تازہ تر ین

افضل میموریل ہاکی میں واپڈاکو اپ سیٹ شکست

لاہور(سپورٹس رپورٹر)پہلا اولمپئن افضل منا میموریل انٹر نیشنل ہاکی ٹورنامنٹ لاہور میں شروع ہو گیا ۔ٹورنامنٹ کے افتتاحی میچ میں چیمبرآف کامرس سیالکوٹ کی ٹیم نے واپڈ ا کو چار دو سے شکست دے کر اپ سیٹ کر دیا ۔پاکستان ہاکی فیڈریشن کے سیکرٹری جنرل اولمپئین شہباز احمد سینئر نے جوہر ہاکی اسٹیڈیم میں ٹورنامنٹ کا افتتاح کیا ،اس موقع پی ایچ ایف کے سابق صدراختر رسول چوہدری ،سابق کپتان عثمان احمد سمیت سابق انٹر نیشنل کھلاڑیوں کی بڑی تعداد موجود تھی ۔میچ کے آغاز سے قبل نیپال ہاکی ٹیم کو ٹورنامنٹ انتظامیہ کی جانب سے ہاکی کٹس فراہم کی گئیں ۔ٹورنامنٹ کے افتتاحی میچ میں چیمبر آف کامرس سیالکوٹ کی ٹیم نے واپڈا کی مضبوط ٹیم کو آٹ کلاس کرد یا ،،فاتح ٹیم کی جانب سے حمید نے تین جبکہ حاشر نے ایک گول اسکور کیا۔ ،،،واپڈا کی طرف محمد الیاس اور شجیع احمد نے ایک ایک گول اسکورکیا ۔اس موقع پر پاکستان ہاکی فیڈریشن کے سیکرٹری شہباز احمد سینئر کا کہناتھا کہ غیر ملکی ٹیموں کا پاکستان آنا خوش آئندہے ۔ٹورنامنٹ کے دوسرے روز پہلے میچ میں پولیس اور نیپال کے درمیان ،دوسرا میچ یواے ای اور ریلوے جبکہ تیسرے میچ میں کسٹم اور سری لنکن آرمی کی ٹیمیں مد مقابل ہوں گی ۔


سب سے زیادہ پڑھی جانے والی مقبول خبریں




دلچسپ و عجیب
کالم
آپ کی رائے
   پاکستان       انٹر نیشنل          کھیل         شوبز          بزنس          سائنس و ٹیکنالوجی         دلچسپ و عجیب         صحت        کالم     
Copyright © 2016 All Rights Reserved