اٹلی( ویب ڈیسک ) اگرچہ دنیا کے کئی ممالک کو گھروں کی کمی کا سامنا ہے، تاہم یورپی ملک اٹلی ایسا ملک ہے، جو تقریبا ہر سال اپنے دیہات کو فروخت کرتا ہے۔دنیا بھر میں سیاحت، کھانوں اور تاریخی مقامات کے حوالے سے منفرد اہمیت رکھنے والے اٹلی کے جنوب میں واقع بڑے اور خود مختار علاقوں میں شامل ہونے والے سسلی کے ایک خوبصورت گاو¿ں کے گھروں کو فروخت کے لیے پیش کردیا گیا۔جہاں اٹلی میں سیاحت کے دوران چند ہفتوں تک قیام میں ہی لاکھوں روپے خرچ ہوجاتے ہیں، وہیں اٹلی کے خودمختار علاقے سسلی کے ایک چھوٹے سے قصبے کی انتطامیہ نے وہاں گھروں کو محض ایک یورو یعنی پاکستانی تقریبا 160 روپے میں فروخت کے لیے پیش کردیا۔جی ہاں، یہ کوئی مذاق نہیں بلکہ ایک حقیقت ہے اور سسلی کی مقامی انتظامیہ کی اس پیش کش سے کچھ لوگوں نے فائدہ اٹھا بھی لیا اور کئی لوگوں نے گھروں کی خریداری کے لیے درخواستیں بھی جمع کرادیں۔امریکی نشریاتی ادارے ’سی این این‘ کی رپورٹ کے مطابق سسلی کے تاریخی مقام پالیرمو سے محض 68 کلو میٹر کی دوری پر واقع گاو¿ں ’سمبوکا ڈی سلیسا‘ کے درجنوں گاو¿ں کو فروخت کے لیے پیش کردیا گیا۔
رپورٹ کے مطابق گاو¿ں سے مقامی افراد کے چلے جانے کے بعد انتظامیہ نے مجبور ہو کر وہاں گھروں کی فروخت کا اعلان کیا۔
یہ علاقہ جہاں رومن بادشاہت سے ہی اہمیت کا حامل رہا ہے، وہیں اب بھی اسے تاریخی حوالے سے منفرد اہمیت حاصل ہے اور اب تک اس علاقے میں درجنوں محقیق اپنی تحقیق کی وجہ سے رہائش پذیر ہیں۔
یہ علاقہ دنیا بھر میں نایاب شراب تیار کرنے کے حوالے سے بھی شہرت رکھتا ہے۔
اس علاقے کا سب سے تاریخی مقام پالمیرو ہیں، جہاں رومن بادشاہت کے دوران 5 تہذیبیں بستی تھیں۔
علاقے میں رومن بادشاہت کی عبادت گاہیں بھی موجود ہیں—فوٹو: سی این این
