All posts by asif azam

https://www.facebook.com/asif.azam.33821

تصویر لیک ہونے کا معاملہ: حنیف عباسی اڈیالہ سے اٹک جیل منتقل

راولپنڈی( ویب ڈیسک ) راولپنڈی ایفی ڈرین کیس میں عمر قید کی سزا پانے والے پاکستان مسلم لیگ (ن) کے رہنما حنیف عباسی کو تصویر لیک ہونے کے معاملے کے بعد اڈیالہ جیل سے اٹک جیل منتقل کردیا گیا۔ حنیف عباسی کی ایک تصویر سامنے آئی تھی، جس میں انہیں ایون فیلڈ ریفرنس کی سزا معطلی کے بعد رہا ہونے والے سابق وزیر اعظم نواز شریف سے جیل سپرنٹنڈنٹ کے کمرے میں ملاقات کرتے ہوئے دیکھا گیا تھا۔ 19 ستمبر 2018 کو اسلام آباد ہائی کورٹ نے ایون فیلڈ ریفرنس میں سزا پانے والے مسلم لیگ (ن) کے قائد نواز شریف، ان کی صاحبزادی مریم نواز اور داماد کیپٹن (ر) صفدر کی سزاو¿ں کو معطل کرتے ہوئے ان کی رہائی کا حکم دیا تھا۔سزا معطلی کا حکم نامہ جاری ہونے اور نواز شریف کی رہائی سے قبل اڈیالہ جیل میں متعدد رہنماو¿ں نے نواز شریف سے جیل سپرنٹنڈٹ کے کمرے میں ملاقات کی تھی، جس میں ایفی ڈرین کوٹہ کیس میں سزا پانے والے حنیف عباسی بھی موجود تھے۔تاہم ملاقات کی یہ تصویر سوشل میڈیا پر وائرل ہوئی تھی اور جس میں جیل انتظامیہ کو شدید تنقید کا نشانہ بنایا گیا تھا۔بعد ازاں انسپکٹر جنرل (آئی جی) جیل خانہ جات مرزا شاہد سلیم بیگ نے اڈیالہ جیل سے سابق وزیراعظم نواز شریف اور پارٹی رہنما حنیف عباسی کی تصاویر لیک ہونے کے معاملے کا نوٹس لیتے ہوئے واقعہ کی تحقیقات 2 رکنی کمیٹی کو سونپ دیں تھیں۔آئی جی جیل خانہ جات کی 2 رکنی تحقیقاتی کمیٹی میں ڈی آئی جی جیل خانہ جات ملتان ریجن ملک شوکت فیروز اور اے آئی جی جوڈیشل ملک صفدر نواز شامل تھے۔اس تحقیقاتی ٹیم نے اڈیالہ جیل کا دورہ کیا تھا اور مجرم حنیف عباسی کو اٹک جیل منتقل کرنے کی سفارش کی تھی، جس کے بعد انہیں اٹک جیل منتقل کیا گیا۔حنیف عباسی کو عمر قید کی سزا واضح رہے کہ پاکستان مسلم لیگ (ن) کے رہنما حنیف عباسی سمیت دیگر ملزمان پر جولائی 2012 میں 5 سو کلو گرام ایفی ڈرین حاصل کرنے کا کیس دائر کیا گیا تھا۔

