All posts by asif azam

https://www.facebook.com/asif.azam.33821

قازقستان کے صدر تین دہائیوں کی بلاشرکت غیرے حکمرانی کے بعد اچانک مستعفی

آستانہ(ویب ڈیسک) قازقستان کے صدر نور سلطان نذر بایوف نے 29 سال تک بلا شرکت غیرے حکمرانی کے بعد اچانک مستعفی ہونے کا اعلان کردیا۔بین الاقوامی خبر رساں ادارے کے مطابق قازقستان کے 78 سالہ صدر نور سلطان نے سرکاری ٹیلی وژن پر اپنی قوم سے خطاب میں بغیر کوئی وجہ بتائے اچانک مستعفی ہونے کا اعلان کر کے سب کو حیران کردیا۔ اس طرح صدر نور سلطان کی 29 سالہ دور حکومت کا خاتمہ ہوگیا۔صدر کے اچانک مستعفی ہونے پر ملکی پارلیمنٹ کے اسپیکر قاسم جمرود صدر کی ذمہ داریاں نبھائیں گے۔ صدر نور سلطان بدستور اپنی جماعت کی سربراہی کرتے رہیں گے اور ملکی صدارتی سیکیورٹی کونسل کے چیئرمین کی حیثیت سے بھی کام کرتے رہیں گے۔تجزیہ کاروں کا کہنا ہے کہ صدر کے مستعفی ہونے کا فیصلہ اتنا اچانک بھی نہیں ہے، صدر کی تقریر سے قبل سرکاری ٹی وی نے خطاب میں کسی ممکنہ بڑے فیصلے کا عندیہ دے دیا تھا جب کہ صدر نور سلطان اب بھی چیئرمین پریذیڈنشیل سیکیورٹی کونسل کی حیثیت سے اختیارات اور طاقت اپنے پاس ہی رکھیں گے۔واضح رہے کہ صدر نور سلطان نے 1989ءمیں قازقستان کے سویت یونین سے علیحدگی کے بعد سے نومولود ملک کی باگ ڈور سنبھالی تھی، وہ کمیونسٹ پارٹی کے سربراہ بھی تھے۔ صدر نور سلطان کو آخری بار 2015ء میں 5 سال کے لیے صدر منتخب کیا گیا تھا جس کے لیے 98 فیصد ووٹرز نے صدر نورسلطان پر اعتماد کا اظہار کیا تھا۔

چار کروڑ روپے کی منشیات سعودیہ، دبئی اور اٹلی بھیجنے کی کوشش ناکام، ملزمان گرفتار

کراچی(ویب ڈیسک) اینٹی نارکوٹکس فورس نے جناح ٹرمینل پر سعودیہ عرب اور دبئی جانے والی پروازوں کے مسافروں اور کوریئر کمپنی کے پارسل کے ذریعے 4 کروڑروپے مالیت کی منشیات بیرون ملک بھیجنے کی کوشش ناکام بنادی۔ترجمان اے این ایف کے مطابق منگل کو جناح ٹرمینل سے عمرہ کے لیے سعودیہ عرب جانے والے مسافر کے سامان کی تلاشی لینے پر ڈیڑھ کلو آئس پاوڈر برآمد ہوا جو ملزم نے انتہائی مہارت کے ساتھ اپنے سفری بیگ میں چھپارکھا تھا۔ ترجمان کے مطابق قبضے میں کی گئی آئس کی مالیت 2 کروڑ روپے کے لگ بھگ ہے۔دوسری کارروائی کے دوران اے این ایف نے دبئی جانے والے مسافر کے سامان کو مشکوک قرار دیے جانے کے بعد جانچ پڑتال کے د وران 9 ہزار 900 نشہ آور گولیاں برآمد کرلیں جس کی مالیت 50 لاکھ روپے ہے، دونوں پروازوں کے مسافروں کو گرفتار کرلیا گیا ہے۔ترجمان اے این ایف کے مطابق تیسری کارروائی کے دوران کوریئر کمپنی سے اٹلی بجھوائے جانے والے پارسل سے 600 گرام ہیروئن برآمد ہوئی جس کی مالیت ڈیڑھ کروڑ روپے کے لگ بھگ ہے۔ ترجمان اے این ایف کے مطابق تمام کارروائیوں کے مقدمات درج کرکے مزید تفتیش کی جارہی ہے۔

