تازہ تر ین

زمیندار کا بیوہ کے گھر دھاوا ، برہنہ گلیوں میں گھسیٹتا رہا

گگومنڈی (نامہ نگار) بااثر زمیندار کا دس مسلح ساتھیوں سمیت بیوہ کے گھر پر دھاوا، برہنہ کر کے ایک گھنٹہ تک گلیوں میں گھسیٹتے رہے۔ بااثر زمیندار کے خوف سے گاﺅں کاکوئی شخص بیوہ کی امدادکونہ آیا۔277۔ای بی کے زمیندار ابراہیم پڈھیارکوشک تھاکہ بیوہ حاجراں بی بی کے بھائی عبدالمجیدکے اس کی بہن کے ساتھ ناجائزمراسم ہیں۔ تفصیلات کے مطابق نواحی گاﺅں277۔ای بی کے رہائشی محمدمجیدولدرجب علی نے خبریں کوبتایاکہ گزشتہ روز میں اپنی دکان پر موجود تھا کہ دیہہ ہذاکا ہی رہائشی زمیندار ابراہیم پڈھیار اپنے ساتھیوںحق نواز، علی، منظوراحمد، غفور، امجد اور چار نامعلوم سمیت اسلحہ سے لیس ہو کر وہاں آگیا اورگلی میں جاتی ہوئی میری بہن حاجراں بی بی بیوہ خوشی محمدکوزبردستی اغواءکرکے لے جانے لگے میری بہن کی مزاحمت پربااثرملزمان نے اس کے کپڑے پھاڑدئیے اوربرہنہ حالت میں ہی حاجراں بی بی کوبالوں سے پکڑ کر تقریباً ایک گھنٹہ تک گاﺅںکی گلیوں میں سرعام گھسیٹتے رہے۔ محمدمجید کا کہنا تھاکہ اس دوران گاﺅں کا کوئی شخص بھی بااثر زمیندار ابراہیم پڈھیارکے خوف کی وجہ سے میری بہن کی مددکونہ آیا بلکہ سارا گاﺅں تماشا دیکھتا رہا۔ جب میں اپنے بیٹوں اور بھائی کے ہمراہ اپنی بہن کی مدد کو گیا تو ملزمان نے شدید فائرنگ اورہم پرپتھراﺅشروع کردیاجس سے میں میر ابھائی اور بیٹے زخمی ہوگئے۔ 15پرکی گئی ہماری کال پرپولیس نے موقع پرپہنچ کرحملہ آور پارٹی کی بجائے میرے ہی دو بھائیوں عبدالمجید، سعید اختر اور بیٹوں مسعود، زاہد اختر کو گرفتار کر کے حوالات میں بند کردیا ہے۔ محمدمجید نے خبریں کو بتایا کہ ہم غریب لوگ ہیں جبکہ ابراہیم پڈھیار گاﺅں ایک بااثر زمیندار ہے۔ زمیندار ابراہیم پڈھیارکوشک ہے کہ بیوہ حاجراں بی بی اورمیرے چھوٹے بھائی عبدالمجیدکے اس کی بہن کے ساتھ ناجائزمراسم ہیں۔ متاثرہ بیوہ حاجراں بی بی کے بھائی محمدمجیدنے وزیراعلیٰ پنجاب،آرپی اوملتان اور ڈی پی اووہاڑی سے انصاف دلائے جانے کی اپیل کی ہے۔پولیس کے مطابق موقع پردونوں گروپوں میں فائرنگ کاتبادلہ ہواتھاجس کے نتیجہ میں ابراہیم نامی شخص زخمی ہواہے۔


اہم خبریں





   پاکستان       انٹر نیشنل          کھیل         شوبز          بزنس          سائنس و ٹیکنالوجی         دلچسپ و عجیب         صحت        کالم     
Copyright © 2021 All Rights Reserved Dailykhabrain