اسلام آباد(مانیٹرنگ ڈیسک)تحریک انصاف کے رہنماءعلی محمد خان نے کہا ہے کہ کالعدم تنظیموں کے حوالے سے بلاول کا بیان بے بنیاد ہے کسی وفاقی وزیر کا کالعدم تنظیموں سے کوئی تعلق نہیں ذاتی مفاد کے لئے ملک کا نٰقصان نہیں کرنا چاہئے بلاول کو اس قسم کی بات نہیں کرنی چاہئے تھی۔ چینل فائیو کے تجزیوں اور تبصروں پر مشتمل پروگرام ”نیوز @سیون“ میں گفتگو کرتے ہوئے انہوں نے کہا کہپاکستان نہیں بھارت دہشت گردی کرتا ہے جہاں سکھوں کا جینا دوبھر کر دیا ہے بلاول ایسا بیان دے کر کس کے بیان کو تقویت دے رہے ہیں بلاول سیاسی نابالغ ہیں۔ سن لیں کسی کو ڈیل یا ڈھیل نہیں ملنے والی شور مچانے سے قانون کا راستہ نہیں رکے گا۔پیپلز پارٹی کے رہنماءاخونزادہ چٹان نے کہا کہ حکومت غیر سنجیدہ ہے ہم تو اپنے لیڈر کے پاس اظہار یکجہتی کے لئے گئے تھے پولیس نے کارکنوں پر تشدد کیا ہم تو پرامن تھے لیکن مجھ پر بھی لاٹھی چارج کیا گیا اور کارکنوں کو بلاوجہ گرفتار کیا گیا۔ قانون دان احمد رضا قصوری نے کہا ہے کہ بلاول کو چاہئے تھا کہ وہ کہتے کہ پیپلز پارٹی کی حکومت میں عوام کے لئے کچھ نہیں کر سکے اس سے مثبت تاثر جاتا لیکن وہ صرف نیب قوانین کو کالا قانون کہتے رہے۔اگر کوئی تین بار ملک کا وزیراعظم رہا ہے تو کیا اسے کرپشن پر معافی ملنی چاہئے کرپشن پر سزا ملنی چاہئے کیونکہ کوئی بھی قانون سے بالا تر نہیں۔نیب کے پیچھے ریاستِ پاکستان کھڑی ہے کرپٹ عناصر کو رگڑا دینے کی ضرورت ہے۔سابق آرمی چیف جنرل رضیا ءالدین بٹ نے کہا کہ پاکستان سے جنگ کا خطرہ اب بھی نہیں ٹلا پاکستان کا چین سے تعلقات بہت اہم ہیں۔ وزیر خارجہ شاہ محمود قریشی بہت بھاگ دوڑ کر رہے ہیں۔بھارتی گھٹیا عزائم میں کوئی کمی نہیں آئی۔نیوزی لینڈ واقعے پر انہوں نے کہا کہ وہاں کی حکومت اور شہریوں نے مسلمانوں کے دل جیت لئے۔ دہشت گردوں کا کوئی مذہب نہیں ہوتا۔
