کراچی (خصوصی رپورٹ) عالمی منڈی میں خام تیل کی قیمتوں میں کمی کا سلسلہ جاری ہے جس کے باعث پاکستان میں بھی پٹرولیم مصنوعات سستی ہونے کے امکانات روشن ہوگئے۔ یکم نومبر سے عالمی منڈی میں خام تیل کی قیمتیں گھٹنا شروع ہوئیں جس کی سب سے بڑی وجہ ایرانی سپلائی اور بین الاقوامی سطح پر معاشی سست روی ہے۔ امریکی خام تیل ایک ڈالر 60سینٹ کی کمی کے بعد 59ڈالر فی بیرل اور برطانوی خام تیل بھی ایک ڈالر 60سینٹ کی کمی کے بعد 69ڈالر 36سینٹ فی بیرل میں ٹریڈ کر رہا ہے۔ دو ہفتوں کے درمیان عالمی منڈی میں خام تیل 9فیصدیعنی 6ڈالر فی بیرل سستا ہو چکا ہے۔ معاشی تجزیہ کاروں کے مطابق عالمی منڈی میں خام تیل سستا ہونے سے پاکستان میں بھی حکومت دسمبر میں پٹرول اور ڈیزل کی قیمتوں میں کمی کا اعلان کر سکتی ہے جس سے فیکٹریوں کی پیداواری لاگت میں کمی واقع ہوگی۔
