دبئی (آئی این پی)ٹی ٹین لیگ کے پہلے ایڈیشن میں فکسنگ کا انکشاف کیا گیا ہے۔آئی سی سی نے سری لنکا کے سابق انٹرنیشنل کرکٹردلہارا لوکوہیٹجی کو چارج شیٹ جاری کردی، گزشتہ سال شارجہ میں ہونے والی ٹی ٹین لیگ کے دوران کرپشن میں ملوث پائے جانے والے کھلاڑی پراینٹی کرپشن کوڈ کی 3شقوں کی خلاف ورزی کے الزامات عائد کیے گئے ہیں۔ان پر الزام ہے کہ انہوں نے میچ کے نتائج کو فکس کرنے، ایک کھلاڑی کو بھی اسی کام کیلئے اکسانے سمیت کرپشن کے حوالے سے ایمرٹس کرکٹ بورڈ اینٹی کرپشن یونٹ سے تعاون نہ کرنا شامل ہیں۔امارات کرکٹ بورڈ کی درخواست پرآئی سی سی نے اینٹی کرپشن آفیشل کو مقرر کیا تھا، سری لنکن کرکٹر کو 14 روزکے اندران الزامات کا جواب دینا ہوگا۔
لوکوہیٹج 2005ءسے 2013ءکے دوران 9 ون ڈے اور 2 ٹی ٹونٹی انٹرنیشنل میچز میں سری لنکن ٹیم کی نمائندگی کر چکے ہیں۔
