تازہ تر ین

شاد باغ میں المناک واقعہ ، ماں 2 بیٹیوں سمیت قتل ، تیسری زخمی ، فائرنگ بد بخت بیٹے نے کی : ذرائع

لاہور (کرائم رپورٹر) شادباغ کے علاقہ میں آج صبح غیرت کے نام پر بیٹے نے ماں اور دو بہنوں کو قبرستان میں اندھا دھند فائرنگ کرکے قتل کر دیا جبکہ 14 سالہ رابعہ کو شدید زخمی حالت میں ہسپتال پہنچا دیا گیا، تہرے قتل کی واردات کے بعد علاقہ میں شدید خوف و ہراس پھیل گیا ، پولیس نے نعشیں پوسٹمارٹم کیلئے مردہ خانہ جمع کروادیں۔ بتایا گیا ہے کہ آج صبح پولیس کو اطلاع ملی کہ شادباغ کے علاقہ بمبے جھگیاں چن شاہ دا قبرستان میں نامعلوم افراد نے تین خواتین کو قتل کرکے نعشیں قبرستان میں پھینک دی ہیں۔ پولیس نے موقع پر جا کر دیکھا تو خون میں لت پت چالیس سالہ خاتون اور اس کی 10 اور 12سالہ بیٹیوں کی نعشیں پڑی تھیں جبکہ 14 سالہ رابعہ شدید زخمی حالت میں پڑی تھی جسے فوری طبی امداد کیلئے ہسپتال پہنچا دیا گیا۔ پولیس کے مطابق زخمی رابعہ نے بتایا کہ انکا بھائی انہیں گھر سے گن پوائنٹ پر قبرستان لے کر آیا اور گولیاں مارتے ہوئے اس کی والدہ اور دو بہنوں کو موت کے گھات اتار دیا ۔ پولیس کے مطابق شبہ ظاہر کیا جا رہا ہے کہ قتل غیرت کے نام پر کیے گئے ہیں، تاہم ملزم کی تلاش قریبی آبادی میں شروع کردی گئی ہے۔ پولیس کے مطابق اصل حقائق زخمی رابعہ کے ہوش میں آنے کے بعد سامنے آئیں گے۔ موقع پر تمام شواہد اکٹھے کرلئے گئے ہیں۔


اہم خبریں





   پاکستان       انٹر نیشنل          کھیل         شوبز          بزنس          سائنس و ٹیکنالوجی         دلچسپ و عجیب         صحت        کالم     
Copyright © 2021 All Rights Reserved Dailykhabrain