لاہور(مانیٹرنگ ڈیسک) سابق فرسٹ کلاس کرکٹر طاہر شاہ نے کہا ہے کہ کسی بھی میچ میں پارٹنر شپ کی بہت اہمیت ہے ہماری قومی کرکٹ ٹیم میں اس پر غور نہیں کیا جاتا۔ورلڈ کپ سے پہلے مکی آرتھر نے خود ہی سری لنکا اور آسٹریلیا کے ٹور کا فیصلہ کر لیا مرضی کے کھلاڑی کھلا کر اس نے کرکٹ کو تباہ کر دیا۔ میرے خیال میں انضمام الحق اور پوری سلیکشن کمیٹی کو مستعفی ہونا چاہئے۔چینل فائیو کے پروگرام گگلی میں گفتگو کرتے ہوئے انہوں نے کہا کہ میں کئی روز سے کہہ رہا ہوں کپتان سرفراز کی کوئی پارفارمنس نہیں۔ٹیم میں مزید سپنرز کی بھی ضرورت ہے۔ انہوں نے کہا کہ پاکستانی ٹیم میں اتنا دم خم نہیں کہ ون ڈے میں بھی چل سکے۔حفیظ سے بھی کوئی امید نہیں،عماد وسیم کو فٹنس پر توجہ دینے کی ضرورت ہے۔ میرے خیال میں منٹو پارک میں کرکٹ بحال کرنی چاہئے۔بورڈ کو چاہئے میڈیا سے بہتر تعلقات بنائے ۔بھارتی ٹیم کی کارکردگی روز بروز بہترہوتی نظر آ رہی ہے۔
