تازہ تر ین

میکسیکو میں پٹرول پائپ لائن دھماکے میں 66 افراد ہلاک، 71 زخمی

میکسیکو سٹی(ویب ڈیسک) میکسیکو میں پٹرول پائپ لائن میں زوردار دھماکے کے نتیجے میں 66 افراد ہلاک اور 71 زخمی ہوگئے۔بین الاقوامی خبر رساں ادارے کے مطابق میکسیکو سٹی کے شمالی علاقے سے گزرنے والی پٹرول پائپ لائن زوردار دھماکے سے پھٹ گئی۔ آگ کے شعلوں نے قریبی گاڑیوں کو اپنی لپیٹ میں لے لیا۔پائپ لائن پھٹنے کا واقعہ پٹرول چوری کرنے کی وجہ سے پیش آیا۔ پائپ لائنوں میں ڈرلنگ کرکے پٹرول چوری کرنے والے گروہ نے سوراخ کرکے پٹرول چوری کررہے تھے اور علاقہ مکین بھی مختلف برتنوں میں پٹرول جمع کر رہے تھے کہ آگ بھڑک اٹھی۔آگ کے بلند شعلوں میں جھلس کر 21 افراد موقع پر ہی ہلاک ہوگئے جب کہ 71 افراد زخمی ہیں۔ ہلاک اور زخمی ہونے والوں میں بڑی تعداد پٹرول چوری کرنے والے افراد شامل ہیں۔ زخمیوں میں سے کئی کی حالت نازک ہے۔ریسکیو اداروں نے امدادی کاموں کا آغاز کرتے ہوئے مقامی آبادی کو محفوظ مقام پر منتقل کردیا گیا ہے جب کہ جائے وقوعہ پر ٹریفک کی آمد و رفت بھی معطل ہے۔ ہلاک اور زخمی ہونے والوں کو اسپتال منتقل کردیا گیا ہے۔


اہم خبریں





   پاکستان       انٹر نیشنل          کھیل         شوبز          بزنس          سائنس و ٹیکنالوجی         دلچسپ و عجیب         صحت        کالم     
Copyright © 2021 All Rights Reserved Dailykhabrain