All posts by admin

کوئی بھی جج قانونی تقاضے پورے کیے بغیر فیصلہ نہیں سناتا:چیف جسٹس


لاہور (ویب ڈیسک)لاہور میں خواتین ججز سے متعلق تقریب سے خطاب کرتے ہوئے چیف جسٹس کا کہنا تھا کہ ہم ملک میں قانون کی حکمرانی چاہتے ہیں اور جج کے لئے بھی ضروری ہے کہ وہ قانون سے آگاہ ہوں اور کسی جج کو غلط طریقے چلا کر فیصلہ دینے کا اختیار نہیں ہے۔جسٹس ثاقب نثار نے کہا کہ کوئی بھی جج قانونی تقاضے پورے کیے بغیر فیصلہ نہیں سناتا، ججز فیصلہ کرتے وقت قانون کو مدنظر رکھنے کے پابند ہیں تاہم انصاف کی فراہمی میں عجلت انصاف کو دفن کرنے کے مترادف ہے۔چیف جسٹس ثاقب نثار نے کہا کہ بطور جج ہم ہر شہری کو فوری اور معیاری انصاف فراہم کرنے کے پابند ہیں، ہمارا ہر قدم قانون کی حکمرانی کے لیے ہونا چاہیے اور انصاف کا معیار قانون کے مطابق رکھنا ہوگا۔چیف جسٹس آف پاکستان کا کہنا تھا کہ کسی جج کو یہ اختیار نہیں ہے کہ وہ قانون کے بجائے اپنی مرضی اور پسند و نا پسند کی بنیاد پر فیصلے کرے۔ چیف جسٹس نے کہا کہ بطور جج ہمیں سائل کی مشکلات کو بھی مدنظر رکھنا چاہیے جب کہ ا?ئین جنسی امتیاز کے بغیر ہر شہری کو مساوی حقوق کی ضمانت دیتا ہے اور ایسا نظام وضع کرنے کی ضرورت ہے جہاں خاتون آسانی سے اپنا مسئلہ بتا سکے۔

دہشت گردی کے خلاف جنگ کا خفیہ ایجنڈہ نہیں ہونا چاہیے:روسی صدر


سینٹ پیٹربرگ میں 137ویں انٹر پارلیمنٹری یونین اسمبلی سے خطاب کرتے ہوئے ولادی میر پیوٹن کا کہنا تھا کہ دہشت گردی کے خلاف جنگ کا خفیہ ایجنڈہ نہیں ہونا چاہیے اور جنگ میں کسی کے سیاسی مفاد کے لیے انتہا پسندوں کو استعمال نہیں کیا جانا چاہیے۔روسی صدر نے کہا کہ دہشت گردی کے خلاف جنگ مل کر اور ایک دوسرے کا ہاتھ تھام کر لڑنا ہوگی تاہم اس میں دہرے معیار سے دہشت گردوں کو فائدہ ہوتا ہے۔ولادی میر پیوٹن کا کہنا تھا کہ خودمختار ریاستوں کے معاملات میں سوچے سمجھے منصوبے کے تحت مداخلت سے صرف افراتفری پھیلتی ہے اور ایسی مداخلت سے مشرق وسطیٰ اور شمالی افریقا کے ممالک میں عدم استحکام ہوا۔روسی صدر نے کہا کہ ریاستوں کے معاملات میں مداخلت سے کشیدگی میں اضافہ اور دہشت گردی کے خطرے میں اضافہ ہوا ہے۔

