جونس کے سامنے اپنی مانگ بھی رکھ دی۔اداکارہ نے لکھا کہ ’ان سے متعارف کروانا خاصہ مشکل ہے لیکن میں آپ کے لیے کوشش کرسکتی ہوں، لیکن صرف تب جب آپ مجھے جوتا چھپائی کے لیے 5 ملین ڈالر (50 لاکھ روپے) دینے کی حامی بھریں‘۔


سب سے زیادہ پڑھی جانے والی مقبول خبریں




دلچسپ و عجیب
کالم
آپ کی رائے
   پاکستان       انٹر نیشنل          کھیل         شوبز          بزنس          سائنس و ٹیکنالوجی         دلچسپ و عجیب         صحت        کالم     
Copyright © 2016 All Rights Reserved