تازہ تر ین

ویمنزورلڈ ٹی 20وارم اپ،پاکستان نے بنگلہ دیش کو بھی ہرادیا

گیانا(اے پی پی) باﺅلرز کی شاندار باﺅلنگ کی بدولت آئی سی سی ویمنز ورلڈ ٹی ٹونٹی کرکٹ ٹورنامنٹ میں پاکستان نے بنگلہ دیش کو وارم اپ میچ میں باآسانی 8 رنز سے ہرا کر حریف ٹیموں کیلئے خطرے کی گھنٹی بجا دی، پاکستان ویمن نے پہلے کھیلتے ہوئے مقررہ اوورز میں 7 وکٹوں پر 106 رنز بنائے، بسمہ معروف 22، جویریہ خان 21، ندا ڈار 19 اور عائشہ ظفر 18 رنز بنا کر نمایاں رہیں۔ جواب میں بنگلہ دیشی ویمن ٹیم 9 وکٹوں پر 98 رنز بنا سکی، انعم، ثناءمیر اور بسمہ نے 2، 2 وکٹیں لیں۔ پاکستانی باﺅلرز کی عمدہ باﺅلنگ کی بدولت بنگلہ دیش کی 7 کھلاڑی دوہرا ہندسہ بھی عبور نہ کر سکیں۔آسٹریلیا نے جنوبی افریقہ کی ویمن ٹیم کو وارم اپ میچ میں 51 رنز سے ہرا دیا، آسٹریلوی ویمن ٹیم نے پہلے کھیلتے ہوئے مقررہ اوورز میں 4 وکٹوں پر 130 رنز بنائے، میگ لیننگ عمدہ بیٹنگ کا مظاہرہ کیا اور ناقابل شکست 65 رنز بناکر ٹیم کی فتح میں اہم کردار ادا کیا۔ ہائنس ناقابل شکست 29 اور بیتھ مونی 24 رنز بنا کر دوسرے نمایاں بلے باز رہیں، جواب میں جنوبی افریکن ویمن ٹیم ہدف کے تعاقب میں مقررہ اوورز میں 9 وکٹوں پر 79 رنز بنا سکی۔ جیس جاناسین نے تین جبکہ نکولا کیری اور ٹائیلا نے 2، 2 کھلاڑیوں کو پویلین کی راہ دکھائی۔ آسٹریلین باﺅلرز کی عمدہ باﺅلنگ کی بدولت بنگلہ دیش کی 7 کھلاڑی دوہرا ہندسہ بھی عبور نہ کرسکیں۔ میگا ایونٹ کل سے شروع ہوگا۔


سب سے زیادہ پڑھی جانے والی مقبول خبریں




دلچسپ و عجیب
کالم
آپ کی رائے
   پاکستان       انٹر نیشنل          کھیل         شوبز          بزنس          سائنس و ٹیکنالوجی         دلچسپ و عجیب         صحت        کالم     
Copyright © 2016 All Rights Reserved