تازہ تر ین

پیپلز پارٹی نے راﺅ انوار کی رہائی کا ملبہ عدالتوں پر ڈال دیا

کراچی(ویب ڈیسک) مشیر اطلاعات سندھ مرتضٰی وہاب نے بدنام زمانہ انکاﺅنٹر اسپیشلسٹ راﺅ انوار کی رہائی کا ملبہ عدالتوں پر ڈال دیا۔کراچی میں سندھ کابینہ کے اجلاس کے بعد میڈیا سے گفتگو کے دوران بار بار سوالات کے باوجود مشیر اطلاعات سندھ مرتضیٰ وہاب نے راﺅ انوا ر کا نام لینے سے گریز کیا۔آصف زردراری کی جانب سے راﺅ انوار کو بہادر بچہ قرار دینے کے سوال کو مرتضیٰ وہاب نے صحافیوں کا ایجنڈا قرار دے دیا۔دریں اثناءاپنی گفتگو میں مرتضیٰ وہاب نے بتایا کہ کراچی میں جعلی نمبر پلیٹ والی گاڑیوں کےخلاف کارروائی کی جائےگی، سندھ کابینہ میں جیلوں میں سہولیات کےلیے قانون سازی کی اجازت دے دی گئی ہے۔مرتضیٰ وہاب نے کہا کہ جیلوں کی بہتری کے لیے اقدامات کررہے ہیں، کراچی میں بجلی کے بحران میں کمی آئی ہے، آج کابینہ اجلاس میں اہم قوانین اور فیصلوں پر بات ہوئی۔ جیل اور پولیس کے حوالے سے نئے قوانین بنائے جارہے ہیں، جیلوں میں اصلاحات کے حوالے سے قانون پر کابینہ کو بریفنگ دی گئی۔انہوں نے کہا کہ اٹھارویں ترمیم کے بعد بہت سی عمارتیں سندھ کو ملنی تھیں، عمارتوں کی ملکیت سے متعلق سپریم کورٹ جا رہے ہیں۔ سندھ حکومت کی پرانی گاڑیوں کو نیلام کرنے کا فیصلہ کیا گیا ہے، وزیراعلیٰ نے شہر میں جعلی نمبر پلیٹ گاڑیوں پر اظہار برہمی کیا۔


اہم خبریں
   پاکستان       انٹر نیشنل          کھیل         شوبز          بزنس          سائنس و ٹیکنالوجی         دلچسپ و عجیب         صحت        کالم     
Copyright © 2021 All Rights Reserved Dailykhabrain