10 سال بعد کوہلی کا ایک اور ڈیبیو،مداح پر تجسس

ممبئی (ویب ڈیسک)بھارتی کرکٹ کپتان ویرات کوہلی کے حوالے سے قیاس آرائیاں جاری ہیں کہ وہ کرکٹ کے بعد فلمی دنیا میں بھی قدم رکھنے جا رہے ہیں، جس پر مداح تجسس کا شکار ہیں۔ویرات کوہلی نے گزشتہ روز سوشل میڈیا پر ایک تصویر شیئر کی، جس کے ساتھ انہوں نے لکھا، ’10 برس بعد ایک اور ڈیبیو، مزید انتظار نہیں کرسکتا’۔ساتھ ہی انہوں نے ہیش ٹیگ ٹریلر دی مووی #TrailerTheMovieبھی واضح کیا، جبکہ ایک ویب سائٹ کا لنک بھی دیا گیا، جسے کھولنے پر 18-09-28 کی تاریخ سامنے آتی ہے جبکہ پیش کار کے طور پر رون (Wrogn) پروڈکشنز کا نام درج ہے۔اب شیئر کی گئی تصویر سے بظاہر تو ایسا ہی لگتا ہے کہ جیسے یہ کسی فلم کا پوسٹر ہے لیکن واضح کرتے چلیں کہ رون پروڈکشنز ایک ملبوسات کی برانڈ بھی ہے اور ممکن ہے کہ ویرات اس کی تشہیر کے لیے کسی شارٹ فلم میں اپنے اداکاری کے جوہر دکھانے والے ہوں یا یہ کسی تشہیری مہم کا ٹیزر بھی ہوسکتا ہے۔اس راز پر سے پردہ اب ممکنہ طور پر 28 ستمبر کو ہی اٹھنے کا امکان ہے۔ویرات کوہلی نے یہ تصویر شیئر کرکے ایک طرف تو مداحوں کو تجسس میں مبتلا کردیا ہے، وہیں دوسری جانب ان پر تنقید کا سلسلہ بھی شروع ہوگیا ہے۔پریام سنگھ دھونی نامی ایک صارف نے ویرات سے سوال کیا کہ ‘واقعی آپ ایک فلم کی تشہیر کے لیے ایشیا کپ 2018 جیسا اہم ٹورنامنٹ نہیں کھیل رہے؟ کیا آپ اداکار ہیں؟’ان کا مزید کہنا تھا کہ ‘یہ ہانگ کانگ یا افغانستان کے ساتھ کوئی دو طرفہ سیریز نہیں، یہ ایشیا کپ ہے جس سے آپ باہر ہیں، اگر یہ تھکاوٹ کی وجہ سے ہے تو ٹھیک ہے لیکن فلم کی وجہ سے باہر ہونا ایک سوالیہ نشان ہے’۔

وزیر خارجہ اقوام متحدہ کی جنرل اسمبلی کے اجلاس میں شرکت کیلئے امریکا روانہ

اسلام آباد( ویب ڈیسک )وزیر خارجہ شاہ محمود قریشی اقوام متحدہ کی جنرل اسمبلی کے اجلاس میں شرکت کے لیے امریکا روانہ ہوگئے۔وزیر خارجہ شاہ محمود قریشی کے ہمراہ سیکریٹری خارجہ تہمینہ جنجوعہ بھی امریکا روانہ ہوئیں۔وزیر خارجہ کی امریکا میں مصروفیات کے حوالے سے دفتر خارجہ نے بتایا تھا کہ شاہ محمود قریشی واشنگٹن میں پاکستانی کمیونٹی کے پروگرام میں شرکت کریں گے جبکہ وہ واشنگٹن میں 2 روزہ قیام کے بعد نیویارک جائیں گے، جہاں وہ 24 ستمبر سے نیو یارک میں ہونے والے اقوام متحدہ کے جنرل اسمبلی اجلاس میں شرکت کریں گے۔اس کے علاوہ 26 ستمبر کو وزیر خارجہ سارک وزراءخارجہ کونسل کے اجلاس میں بھی شرکت کریں گے جبکہ 29 ستمبر کو پاکستانی وزیر خارجہ نیویارک میں اقوام متحدہ کی جنرل اسمبلی میں خطاب کریں گے۔یاد رہے کہ اقوام متحدہ کے اجلاس میں وزیر خارجہ مختلف امور سمیت مسئلہ کشمیر کے معاملے پر پاکستان کا موقف پیش کریں گے۔بیان کے مطابق اس کے علاوہ امریکا میں اپنے قیام کے دوران پاکستانی وزیر خارجہ بی بی سی، نیویارک ٹائمز اور الجزیرہ کو انٹرویو بھی دیں گے اور 29 ستمبر کے بعد شاہ محمود قریشی واشنگٹن واپس روانہ ہوں گے۔دفتر خارجہ نے بتایا کہ واشنگٹن میں پاکستانی وزیر خارجہ امریکی ہم منصب مائیک پومپیو سے ملاقات کریں گے اور یہ ملاقات یکم اکتوبر کے بعد ہوگی۔بیان میں کہا گیا تھا کہ مائیک پومپیو نے پاکستانی وزیر خارجہ کو امریکا کے دورے کی دعوت دی تھی، جسے انہوں نے قبول کیا تھا۔دفتر خارجہ کے مطابق شاہ محمود قریشی 3 اکتوبر کے بعد وطن واپس پہنچیں گے۔