غلط فہمیاں پیدا کرنے اور تیلیاں لگانے والوں کو مایوسی ہوگی:وفاقی وزیر داخلہ


اسلام آباد (ویب ڈیسک)میڈیا سے بات کرتے ہوئے وفاقی وزیر داخلہ احسن اقبال نے کہا کہ انہیں امریکہ میں تب جھٹکا لگا جب ورلڈ بینک حکام سے ملاقات کے دوران انہوں نے استفسار کیا کہ آپ پاکستان کے بارے میں کچھ اور بات کر رہے ہیں اور آپ کی فوج کے ترجمان کچھ کہہ رہے ہیں۔احسن اقبال نے کہا کہ ترجمان پاک فوج کی وضاحت آنے کے بعد معاملہ ختم ہوگیا اور جواب الجواب دینا مناسب نہیں۔وفاقی وزیرداخلہ نے کہا کہ پاکستان کے ہر سپاہی کی قدر کرتا ہوں، فوج کی قربانیوں پر ناز ہے جس طرح فوج ردالفساد میں اچھا کام کر رہی ہے، اسی طرح حکومت بھی معیشت کو مستحکم بنانے کے لیے اپنا کام کر رہی ہے۔وفاقی وزیر داخلہ کا کہنا تھا کہ غلط فہمیاں پیدا کرنے اور تیلیاں لگانے والوں کو مایوسی ہوگی، ملکی ترقی کے لئے تمام اداروں کو مل کر کام کرنے کی ضرورت ہے۔اس سے قبل ڈی جی آئی ایس پی آر میجر جنرل آصف غفور کی پریس کانفرنس کے ردعمل میں احسن اقبال کا کہنا تھا کہ مجھے فوجی ترجمان کے معیشت سے متعلق ‘معیشت بری نہیں تو اتنی اچھی بھی نہیں’ بیان پر بہت دکھ ہوا، ہمیں اب مایوسی کو امید میں بدلنا چاہیے۔انہوں نے کہا کہ عسکری اور سول قیادت نیشنل سیکیورٹی کےاجلاس میں ملتی ہیں، اتحاد سے ہی ہم نے ملک کی معیشت کا رخ موڑا ہے، چیلنجز ہمیں معلوم ہیں اور نمٹنے کی صلاحیت بھی رکھتے ہیں۔

 

’نوازشریف اٹک جیل کی طرح گھبرانا نہیں‘کیپٹن صفدر کا سابق وزیر اعظم کے نام اہم پیغام


اسلام آباد(ویب ڈیسک ) سابق وزیراعظم نوازشریف کے داماد کیپٹن (ر) صفدرنے جے آئی ٹی ارکان کوایک بارپھرآڑے ہاتھوں لے لیا، واجد ضیاءتم نے مجھے اپنی رپورٹ میں جھوٹا اور فراڈ لکھا،تمہارا والیم 10ختم ہوا جبکہ میرا والیم گیارویں شریف شروع ہوگیا ہے،نوازشریف اٹک جیل کی طرح گھبرانا نہیں، نواشریف 2018ءمیں پھراقتدارمیں آئیں گے،لوگ آج معیشت کی بات کرتے ہیں معیشت تورب کا فیصلہ ہے۔انہوں نے آج حسن ابدال میں تقریب سے خطاب کرتے ہوئے کہا کہ اماں بیگم کلثوم نوازکی طبعیت خراب ہے۔سب سے دعاو¿ں کی اپیل ہے کہ اللہ انہیں صحت یاب کرے۔انہوں نے واجد ضیاء پرکڑی تنقید کرتے ہوئے کہا کہ واجد ضیاء تم مجھے جے آئی ٹی میں بلاکرجھوٹا اور فراڈ لکھتے ہو۔تم نے میری شخصیت اور میرے شفاف کیرئیرپرسوالیہ نشان لگا دیا ہے۔ تمہارا والیم 10ختم ہوا جبکہ میرا والیم گیارویں شریف شروع ہوگیا ہے۔اللہ کے ولیوں سے درخواست ہے کہ دعا کریں اللہ ان کی جھوٹی زبانیں بند کردے۔انہوں نے کہاکہ ہم پارلیمنٹ میں بیٹھے سیاست نہیں خدمت مصطفی کررہے ہیں۔ لوگ آج معیشت کی بات کررہے ہیں معیشت تورب کا فیصلہ ہے۔ کیپٹن (ر) صفدرنے کہا کہ نوازشریف گھبرانا نہیں جیسے آپ اٹک قلعہ میں نہیں گھبرائے تھے۔انہیں تب پتاچلے گا جب نواشریف 2018ء میں پھراقتدارمیں آئیں گے۔

