کراچی(یواین پی) سرفراز احمد بھی نوجوان پیسر محمد حسنین کے مداح بن گئے ہیں۔ جن کا کہنا ہے کہ نوجوان فاسٹ بالر کی رفتار متاثر کن ہے وہ کسی بھی قسم کی وکٹ پر حریف بیٹسمین کو حیران کر سکتا ہے جس نے ٹائٹل جیتنے والی ٹیم کیلئے پورے ٹورنامنٹ میں بہترین بالنگ کا مظاہرہ کیا۔واضح رہے کہ 18 سالہ فاسٹ بالر محمد حسنین نے پی ایس ایل فور میں وکٹ حاصل کرنے کی صلاحیت اور 150 کلومیٹرز فی گھنٹہ کی رفتار سے دیکھنے والوں کو اپنی جانب متوجہ کیا اور سات میچوں میں 12 وکٹیں حاصل کیں جس کے سبب انہیں آسٹریلیا کیخلاف ون ڈے سیریز کیلئے قومی اسکواڈ میں بھی شامل کرلیا گیا۔
