تازہ تر ین

قوم چاہتی ہے سونے کے انڈے کھانیوالے نواز زرداری کو ذبح کریں: فواد چودھری

لندن(آئی این پی ) وفاقی وزیر اطلاعات ونشریات فواد حسین چوہدری نے وسط مدتی انتخابات کے حوالے سے باتوں کو سختی سے مسترد کرتے ہوئے کہاہے کہ ملک میں قبل ازوقت انتخابات کا کوئی امکان نہیں ،نوازشریف اور زرداری سونے کے انڈے کھا کر کڑک ہوگئے ، قوم چاہتی ہے ان کو ذبح کریں،دونوں نے اپنا آخری الیکشن لڑ لیا ، ، ڈالر کے اوپر یا نیچے جانے سے کوئی فرق نہیں پڑتا ، نواز اور زرداری کی ایسی حیثیت ہے جیسی اقتدار سے ہٹنے کے بعد یحییٰ اور ایوب خان کی تھی،ہمیں کوئی سیاسی چیلنج درپیش نہیں،سب سے بڑاچیلنج وعدوں کی تکمیل ہے۔ بدھ کو وفاقی وزیراطلاعات فواد چودھری نجی دورے پر لندن پہنچ گئے۔لندن پہنچنے پر ڈپٹی ہائی کمشنرمحمد ایوب نے ان کا استقبال کیا۔فواد چودھری قطر ایئر لائن کی پرواز کیو آرتھری سے لندن ہیتھرو ٹرمینل چار پر پہنچے۔فواد چودھری لندن دورے کے دوران ہاو¿س پارلیمنٹ کا دورہ اور پاکستانی کمیونٹی سے ملاقاتیں کرینگے۔فواد چوہدری ملکی صورتحال پر پاکستانی ہائی کمیشن میں پاکستانی میڈیا سے گفتگو بھی کریں گے۔بعد ازاں پاکستانی ہائی کمیشن میں پاکستانی میڈیاسے گفتگو کرتے ہوئے فواد چوہدری نے کہا کہ الیکشن مہم میں ساتھ دینے پراوورسیز کمیونٹی کامشکورہوں،وقت آگیاہے کہ اوورسیزپاکستانیوں کی توقعات پوری ہوں،احتساب کے حوالے سے لوگوں کی گھبراہٹ دیکھ کراوورسیزپاکستانی خوش ہیں۔انہوں نے کہا کہ وزیراعظم عمران خان کی پالیسیوں سے پاکستانی پاسپورٹ کی اہمیت بڑھے گی، پاکستان کی سفارتی کامیابیوں سے مستحکم معیشت کی طرف بڑھ رہے ہیں،ملک کواس نہج پر پہنچانے والے ہمیں لیکچر دیتے ہیں۔فوادچوہدری نے کہا کہ نوازشریف اورآصف زرداری نے اپنے آخری الیکشن لڑلیے،ہمیں کوئی سیاسی چیلنج درپیش نہیں،سب سے بڑاچیلنج وعدوں کی تکمیل ہے۔فواد چوہدری نے کہا کہ زرداری صاحب معیشت پر کس منہ سے بیان دیتے ہیں ، نواز اور زرداری کی ایسی حیثیت ہے جیسی اقتدار سے ہٹنے کے بعد یحییٰ اور ایوب خان کی تھی ، ہمارے لئے سیاسی چیلنج کوئی نہیں ، پیپلزپارٹی اور (ن) لیگ کے اپنے سے زیادہ بکھیڑے ہیں ،ہمارے لئے اصل چیلنج وہ وعدے ہیں جو ہم نے عوام کے ساتھ کئے ، نوازشریف اور زرداری سونے کے انڈے کھا کر کڑک ہوگئے ہیں ، قوم چاہتی ہے ان کو ذبح کریں ۔انہوں نے کہا کہ ڈالر کے اوپر یا نیچے جانے سے کوئی فرق نہیں پڑتا ، قبل ازوقت انتخابات کا کوئی امکان نہیں ہے ، میاں صاحب ، زرداری صاحب اور دیگر پانچ سات افراد کے لئے ہم نیا آرڈیننس لا رہے ہیں ، ان سے برآمد رقم حکومت کے پاس آجائے تو قرض لینے کی ضرورت نہیں پڑے گی۔


سب سے زیادہ پڑھی جانے والی مقبول خبریں
   پاکستان       انٹر نیشنل          کھیل         شوبز          بزنس          سائنس و ٹیکنالوجی         دلچسپ و عجیب         صحت        کالم     
Copyright © 2016 All Rights Reserved