چھرا مار شخص کا ڈراپ سین ہو گیا ،کون تھا اور ایسا کیوں کرتا تھا ،اہم خبر


لاہور(ویب ڈیسک) کراچی کے مختلف علاقوں میں عورتوں پر حملے کرنے والا ملزم وسیم کو علاقہ منڈی بہاو¿الدین سے گرفتار کر لیا گیا ہے۔ میڈیا رپورٹس کے مطابق ملزم کا تعلق ساہیوال ہے ملزم کو گرفتار کر کے تفتیش کے لئے نا معلوم جگہ پر منتقل کر دیا گیا ہے۔اس سے پہلے چند روز قبل ملز م وسیم کے دوست کو گرفتار کیا گیا تھا تاہم اب بتایا جا رہا ہے کہ وسیم ہی وہ ملزم تھا جو عورتوں پر حملہ کر رہا تھا۔ واضح رہے کہ ملزم وسیم نے کراچی کے مختلف شہروں میں چھرا مار کر 20سے زاہد عورتوں کو زخمی کیا ہے۔

کرکٹ کے دیوانوں کیلئے بڑ خوشخبر ی ’پاک بھارت کرکٹ سیریز ‘


لاہور (ویب ڈیسک)کرکٹ کے دیوانوں کیلئے بڑی خوشخبری ،جی ہاں پاک بھارت کرکٹ سیریز کے انعقاد کا امکان پیدا ہو گیا ہے ۔تفصیلات کے مطابق معروف سپورٹس صحافی کی جانب سے بتا یا گیا ہے کہ آئی سی سی نے پاک بھارت کرکٹ سیریز کے انعقاد کیلئے کوششوں کا عمل تیز کر دیا ہے آئی سی سی نے یقین دہانی کروائی ہے کہ جلد ہے پاک بھارت سیریز کا انعقاد کیا جائیگا ۔

مریم ،حسن ،حسین نواز کی پیشی سے متعلق نواز شریف نے واضح اعلان کر دیا


لاہور (ویب ڈیسک)سابق وزیراعظم نواز شریف اور وزیر اعلی پنجاب شہباز شریف نے اپنے والد میاں محمد شریف کی قبر پر حاضری دی اور فاتحہ خوانی کی۔سابق وزیراعظم نے مسلم لیگ (ن) کے کارکنوں سے ملاقات کی اور اس موقع پر ان کا کہنا تھا کہ دعا کریں کہ کلثوم نواز جلد صحت یاب ہوجائیں۔انہوں نے کہا کہ کلثوم نواز جیسے ہی ٹھیک ہوں گی تو بچے واپس آئیں گے اور عدالتوں میں بھی پیش ہوں گے۔یاد رہے کہ نیب عدالت نے نواز شریف کی بیٹی مریم صفدر، بیٹے حسن نواز اور حسین نواز کے قابل ضمانت وارنٹ گرفتاری جاری کیے ہوئے ہیں اور انہیں کل پیش ہونے کا حکم بھی دیا گیا ہے۔

شہادت امام حسین کی عظیم قربانی سے ہمیں زندگی کے ہر شعبے میں رہنمائی ملتی ہے،صدر و وزیر اعظم کا پیغام


