تازہ تر ین

پاکستان کے پاس سیریز بچانے کا آخری موقع، کیویز سے دوسرا ون ڈے آج

ابوظہبی (آئی این پی) پاکستان اور نیوزی لینڈ کے مابین 3ون ڈے میچوں پر مشتمل سیریز کا دوسرا میچ (آج)جمعہ کو شیخ زید کر کٹ سٹیڈیم ابو ظہبی میں کھیلا جائیگا ۔کیویز کو سیریز میں 1-0کی برتری حاصل ہے،ڈے اینڈ نائٹ میچ پاکستانی وقت کے مطابق سہ پہر4بجے شروع ہو گا۔پاکستان کو میچ میں سیریز بچانے کا چیلنج درپیش ہوگا۔نیوزی لینڈ گرین شرٹس کیخلاف مسلسل 13ایک روزہ میچوں میں ناقابل شکست ہے۔ تفصیلات کے مطابق پاکستان اور نیوزی لینڈ کے مابین دوسرا ون ڈے (آج)جمعہ کو شیخ زید کر کٹ سٹیڈیم ابو ظہبی میں کھیلا جائیگا ، ڈے اینڈ نائٹ میچ پاکستانی وقت کے مطابق سہ پہر4بجے شروع ہو گا۔قومی ٹیم کے کپتان سرفراز احمد سیریز میں کم بیک کیلئے پر امید ہیں اور انکا کہنا ہے کہ پاکستان دوسرا ون ڈے جیت کر سیریز برابر کر دے گا،ہمیں اپنی غلطیوں پر قابو پانا ہو گا۔سابقہ غلطیاں نہیں دہرائیں گے،بلے بازوں کوذمہ دارانہ کھیل دکھاناہوگا۔اس میچ میں بھی ٹیم ناکام رہی توپھر سیریزبھی ہاتھ سے نکل جائے گی،امیدہے ٹیم اچھا پرفارم کریگی۔دوسری جانب کیویز کپتان کین ولیمسن دوسرا ون ڈے جیت کر سیریز میں فیصلہ کن برتری حاصل کرنے کیلئے پر امید ہیں۔نیوزی لینڈ کی ٹیم پاکستان کیخلاف کیخلاف مسلسل 13ایک روزہ میچوں میں ناقابل شکست ہے۔ دونوں ٹیموں کے مابین ابتک کھیلے گئے ایک روزہ میچوں میں گرین شرٹس کو برتری حاصل ہے ،مجموعی طور پر کھیلے گئے104میچوں میں سے 53پاکستان اور 48نیوزی لینڈ نے جیتے ،2میچز بغیر کسی نتیجے جبکہ ایک میچ ٹائی ہوا۔دونوں ٹیموں کے مابین تیسرا اور آخری ون ڈے11نومبر کو دبئی انٹرنیشنل کر کٹ سٹیڈیم میں کھیلا جائیگا۔دونوں ٹیموں کے مابین ٹیسٹ سیریز16نومبر سے ابوظہبی میں شروع ہو گی،دوسرا ٹیسٹ24نومبر کو دبئی ،تیسرا اور آخری ٹیسٹ3دسمبر سے دبئی میں کھیلا جائیگا۔


سب سے زیادہ پڑھی جانے والی مقبول خبریں




دلچسپ و عجیب
کالم
آپ کی رائے
   پاکستان       انٹر نیشنل          کھیل         شوبز          بزنس          سائنس و ٹیکنالوجی         دلچسپ و عجیب         صحت        کالم     
Copyright © 2016 All Rights Reserved