گیس کی اضافی بلنگ کی تحقیقات میں بڑے نام سامنے آرہے ہیں، فواد چوہدری

اسلام آباد(ویب ڈیسک) وزیر اطلاعات فواد چوہدری نے کہا ہے کہ گیس کے بلوں میں اضافی بلنگ کی تحقیقات کے نتیجے میں بڑے نام سامنے آرہے ہیں ہوشربا تفصیلات جلد عوام کے سامنے پیش کریں گے۔وفاقی کابینہ کے اجلاس کے بعد بریفنگ دیتے ہوئے وفاقی وزیر اطلاعات نے کہا کہ 2016-17ءسے گیس کی اضافی بلنگ کا مسئلہ درپیش ہے جس سے 32 لاکھ لوگ متاثر ہوئے ہیں، بڑی بڑی کمپنیوں کو گیس کا کنکشن دینے سے عام صارفین متاثر ہوئے، اضافی بلوں کی تحقیقات کے نتیجے میں بڑے لوگوں کے نام سامنے آرہے ہیں اور مکمل تحقیقات کے بعد ہوشربا تفصیلات عوام کے سامنے لائیں گے۔فواد چوہدری نے بتایا کہ گزشتہ 8 برس میں زراعت پر ہمارے اخراجات 60 فیصد کم ہوئے تاہم آئندہ 5 سال زرعی شعبے پر خصوصی توجہ رہے گی، کوکنگ آئل کے کم سے کم استعمال کے لیے آگاہی مہم کی ضرورت ہے جب کہ آئل سیڈز کی پیداوار کے لیے اقدامات کررہے ہیں، لائیو سٹاک اور فشریز میں حکومت کام کرنا چاہتی ہے اور ان اقدامات سے معیشت میں استحکام آئے گا۔وفاقی وزیر نے کہا کہ نیشنل انفارمیشن ٹیکنالوجی بورڈ کی تنظیم نو کا فیصلہ کیا گیا ہے جب کہ نیشنل انفارمیشن ٹیکنالوجی بورڈ کو خود مختار ادارہ بنایا جارہا ہے، سرکاری جائیدادوں کے حوالے سے بھی کابینہ میں بات ہوئی اور سرکاری جائیدادوں کی فروخت کے لیے ٹاسک فورس قائم کی گئی ہے، علاوہ ازیں مختلف اداروں کے سربراہان کی تقرری کا یکساں طریقہ کار وضع کیا جارہا ہے اور اداروں کے سربراہان کی تقرری کی ابتدائی کمیٹی کا سربراہ وزیر ہوگا۔وزیر اطلاعات نے بتایا کہ کابینہ اجلاس میں کرائسٹ چرچ دہشت گردی واقعے کی مذمت اور سانحے میں شہید ہونے والے افراد کے لیے دعائے مغفرت کی گئی۔ اس موقع پر وزیراعظم کا کہنا تھا کہ حکومت پاکستان شہداءکے خاندانوں کے غم میں برابر شریک ہے۔

