لاہور (ویب ڈیسک ) سندر انڈسٹریل اسٹیٹ کے قریب بس الٹنے سے 4 افراد جاں بحق جب کہ 21 زخمی ہوگئے۔لاہور کے نواح میں واقع معروف صنعتی زون سندر انڈسٹریل اسٹیٹ کے قریب بس موڑکاٹتے ہوئے الٹ گئی، جس کے نتیجے میں 4 افراد موقع پر ہی جاں بحق جب کہ 21 افراد زخمی ہوگئے۔پولیس نے جائے وقوعہ پر پہنچ کرلاشوں اورزخمیوں کواسپتال منتقل کیا، لاشوں کو ضابطے کی کارروائی کے بعد ورثا کے حوالے کردیا گیا جب کہ زخمیوں کو طبی امداد دی جارہی ہے۔دوسری جانب میانوالی روڈ پرکوٹ قاضی کے قریب بھی بس حادثے کا شکار ہوگئی جس کے نتیجے میں 2 خواتین سمیت 3 افراد جاں بحق جب کہ 13 افراد زخمی ہوگئے۔