لاہور (ویب ڈیسک)صدر ممنون حسین نے اپنے پیغام میں کہا ہے کہ شہید کربلا حضرت امام حسین رضی اللہ تعالی عنہ، ان کے خانوادے اور رفقا کی عظیم قربانی کی یاد مناتے ہوئے اس کے مقاصد اور حکمت عملی کو پیش نظر رکھنا چاہیےکیونکہ اس میں عالم انسانیت اور بالخصوص ہمارے گو ناں گوں مسائل کا حل مضمر ہے۔صدر مملکت نے کہا کہ خانوادہ رسول صلی اللہ علیہ والہ وسلم کی عظیم جدوجہد ہمیں یاد دلاتی ہے کہ انسان کی ذات اور اس کے مفادات پر اجتماعی مقاصد اور معاشرے کی تخلیق و پاکیزگی فوقیت رکھتی ہے جس پر کسی صورت کوئی مفاہمت نہیں ہو سکتی۔صدر ممنون حسین نے کہا کہ سانحہ کربلا کا سبق ہے کہ معاشرے اور ریاست کے معاملات چند افراد کی خواہشات کے تابع نہیں کیے جا سکتے، شہادت امام حسین کی عظیم قربانی سے ہمیں زندگی کے ہر شعبے میں رہنمائی ملتی ہے۔دوسری جانب وزیراعظم شاہد خاقان عباسی اپنے پیغام میں کہا کہ نواسہ رسولﷺنے حق و باطل کی لڑائی میں جانوں کا نذرانہ دے کر حق کو حقیقی فتح سے سرفراز کیا۔ وزیراعظم نے کہا کہ یوم عاشور ہر سال اسلامی تاریخ کے لا زوال واقعے کی یاد دلاتا ہے، کربلا کے میدان میں شہیدوں کے لہو نے ثابت کر دیا کہ حق لازوال اور باطل مٹنے کے لیے ہے۔وزیراعظم نے اپنے پیغام میں کہا کہ حضرت امام حسین نے صبر اور بہادری کے ساتھ حق حریت کی حفاظت کا پیغام دیا، نواسہ رسول کا پیغام پوری انسانیت کے لیے مشعل راہ ہے۔وزیراعظم نے کہا کہ موجودہ دور میں وطن عزیز اور قوم کو درپیش اندرونی و بیرونی خطرات کے پیش نظر مسلکی اور لسانی اختلافات کو بھلا کر اپنے اندر ایثار و قربانی ، مساوات ، رواداری اور اتحاد کو فروغ دینا ہوگا۔

سرفراز کی کپتانی کا کڑا امتحان جاری ،پاکستان کی پوزیشن مستحکم


پاکستان اور سری لنکا کے درمیان ابو ظہبی میں کھیلے جارہے پہلے ٹیسٹ کے چوتھے دن سری لنکا کی قومی ٹیم کے خلاف دوسری اننگز جاری ہے، اس سے قبل قومی ٹیم سری لنکا کے 419 رنز کے جواب میں 422 رنز بناکر آو¿ٹ ہوگئی، چوتھے دن کا کھیل شروع ہوا تو پاکستان نے 266 رنز 4 کھلاڑیوں کے نقصان پر اپنی نامکمل اننگز کا آغاز کیا، اظہر علی 74 رنز کے ساتھ وکٹ پر موجود تھے تاہم وہ زیادہ دیر کریز پر کھڑے نہ رہ سکے اور 294 کے مجموعی اسکور پر 85 رنز بناکر پویلین لوٹ گئے، اظہر علی کے بعد کپتان سرفراز احمد اور حارث سہیل نے ٹیم کا اسکور آگے برہانے کی کوشش کی تاہم 316 کے مجموعی اسکور پر سرفراز 18 رنز بناکر آو¿ٹ ہوگئے جس کے بعد صرف 10 رنز کے اضافے سے محمد عامر بھی واپس پویلین لوٹ گئے۔
اظہر علی اور کپتان سرفراز کے آو¿ٹ ہونے کے بعد حارث سہیل نے قومی ٹیم کو سہارا دیا اور 76 رنز کی شاندار اننگز کھیلی تاہم وہ 422 کے مجموعی اسکور پر آو¿ٹ ہوگئے، پاکستان کی جانب سے اظہر علی، شان مسعود اور سمیع اسلم نے بھی نصف سنچریاں اسکور کیں۔
اس سے قبل تیسرے دن کے اختتام پر قومی ٹیم 4 وکٹوں کے نقصان پر 266 رنز بناسکی، اوپنرز کی جانب سے اچھا ا?غاز فراہم کیا گیا تاہم قومی ٹیم کو پہلا دھچکا سمیع اسلم کی صورت میں لگا جو 4 چوکوں کی مدد سے 51 رنز بناکر پویلین لوٹے جب کہ صرف 2 رنز کے بعد ہی شان مسعود نے بھی اپنے ساتھی کو ڈریسنگ روم میں جوائن کیا، وہ 6 چوکوں کی مدد سے 59 رنز بناکر آو¿ٹ ہوئے۔تجربہ کار بیٹسمین اظہر علی اور اسد شفیق کے درمیان 79 رنز کی شراکت قائم ہوئی تاہم اسد شفیق 39 رنز بناکر ہیراتھ کا شکار بنے جب کہ بابر اعظم بھی زیادہ دیر وکٹ پر نہ رک سکے اور 28 رنز بناکر آو¿ٹ ہوگئے تاہم اس دوران اظہر علی نے اپنی نصف سنچری مکمل کی اور انہوں نے ٹیسٹ کرکٹ میں اپنے 5 ہزار رنز بھی مکمل کیے۔