وفاقی کابینہ کا اجلاس، شہدائے نیوزی لینڈ کے لئے دعائے مغفرت

اسلام آباد(ویب ڈیسک) وزیراعظم عمران خان کی زیرصدارت وفاقی کابینہ کا اجلاس ہوا جس میں نیوزی لینڈ کے شہر کرائسٹ چرچ کی مساجد پر حملے میں شہید نمازیوں کے لیے دعائے مغفرت کی گئی۔ذرائع کے مطابق وزیراعظم عمران خان کی زیر صدارت وفاقی کابینہ کا اجلاس ہوا، جو 4 گھنٹے تک جاری رہا، اجلاس میں وزیراعظم اور وفاقی کابینہ کی جانب سے کرائسٹ چرچ دہشت گردی واقعے کی مذمت اور سانحے میں شہید ہونے والے افراد کے لیے دعائے مغفرت کی گئی، وزیراعظم کا کہنا تھا کہ حکومت پاکستان شہداءکے خاندانوں کے غم میں برابر شریک ہے۔ذرائع کے مطابق اجلاس میں 30 نکاتی ایجنڈا پر غور اور ملکی مجموعی سیاسی صورتحال کا جائزہ لیا گیا جبکہ کابینہ نے ملکی سیکیورٹی صورتحال پر بھی تبادلہ خیال کیا۔ اجلاس میں مختلف اداروں کے سربراہان کی تقرریوں اور پاکستان کے مختلف ممالک کے ساتھ منصوبوں کے مفاہمتی یاداشتوں کی بھی منظوری دی گئی۔

دریائے نیل سے پہلی بار فرعونی دور کی کشتی کا ملبہ دریافت

قاہرہ(ویب ڈیسک) دریائے نیل کے فرش سے حال ہی میں ایک عظیم الشان کشتی بہت اچھی حالت میں برآمد ہوئی ہے، اس دریافت سے سیکڑوں سال سے جاری ایک بحث کا خاتمہ ہوگیا جو کہ فراعین کی شاندار کشتیوں کے متعلق تھی۔یونانی مو¿رخ ہیروڈوٹس نے پہلی مرتبہ اپنی کتاب میں اس کا ذکر کیا تھا۔ ہسٹریز نامی یہ کتاب 450 قبل مسیح میں منظرِعام پر آئی تھی۔ اس نے اہرام کے متعلق لکھا تھا کہ انہیں جوڑنے والے پتھروں کے درمیان بال برابر بھی فرق نہیں اور جب دوپہر میں ان پر دھوپ پڑتی ہے تو اہرام سے منعکس ہوکر ایک روشن منظر بناتی ہے جسے دیکھ کر ہوش اڑ جاتے ہیں۔ہیروڈوٹس نے مصر کی سیر میں یہ بھی کہا تھا کہ اس نے بارس نامی ایک بہت بڑی کشتی دیکھی جس میں لوگ اپنے سامان سمیت ایک جگہ سے دوسری جگہ جایا کرتے تھے تاہم ماہرین کو اس کے ثبوت کی تلاش تھی اور نئی دریافت سے ہیروڈوٹس کے بیان کی تصدیق ہوئی ہے۔آکسفورڈ سینٹر آف میری ٹائم آرکیالوجی کے ماہر ڈامیان رابنسن نے کہا ہے کہ انہوں نے ایک بڑی کشتی کا 70 فیصد ڈھانچہ برآمد کیا ہے جو اس بات کی تصدیق کرتا ہے کہ فرعون کے عہد میں بڑی تجارتی کشتیاں استعمال ہوتی تھیں۔سال 2013ءمیں روسی اکادمی برائے سائنس سے وابستہ مصری علوم کے ماہر الیگزینڈر بیلوو نے کہا تھا کہ کشتیوں کو یا تو اینٹوں سے بنایا جاتا تھا یا ان پر اینٹوں جیسی ساخت نمایاں تھی۔اب ماہرین کو دریائے نیل سے ایک ٹوٹی پھوٹی کشتی ملی ہے جسے ماہرین نے شپ 17 کا نام دیا ہے جس کی لمبائی 27 میٹر ہے۔ ماہرین نے دریافت کیا ہے کہ کشتی کے اندرونی جانب ڈھانچے کی ساخت کچھ اس طرح ہے کہ ان پر انسانی پسلیوں کا گمان ہوتا ہے اور اس سے قبل قدیم کشتیوں میں یہ خدوخال کبھی نہیں دیکھے گئے۔

