لاہور (نیااخبار رپورٹ) شادباغ میں قتل ہونے والی ماں، بیٹیوں کو سپردخاک کردیا گیا، لاشیں لینے کیلئے کوئی نہ آیا، مقامی افراد نے کفن دفن کا انتظام کی اس سلسلے میں پتہ چلا ہے کہ ماں نائلہ، بیٹیوں سعدیہ اور روبینہ کو مارنے والا حیدر عامر کے والد ملک اصغر عرف ملک بلو الیکشن میں بھی حصہ لیتا رہا جبکہ قبضہ گروپ کے سرغنہ کے طورپر اس کا طوطی بولتا تھا۔ پولیس کے مطابق پھمبے جھگیاں میں قبضہ گروپ ملک اصغر عرف بلو نے 127شادیاں کر رکھی تھیں ، لیکن اب 8بیویاں اس کے ساتھ رہتی تھیں۔ ملک اصغر کے کے بیٹے شہزاد نے والد صائمہ کو گھر شادباغ بلا کر قتل کیا ، جس کے بعد مقتولہ نائلہ نے سوکن کے ساتھ ملکر ملک بلو کو قتل کر دیا ، پولیس کو حاصل معلومات کے مطابق ملک اصغر لڑکیوں کو گھروں سے بھگا کر شادی کرتا ، انہیں گھر والوں سے ملنے نہ دیتا ، بعدازاں انہیں چھوڑ دیتا ، جس کے بعد انکا کوئی ٹھکانہ نہ رہتا، اس لئے مقتولہ نائلہ کی نعش اس کے تایا نے لینے سے انکار کر دیا ، مقتولہ سعدیہ اور روبینہ کی نعشیں بھی ننھیال نے لینے سے انکار کر دیا ، پولیس کے مطابق قتل کے اہم کردارحیدر عامر کو ایف آ ئی آر میں نا مزد نہیں کیا گیا، اسکا گن مین نا مز د ہے ، پو لیس کا مو قف ہے حیدر وقوعہ سے ایک روز قبل دبئی فرار ہو گیا ، باقی ملزمان گھروں کو پہلے ہی خالی کر کے فرار ہو چکے ہیں ۔ پولیس کی تین ٹیمیں ملزمان کی گرفتاری کے لئے کوشاں ہیں۔