رشتوں میں میری ہر بار لاٹری لگی ہے

ممبئی(ویب ڈیسک)گذشتہ ہفتے ریلیز ہونے والی ڈائریکٹر انوراگ کشیپ کی فلم ‘من مرضیاں’ میں رومی کے کردار نے تقریباً سبھی کا دل جیت کیا۔یہ کردار بالی وڈ اداکارہ تاپسی پنو نے ادا کیا ہے۔ اس فلم کے ایک سین میں وہ اپنے ہیرو سے کہتی ہیں کہ اس کے ساتھ رشتہ حاصل کر کے ان کی لاٹری لگ گئی۔ میری جب تاپسی سے بات ہوئی تو میں نے ان سے پوچھا کہ ’اس طرح کی لاٹری کیا کبھی ان کی اصل زندگی میں بھی لگی ہے؟‘اپنے کرداروں کی ہی طرح شوخ، بے خوف اور پر اعتماد لہجے میں ان کا جواب تھا کہ ‘میرے تو بڑے سارے جیک پوٹ لگے ہیں، کیوں کہ میں نے اپنے ہر رشتے سے کچھ نہ کچھ خاص ضرور سیکھا ہے۔ میری زندگی میں بہت کم لڑکے ایسے رہے ہیں جن کے بارے میں سوچ کر مجھے لگتا ہے کہ وہ میری زندگی کی غلطی تھے۔’تاپسی کا خیال ہے کہ جب کوئی رشتہ نہیں چلتا تو بھی وہ ہمیں بہت کچھ سکھا کر جاتا ہے۔ ہماری سمجھ میں آ جاتا ہے کہ ہم کس طرح کے لوگوں کے ساتھ زندگی بسر کر سکتے ہیں اور کس کے ساتھ نہیں۔ ایسا بھی ہوتا ہے کہ ہمیں چند چیزوں کے بارے میں علم ہی نہیں ہوتا کہ وہ ہمیں ناپسند ہیں۔ لیکن کسی کے ساتھ رشتے میں رہ کر یہ سب پتہ چلتا ہے۔تاپسی پنو بالی وڈ کی ان چند اداکاراو¿ں میں سے ایک ہیں جنہوں نے کریئر کی ابتدا میں ہی کامیابی حاصل کر لی۔ وہ بےخوف اور شوخ لڑکیوں کے کردار ادا کرنے کے لیے جانی جاتی ہیں۔ یہ ان کے لیے انڈین فلموں میں خاص موقع ہے کیوں کہ یہ انڈین فلموں کا وہ دور ہے جب فلم میکر نئی طرز کی فلموں کے تجربے کرنے کے لیے تیار ہیں۔

سکینڈل کوئین نے پیزا کیفے کھول لیا

لاہور(خصوصی رپورٹ) اداکارہ میرا اب کاروبار کریں گی۔ پہلے مرحلہ میں انہوں نے لاہور کے پوش علاقے اسٹیٹ لائف ہاﺅسنگ سوسائٹی میں میرا کیفے بنا لیا ہے۔ کیپٹن نوید ان کے پارٹنر ہیں۔ کیفے میں میرا پیزا بھی بیچیں گی۔ کیفے کی تقریب رونمائی جلد منعقد ہو گی جس میں شوبز انڈسٹری کی نامور شخصیات کو مدعو کیا جائے گا۔