تیز رفتار ی کے تمام ریکارڈ توڑنے والا ”ارمانڈو“21کروڑ روپے میں نیلام

برسلز (ویب ڈیسک)بیلجیئم میں ارمانڈو نام کا کبوتر 21کروڑ روپے میں نیلام ہواہے جوکسی پرندے کی مہنگی ترین نیلامی شمار کی جارہی ہے ، ارمانڈو نے کبوتروں کے تیز رفتار اڑان بھرنے کے اب تک کے تمام ریکارڈ توڑ ڈالے ہیں۔جرمنی نیوز ایجنسی کے مطابق برسلز میں ارمانڈو نامی تیز رفتار کبوتر کی نیلامی کاعمل خاصا دلچسپ رہاہے ، چین کے دو شہریوں کے درمیان سخت مقابلہ دیکھا گیا، بالآخر ارمانڈو 15لاکھ ڈالر میں فروخت ہوا۔ کسی کبوتر کی خریداری کے لئے یہ اب تک کی سب سے بڑی اور تین گنا زیادہ لگائے جانے والی بولی تھی، نیلامی کروانے والی کمپنی نے بھی اس بات کا اعتراف کیاہے کہ ان کی جانب سے اتنی مہنگی نیلامی کا سوچا بھی نہیں گیا تھا۔ تیز اڑان بھرنے میں ارمانڈو اپنی مثال آپ ہے۔ ارمانڈو نے ابھی تک کے کبوتروں کے تیز رفتاری اور طویل وقت تک اڑنے کے تمام ریکارڈ توڑ ڈالے ہیں ،یہی اس کی انفرادیت کی وجہ ہے۔ اس تیز رفتار کبوتر کو خریدنے والے شخص کا نام ظاہر نہیں کیا گیا جبکہ ارمانڈو کے پہلے مالک کانام جوید ورشوٹ تھا۔واضح رہے کہ چین کے لوگوں کی پرندوں کے ساتھ محبت جتنی پرانی ہے، مغربی یورپ کے ملک بیلجیئم میں پرندوں کی نیلامی کا یہ کھیل بھی اتنا ہی پرانا ہے۔

ٹی سیریز نے اپنی البم میں پاکستانی گلوکاروں کے گانے دوبارہ شامل کرلیے

ممبئی(ویب ڈیسک)بھارتی مقبول میوزک کمپنی ٹی سیریز نے پاکستانی گلوکار عاطف اسلم اور راحت فتح علی خان کے گانے پھر سے البم میں شامل کرلیے ہیں۔گزشتہ ماہ مقبوضہ کشمیر کے ضلع پلوامہ میں حملے کے بعد بھارت نے ہر سطح پر پاکستان کے ساتھ جارحیت اور انتہاپسندی کا مظاہرہ کیا جس کے نیتجے میں بھارتی مقبول میوزک کمپنی ’ٹی سیریز‘ نے پاکستانی گلوکاروں کے حالیہ ریلیز ہونے والے گانوں کی البم حذف کردی تھیں۔ان میں عاطف اسلم کا گانا ’بارشیں‘ اور راحت فتح علی خان کے گانا ’زندگی‘ تھا۔تاہم رپورٹس کے مطابق ٹی سیریز نے پاکستانی گلوکاروں کے گانے پھر سے شامل کرلیے ہیں جنہیں یوٹیوب چینل ٹی سیریز پر دیکھا جاسکتا ہے۔

غیرملکی پلیئرز نے محبت کے پھولوں سے دامن بھرلیا، شین واٹسن اورڈیرن سیمی نے دورے کو یادگار قرار دے دیا