حضرت امام حسین ؓ کا یوم شہاد ت ،مرکزی امام بارگاہوں سے جلوس برآمد


نواسہ رسول ﷺحضرت امام حسین رضی اللہ تعالی عنہ اور انکے ساتھیوں کی اسلام کی سربلندی اور حق وصداقت کیلئے میدان کربلا میں دی گئی عظیم قربانی کی یاد میں ’یوم عاشور‘ آج مذہبی عقیدت واحترام سے منایا جا رہا ہے۔ مرکزی امام بارگاہوں سے جلوس برآمد ہو گئے ہیں جو اپنے روایتی راستوں سے ہوتے ہوئے منزل مقصود پر اختتام پذیر ہوں گے جس کے بعد شام غریباں منائی جائیگی۔ لاہور میں مرکزی جلوس نثار حویلی سے برآمد ہوگیا ہے۔
وفاقی اور صوبائی حکومتوں کی طرف سے فول پروف سیکیورٹی انتظامات کیے گئے ہیں۔ ملک بھر میں موبائل فون سروس معطل ہے۔ امن وامان کو یقینی بنانے کی غرض سے پولیس کیساتھ پاک فوج، رینجرز اور ایف سی کے دستے بھی حفاظتی ڈیوٹیوں پر تعینات ہیں۔ لاہور، کراچی، پشاور سمیت ملک کے بڑے شہروں میں ڈبل سواری پر مکمل پابندی عائد ہے۔ جلوسوں کے روٹس اور حساس مقامات پر سی سی ٹی وی کیمرے نصب ہیں۔ صوبائی، ڈویڑن، ضلع اور تحصیل کی سطح پر کنٹرول رومز قائم ہیں۔
ایڈیشنل چیف سیکریٹری داخلہ پنجاب نے دفعہ 144(6) کے تحت صوبہ بھر میں محرم کے جلوسوں، ذوالجناح یا تعزیہ کے تمام روٹس پر واقع گھروں ودکانوں کی چھتوں پر کھڑے ہونے، دروازے کھڑکیاں کھلی رکھنے، غیرمتعلقہ افراد کے محرم جلوسوں کے قریب کھڑے ہونے، ا?تشبازی، گولے،کریکرز چلانے کو ممنوع قرار دیا ہے۔ ماتمی جلوسوں کے اندر تلاشی کے بغیر سامان لیجانے اور مجالس یا جلوسوں کے طے شدہ اوقات کی خلاف ورزی پر بھی پابندی ہو گی۔ ہیلی کاپٹرز کے ذریعے جلوسوں کی فضائی نگرانی کی جائیگی۔ جلوس کے راستوں میں بغیر اجازت سبیلیں لگانے اور نیاز تقسیم کرنے پر بھی پابندی عائد ہے جب کہ تمام سرکاری ہسپتالوں میں ایمر جنسی نافذ ہے۔