پاکستانی بننے کیلئے 73 ہزار بنگالیوں ، افغانیوں کا راستہ صاف

کراچی (خصوصی رپورٹ) وزیراعظم عمران خان کی جانب سے بنگالیوں اور افغانیوں کو شہریت دینے کے اعلان کے بعد نادرا نے بدھ کی شام تک کراچی میں 73 ہزار بنگالیوں اور افغانوں کو شناختی کارڈ دینے کیلئے کلیئرنس دیدی ہے۔ نادرا کی جانب سے گزشتہ پندرہ سال سے افغانوں اور بنگالیوں کے شناختی کارڈ سٹیزن شپ ایکٹ 1951ءکے تحت جاری نہیں کیے گئے تھے کیونکہ اس ایکٹ کے تحت کسی بھی شہری کا اس وقت شناختی کارڈ جاری نہیں کیا جاسکتا جب تک وہ اپنے دادا اور والد کے قانونی دستاویزات پیش نہ کردے جس سے ثابت ہوکہ ان کا پاکستان سے تعلق ہے لیکن موجودہ حکومت کے قیام کے بعد وزیراعظم عمران خان نے اپنے حالیہ دورہ کراچی میں بنگالیوں اور افغانیوں کو شناختی کارڈ جاری کرنے کا اعلان کیا جس کے بعد کراچی میں قیام پذیر بنگالیوں اور افغانوں نے شناختی کارڈز کے حصول کیلئے نادرا سے رجوع کرلیا اور نادرا نے 73 ہزار بنگالیوں اور افغانوں کو شناختی کارڈ جاری کرنے کیلئے کلیئر کردیا ہے۔ وہ اب شناختی کارڈ کے فارم پر گریڈ 17 کے کسی افسر سے تصدیق کروا کر فارم نادرا کے پاس جمع کراسکیں گے جس کے بعد انہیں شناختی کارڈ جاری کیا جائے گا۔ دوسری طرف بنگالیوں ، افغانیوں کا ڈیٹا غائب ہونیکا بھی انکشاف ہوا ہے۔

اخبارات کے اشتہارات کے واجبات کی ادائیگی کا مسئلہ جلد حل کر لیا جائیگا ، وزیراعلیٰ پنجاب عثمان بزدار سے کونسل آف نیوز پیپرایڈیٹرز کے صدر کی سربراہی میں وفد کی ملاقات، پنجاب میں میڈیا اکیڈمی کے قیام کیلئے سی پی این ای تجاویز دے:گفتگو