کراچی(ویب ڈیسک) پاکستان آنے والے غیرملکی کھلاڑیوں نے محبت کے پھولوں سے دامن بھرلیا جب کہ شین واٹسن نے دورے کو یادگار قرار دے دیا۔پاکستان میں کھیلے گئے پی ایس ایل کے میچز کو دلچسپ بنانے اور یہاں کے شائقین کو کھیل کے سنسنی خیز لمحات سے لطف اندوز کرنے والے غیرملکی کھلاڑیوں نے بھی اپنے دامن محبت کے پھولوں سے بھرلیے ہیں۔کوئٹہ گلیڈی ایٹرز کے مالک اور ٹیم مینجمنٹ کی کوششوں سے یہاں آنے پر راضی ہونے والے سابق آسٹریلوی کرکٹرشین واٹسن نے اپنے دورہ پاکستان کو یادگار قرار دے دیا۔ واٹسن پی ایس ایل فور میں سب زیادہ رنز بنانے والی کھلاڑی قرار پائے انھوں نے کئی میچز میں کوئٹہ گلیڈی ایٹرزکی فتح کو اپنی بیٹنگ سے یقینی بنایا۔پشاور زلمی کے کپتان اورلگاتار تیسری مرتبہ پی ایس ایل کیلیے پاکستان کا رخ کرنے والے ڈیرن سیمی نے بھی ایونٹ کے دوران مداحوں کے پیار اور سپورٹ کاشکریہ ادا کیا ہے۔ ان کاٹویٹر پرکہنا تھاکہ ”پاکستان، میں واپس آﺅں گا، پیار اور سپورٹ کا شکریہ“۔سیمی نے کراچی کے شائقین کرکٹ کی تعریف کرتے ہوئے کہا کہ کراچی میں کرکٹ کا ماحول بہترین ہے اور یہ کرکٹ کھیلنے کے لیے شاندار جگہ ہے۔ویسٹ انڈیز کے سابق عظیم کرکٹر اورکوئٹہ گلیڈی ایٹرزکے مینٹور ویوین رچرڈز نے مداحوں ، پاکستان کے کرکٹ شائقین اور کراچی کے عوام کا بہت شکریہ ادا کیا ہے۔ ٹویٹر پر ویڈیو پیغام میں ویوین رچرڈز نے ٹیم کوئٹہ کے ہر ممبر کا بھی شکریہ ادا کیا ہے۔کراچی(ویب ڈیسک) پاکستان آنے والے غیرملکی کھلاڑیوں نے محبت کے پھولوں سے دامن بھرلیا جب کہ شین واٹسن نے دورے کو یادگار قرار دے دیا۔پاکستان میں کھیلے گئے پی ایس ایل کے میچز کو دلچسپ بنانے اور یہاں کے شائقین کو کھیل کے سنسنی خیز لمحات سے لطف اندوز کرنے والے غیرملکی کھلاڑیوں نے بھی اپنے دامن محبت کے پھولوں سے بھرلیے ہیں۔کوئٹہ گلیڈی ایٹرز کے مالک اور ٹیم مینجمنٹ کی کوششوں سے یہاں آنے پر راضی ہونے والے سابق آسٹریلوی کرکٹرشین واٹسن نے اپنے دورہ پاکستان کو یادگار قرار دے دیا۔ واٹسن پی ایس ایل فور میں سب زیادہ رنز بنانے والی کھلاڑی قرار پائے انھوں نے کئی میچز میں کوئٹہ گلیڈی ایٹرزکی فتح کو اپنی بیٹنگ سے یقینی بنایا۔پشاور زلمی کے کپتان اورلگاتار تیسری مرتبہ پی ایس ایل کیلیے پاکستان کا رخ کرنے والے ڈیرن سیمی نے بھی ایونٹ کے دوران مداحوں کے پیار اور سپورٹ کاشکریہ ادا کیا ہے۔ ان کاٹویٹر پرکہنا تھاکہ ”پاکستان، میں واپس آﺅں گا، پیار اور سپورٹ کا شکریہ“۔سیمی نے کراچی کے شائقین کرکٹ کی تعریف کرتے ہوئے کہا کہ کراچی میں کرکٹ کا ماحول بہترین ہے اور یہ کرکٹ کھیلنے کے لیے شاندار جگہ ہے۔ویسٹ انڈیز کے سابق عظیم کرکٹر اورکوئٹہ گلیڈی ایٹرزکے مینٹور ویوین رچرڈز نے مداحوں ، پاکستان کے کرکٹ شائقین اور کراچی کے عوام کا بہت شکریہ ادا کیا ہے۔ ٹویٹر پر ویڈیو پیغام میں ویوین رچرڈز نے ٹیم کوئٹہ کے ہر ممبر کا بھی شکریہ ادا کیا ہے۔

