تازہ تر ین

پی ایس ایل کا میدان سجنے میں 4روز باقی ، ٹیمیں دبئی پہنچنا شروع

دبئی(نیوزایجنسیاں)پاکستان سپر لیگ سیزن 4 کی تیاریاں عروج پر پہنچ گئیں۔ ایونٹ میں شرکت کرنے کےلیے ٹیمیں دبئی پہنچنا شروع ہوگئیں۔پاکستان سپرلیگ سیزن 4،”یہ کھیل دیوانوں کا”،ایک بار پھر شائقین کو دیوانہ بنائے گا۔ میگا ایونٹ کے آغازمیں4روزباقی رہ گئے۔ملتان سلطانز کی ٹیم پی ایس ایل فور میں شرکت کیلئے دبئی پہنچ گئی، کپتان شعیب ملک اور انٹرنیشنل کھلاڑی یو اے ای میں ہی ٹیم کو جوائن کریں گے۔پاکستان سپر لیگ چار میلہ سجنے کو تیار ہے، ایسے میں ملتان سلطانز کی ٹیم پی ایس ایل 4 میں شرکت کیلئے دبئی پہنچ گئی ہے۔ یو اے ای پہنچنے والے کرکٹرز میں محمد عباس، حماد اعظم، علی شفیق، جنید خان، نعمان علی، شکیل انصر، عرفان خان اور عمر صدیق شامل ہیں۔ملتان سلطانزٹیم کے منیجر ندیم خان کا کہنا تھا کہ جنوبی پنجاب سے پہلی بار پی ایس ایل کے مقابلوں میں ٹیم کی شرکت خوش آئند ہے۔ کپتان شعیب ملک، شاہد آفریدی اور انٹرنیشنل کھلاڑی دبئی میں ہی ٹیم جوائن کرینگے۔ دفاعی چیمپیئن اسلام آباد یونائیٹڈ کے کھلاڑیوں نے بھی اڑان بھرلی۔ ٹیم کے کھلاڑی موسیٰ خان اور یاسر نواز اسلام آباد سے روانہ ہوئے۔غیرملکی کرکٹر سمت پٹیل لیگ شروع ہونے کے منتظر ہیں جبکہ سعید اجمل بھی پرجوش ہیں۔ اسلام آباد یونائیٹڈ کے کوچ وقاریونس کو محمد سمیع اور شاداب خان کی قیادت پربھروسہ ہے۔سپرلیگ کا آغاز 14 فروری کو دبئی کرکٹ اسٹیڈیم میں رنگا رنگ تقریب سے ہوگا۔افتتاحی روز دفاعی چیمپیئن اسلام آباد یونائیٹڈ اور لاہورقلندرز کا مقابلہ ہوگا۔ملتان سلطانز پندرہ فروری کو اپنا پہلا میچ کراچی کنگز کے خلاف کھیلے گی۔ ایونٹ کے 8 میچز پاکستان میں ہونگے۔ کراچی فائنل سمیت 5 میچز کی میزبانی کرے گا۔


اہم خبریں
   پاکستان       انٹر نیشنل          کھیل         شوبز          بزنس          سائنس و ٹیکنالوجی         دلچسپ و عجیب         صحت        کالم     
Copyright © 2016 All Rights Reserved