تازہ تر ین

کشمیری نوجوان اپنے ناموں کے ساتھ مجاہد لکھیں، میئرسرینگر کی اپیل

سری نگر (آئی این پی) سری نگر کے ڈپٹی میئر شیخ محمد عمران نے کہا ہے کہ نوجوان اپنے ناموں سے پہلے مجاہد لکھیں، ہر مسلمان مجاہد ہے اور اسے فخر کے ساتھ اس لقب کو استعمال کرنا چاہیے، بھارت کے چند سیاست دان جب اپنے ناموں کے ساتھ چوکیدار کا لفظ لکھ سکھتے ہیں تو ہم مسلمانوں کو اپنے ناموں کے ساتھ مجاہد لکھنے میں کوئی شرم محسوس نہیں ہونی چاہیے۔اپنے ایک بیان میں ڈپٹی میئر سری نگر نے لفظ مجاہد کی اہمیت بیان کرتے ہوئے نوجوانوں سے اپیل کی کہ وہ اگر وہ جہاد کو سپورٹ کرنا چاہتے ہیں تو اپنے ناموں سے پہلے مجاہد لکھیں۔انہوں نے کہا کہ کشمیری دہشت گرد نہیں بلکہ یہ مجاہد ہیں جن کا دہشت گردی سے کو ئی تعلق نہیں ہے، نوجوان بھی اپنے ناموں کے ساتھ فخر سے اس نام کو استعمال کریں کیونکہ اسلام میں مجاہد کو بہت اہمیت دی جاتی ہے۔شیخ محمد عمران نے کہا کہ بھارتی میڈیا مجاہدین کو دہشت گرد کے طور پر پیش کرتا ہے مگر مجاہدین حریت پسند ہیں جو اپنے حق کے لیے بھارتی فوج کے سامنے ڈٹ کر کھڑے ہوئے ہیں۔ ان کا کہنا تھا کہ میں چاہیے جہاں بھی جا ﺅ ں اپنے نام کے ساتھ مجاہد لگاتا ہوں تاکہ اس کا مثبت چہرہ دنیا اور بالخصوص بھارت کو دکھا سکوں۔ان کا کہنا تھا کہ بھارت کے چند سیاست دان جب اپنے ناموں کے ساتھ چوکیدار کا لفظ لکھ سکھتے ہیں تو ہم مسلمانوں کو اپنے ناموں کے ساتھ مجاہد لکھنے میں کوئی شرم محسوس نہیں ہونی چاہیے، میں نے اپنا فیس بک اور ٹویٹر کا نام تبدیل کر کے اس کے ساتھ مجاہد شیخ محمد عمران لکھ لیا، نوجوانوں سے اپیل ہے کہ وہ بھی اسی طرح کریں۔شیخ محمد عمران کا مزید کہنا تھا کہ کشمیری امن کے خواہش مند ہیں اور یہاں کے نوجوان عالمی برادری کی قرارداد کے تحت مسئلے کا پرامن حل چاہتے ہیں لہذا کٹھ پتلی انتظامیہ کو اسی پر عمل کرنا ہوگا۔


اہم خبریں





   پاکستان       انٹر نیشنل          کھیل         شوبز          بزنس          سائنس و ٹیکنالوجی         دلچسپ و عجیب         صحت        کالم     
Copyright © 2021 All Rights Reserved Dailykhabrain