لاہور (نمائندہ خصوصی) وزیر اعلیٰ پنجاب سردار عثمان بزدار سے وزیر اعلیٰ آفس میں کونسل آف پاکستان نیوزپیپر ایڈیٹرز (سی پی این ای) کے صدر عارف نظامی کی سربراہی میں سی پی این ای کے وفد نے ملاقات کی۔ ملاقات میں ملکی سیاسی صورتحال اور اخباری صنعت کو درپیش مسائل کے حل کے حوالے سے تبادلہ خیال کیا گیا۔ وزیر اعلیٰ سردار عثمان بزدار نے اس موقع پر گفتگو کرتے ہوئے کہا کہ مسائل کی نشاندہی کے حوالے سے میڈیا کا کردار کلیدی اہمیت رکھتا ہے کیونکہ صحافت ریاست کا چوتھا ستون ہے اور میڈیا حکومت کی رہنمائی بھی کرتا ہے اور میں سمجھتا ہوں کہ میڈیا کی تعمیری تنقید سے ہمیں رہنمائی ملتی ہے۔ اس موقع پر وزیر اطلاعات فیاض الحسن چوہان نے وزیر اعلیٰ کی توجہ اخبارات کو اشتہارات کی مد میں واجب الادا رقوم کی جلد از جلد ادائیگی کی جانب مبذول کرائی، جس پر وزیر اعلیٰ نے اخبارات کواشتہارات کی مد میں واجبات کی ادائیگی کے طریقہ کار وضع کرنے کی یقین دہانی کرائی۔ وزیر اعلیٰ نے مزید کہا کہ ہم میڈیا اکیڈمی بنانے کا منصوبہ رکھتے ہیں اور میڈیا اکیڈمی کے قیام کے منصوبے کے لئے سی پی این ای کی مشاورت اور تجاویز چاہتا ہوں۔ انہوں نے کہا کہ اخباری صنعت کے مسائل ان کی مشاورت سے حل کریں گے۔انہوں نے کہا کہ ہم نے اہداف کا تعین کر لیا ہے اور تیزی سے ان کے حصول کے لئے کوشاں ہیں۔ ہماری نیت ٹھیک اور سمت درست ہے۔ میرے دروازے ہمہ وقت کھلے ہیں۔ پنجاب میں آپ کو ہر سطح پر میرٹ نظر آئے گی۔ کابینہ مکمل ہو چکی ہے اور وزراءکو ذمہ داریاں تفویض کی جا چکی ہیں۔ وزیر اعظم عمران خان کے نئے پاکستان کے وژن کو پایہ تکمیل تک پہنچائیں گے۔ تمام فیصلے مشاورت سے کر کے ان پر عملدرآمد کیا جاتا ہے۔ سابق دور کے منصوبوں کے آڈٹ کا حکم دے دیا ہے۔ کابینہ کی سب کمیٹیاں تشکیل دی جا چکی ہیں جو کہ اپنا کام کر رہی ہیں۔ انہوں نے کہا کہ پنجاب بہت بڑا صوبہ ہے اور اس سے آبادی میں چھوٹے درجنوں ممالک ہیں، بلدیاتی اداروں کے نئے منصوبوں کے لئے فنڈز کے اجراءپر پابندی عائد کر دی گئی ہے۔ ہم قانون کے دائرہ کار میں رہتے ہوئے اپنے فرائض سرانجام دے رہے ہیں۔ اینٹی کرپشن ادارے کی کارکردگی تسلی بخش نہیں، اینٹی کرپشن ادارے کی کارکردگی کو بہتر بنانے کے لئے ہدایات دی جا چکی ہیں۔ انہوں نے کہا کہ ہمارا کام آپ کو نظر آئے گا اور فرق بھی۔ وزیر اعظم عمران خان کی طرف سے 100دن کاٹارگٹ دیا گیا ہے،میں صبح سے رات گئے تک سرکاری فرائض کی انجام دہی میں مصروف رہتا ہوں۔ وزارت اعلیٰ کا منصب سنبھالنے سے قبل دوپہر کو دو گھنٹے آرام کرتا تھا اور اب آرام کا وقت نہیں ملتا، ہر وقت کام میں مصروف رہتا ہوں۔ انہوں نے کہا کہ پنجاب میں شعبہ سیاحت کے فروغ کے بہت سے مواقع موجود ہیں، ہم ان مواقع سے بھرپور فائدہ اٹھائیں گے۔ جنوبی پنجاب میں خوبصورت مقامات کو ترقی دے کر سیاحت کو فروغ دیں گے۔ میں ہر ماہ دو دن جنوبی پنجاب کے ضلع ملتان میں گزاروں گا۔ میرے ساتھ سیکریٹریز بھی ہوں گے اور لوگوں کے مسائل وہاں پر ہی حل کریں گے۔ محکمہ انٹی کرپشن کا حال یہ ہے کہ جس ادارے کا سالانہ بجٹ 2ارب روپے ہے مگر ا س محکمے نے صرف 90مقدمات فائنل کئے ہیں ۔ انہوں نے کہا کہ ہم ٹرانزیکشن پریڈ میں ہیں اور بہت سے اصلاحات کے ثمرات آئیں گے۔ میں نے پروٹوکول ختم کر دیا ہے اور مجھے ہر کوئی مل سکتا ہے۔ لینڈ ریکارڈ سسٹم کے تحت اراضی سینٹرز کی تعداد میں اضافہ کرنا چاہتے ہیں۔ میری کوشش ہے کہ اراضی سینٹر کو تحصیل سے قانونگوہی تک لے جایا جائے۔ ای خدمت سینٹرز کو بتدریج ہر ضلع اور پھر تحصیل کی سطح پر لیکر جائیں گے۔ سیف سٹی اتھارٹی کا دائرہ کار بھی ہر ڈویژن تک پھیلائیں گے۔ اس موقع پر سی پی این ای کے صدر عارف نظامی کی سربراہی میں وفد نے وزارت اعلیٰ کا منصب سنبھالنے پر سردار عثمان بزدار کو مبارکباد دی اور کہا کہ آپ صاف گو شخص ہیں اور وزیر اعظم عمران خان نے آپ کو وزیر اعلیٰ بنا کر خوبصورت انتخاب کیا ہے۔ صوبائی وزیر اطلاعات فیاض الحسن چوہان، میشران عون چوہدری، اکرم چوہدری، سیکریٹری اطلاعات، ڈی جی پی آر اور متعلقہ حکام بھی اس موقع پر موجود تھے۔

قومی دولت لوٹنے والوں کو ہرگز معا ف نہیں کیا جائیگا : چودھری سرور، ترقیاتی فنڈ کا 30 فیصد حصہ یونین کونسل اور ویلج کونسل کو دیا جائیگا: سی پی این ای کے عہدیداروں سے خطاب، حکومت سیاستدانوں کےساتھ صحافیوں کا بھی احتساب کرے پٹرول پمپ، فیکٹریوں اور اثاثے حد سے بڑھنے کا حساب بھی لیا جائے:ضیا شاہد