نیوزی لینڈ پارلیمنٹ اجلاس کا تلاوت کلام پاک سے آغاز

کرائسٹ چرچ(ویب ڈیسک) نیوزی لینڈ کی پارلیمنٹ کا اجلاس کرائسٹ چرچ دہشت گردی کے تناظر میں تلاوت کلام پاک سے ہوا جب کہ وزیراعظم جیسنڈا آرڈن نے اپنے خطاب کی ابتدا بھی السلام علیکم کہہ کر کی۔سانحہ کرائسٹ چرچ کے بعد نیوزی لینڈ کی پارلیمنٹ کے پہلے اجلاس کا آغاز تلاوت قرآن پاک سے کیا گیا۔ سورہ بقرہ کی آیت نمبر 153 جس کا مفہوم ہے ( اے ایمان والو! صبر اور نماز کے ساتھ مدد طلب کرو۔ بے شک اللہ صبر کرنے والوں کے ساتھ ہے۔) تلاوت کی گئی۔تلاوت کلام پاک کے بعد وزیراعظم نیوزی لینڈ جیسنڈا آرڈن نے اپنی تقریر کا آغاز السلام علیکم سے کرتے ہوئے سانحہ کے متاثرین سے یکجہتی کا اظہار کیا۔ مساجد پر حملے میں دیگر نمازیوں کودہشت گرد سے بچاتے ہوئے اپنی جان قربان کرکے جرات اور بہادری کی مثال بننے والے شہید پاکستانی نعیم راشد کو وزیراعظم نیوزی لینڈ نے خراج عقیدت پیش کیا جب کہ اپوزیشن اور حکومتی ارکان نے متاثرین کے سوگ میں ایک منٹ کی خاموشی اختیارکی۔وزیراعظم نیوزی لینڈ جیسنڈا آرڈن نے پارلیمنٹ کے خصوصی سیشن سے خطاب کرتے ہوئے کہا کہ حملہ کرنے والے شخص کے خلاف قانون کے تحت کارروائی ہوگی، حملہ آور دہشت گرد، مجرم اورانتہا پسند ہے، آپ مجھے اس کا نام لیتے ہوئے نہیں سنیں گے۔ لواحقین جنازے جہاں بھی لے جانا چاہیں اخراجات حکومت ادا کرے گی، دہشت گرد حملے کی تہہ تک پہنچنے کی کوشش کریں گے جب کہ ملک میں ہائی الرٹ برقرار ہے۔واضح رہے کہ 15 مارچ کو نیوزی لینڈ کے شہر کرائسٹ چرچ کی دومساجد میں سفید فام عیسائی دہشت گرد نے نماز جمعہ کے دوران فائرنگ کرکے 50 مسلمانوں کو شہید کردیا تھا، شہدا میں 9 پاکستانی بھی شامل ہیں۔

مودی سرکارتعلیم یافتہ کشمیری نوجوانوں کو بندوق اٹھانے پر مجبورکررہی ہے، محبوبہ مفتی

سری نگر(ویب ڈیسک) سابق وزیراعلی مقبوضہ کشمیرمحبوبہ مفتی کا کہنا ہے کہ مودی سرکار کی طاقت پر مبنی پالیساں تعلیم یافتہ کشمیری نوجوانوں کو بندوق اٹھانے پر مجبور کر رہی ہیں۔بھارتی میڈیا کے مطابق سابق وزیراعلی مقبوضہ کشمیرمحبوبہ مفتی کا کہنا تھا کہ آزادی کی جنگ میں کشمیریوں نے بے شمار مصیبتیں برداشت کی ہیں، پوچھ گچھ کے نام پر گھروں سے اٹھائے جانے والے کشمیری نوجوانوں کو تابوت میں واپس بھیجا جاتا ہے۔محبوبہ مفتی کا کہنا تھا کہ وطن پرستی کے جنون کے مظاہرے کے لئے کشمیر کو استعمال کرنا بند کیا جانا چاہیے، مودی سرکار کی طاقت پر مبنی پالیساں تعلیم یافتہ کشمیری نوجوانوں کو بندوق اٹھانے پر مجبور کر رہی ہیں۔