پاکپتن( ویب ڈیسک ) صوبہ پنجاب کے شہر پاکپتن کی ضلع کچہری میں مخالفین کی فائرنگ سے پیشی پر آئے 2 ملزمان ہلاک ہوگئے جبکہ فائرنگ کی زد میں آکر ایک کلرک بھی جاں بحق ہوگیا۔پولیس کے مطابق مقتولین کے خلاف قتل، ڈکیتی اور زیادتی کے مقدمات درج تھے۔ملزمان آج پیشی پر آئے تھے، تاہم جب وہ وکلائ کے چیمبرز کے قریب پہنچے تو گھاٹ لگائے مخالفین نے ان پر فائرنگ کردی، جس سے دونوں ہلاک ہوگئے۔فائرنگ کی زد میں آکر ایک کلرک بھی جاں بحق ہوا۔واقعے کے بعد پولیس نے شواہد اکٹھے کرکے تحقیقات شروع کردیں۔دوسری جانب واقعے کے خلاف وکلائ نے احتجاج کیا اور ملزمان کی گرفتاری کا مطالبہ کیا۔