لاہور (نمائندہ خصوصی) گورنر پنجاب چوہدری محمد سرور نے کہا ہے کہ حق گوئی اور بے باکی اصولی صحافت کی بنیاد ہیں، ظلم ناانصافی اور کرپشن کے خلاف ہمیں اہل قلم اور اہل نظر کی رہنمائی اور تعاون درکار ہے۔ پی ٹی آئی کی حکومت عمران خان کی قیادت میں اس بات کا تہیہ کئے ہوئے ہے کہ ملک سے کرپشن اور جہالت کو ہر ممکن ختم کیا جائے گا اور قومی دولت لوٹنے والوں کو ہر گز معاف نہیں کیا جائے گا۔ احتساب پی ٹی آئی کا محض نعرہ ہی نہیں بلکہ اب عام آدمی کو احتساب ہوتا ہو ا نظر آئے گا۔ کسی کو سیاسی انتقام کا نشانہ نہیں بنایا جائے گا۔ ان خیالات کا اظہار انہوں نے کونسل آف پاکستان نیوزپیپر ایڈیٹرز (سی پی این ای)کے صدر عارف نظامی کی سربراہی میں وفد سے ملاقات کے دوران کیا۔ گورنر پنجاب نے کہا کہ اداروں کو با اختیار کرنا، جمہوریت کا استحکام اور بلا امتیاز احتساب ہماری ترجیحات میں شامل ہے اور اب وزیر اعظم سے لے کر مقامی کونسلر تک عوام کو جوابدہ ہونا ہو گا۔ انہوں نے کہا کہ پرنٹ اور الیکٹرانک میڈیا نے عوام میں شعور اجاگر کرنے میں کلیدی کردار ادا کیا ہے۔ جمہوریت کا تسلسل اور سیاسی استحکام میڈیا کی مرہون منت ہے ۔ انہوں نے کہا کہ میڈیا کی تنقید کو خندہ پیشانی سے نہ صرف قبول کیا جائے گابلکہ اس سے راہنمائی بھی لی جائے گی۔ انہوں نے کہا کہ ہماری حکومت اشتہارات کو بطور ٹول استعمال نہیں کرے گی اور ان کا اجراءخالصتاً میرٹ اور اخبارات کی سرکولیشن کو سامنے رکھ کر کیا جائے گا۔گورنر پنجاب نے کہا کہ پاکستان تحریک انصاف کی حکومت اختیارات کی مرکزیت کی بجائے اقتدار کی نچلی سطح پر منتقلی پر یقین رکھتی ہے۔ عوام کے مسائل کے فوری حل اور بلدیاتی نمائندوں کو مالیاتی اور انتظامی اختیارات دئیے جائیں گے ۔ انہوں نے کہا کہ ترقیاتی فنڈ کا 30 فیصد یونین کونسل اور ویلیج کونسل کو دیا جائے گا۔انہوں نے کہا کہ ضمنی انتخابات میں واضح تبدیلی نظر آئے گی کہ تمام ادارے غیر جانبدار رہیں گے اور وہاں کوئی ادارہ ترقیاتی کام نہیں کرے گا۔ گورنر نے کہا کہ جب تک ادارے مضبوط اور با اختیار اور غیر سیاسی نہیں ہوں گے اس وقت تک ملک کے مسائل حل نہیں ہو سکتے۔ انہوں نے کہا کہ پولیس کو سیاسی دبا و¿سے نکالنا ہے اور اس سلسلے میں پولیس نظام میں اصلاحات لائی جا رہی ہیں اور سابق آئی جی کے پی کے ناصر درانی کو یہ ٹاسک دیا گیا ہے اور یہ ایک بہت بڑا چیلنج ہے۔ انشا اللہ آپ کو جلد ہی پولیس کے نظام میں واضح تبدیلی نظر آئے گی۔ اس موقع پرچےف اےڈےٹر خبرےں ضےا شاہد نے کہا کہ تحرےک انصاف جس طرح سےاستدانوں کا احتساب کر رہی ہے صحافےوں کا احتساب کرے اور جن صحافےوں کے پچھلے دس سالوں مےں اثاثے حد سے زےادہ بڑھے ہےں پٹرول پمپ ، فےکٹرےاں اور پلاٹوں کا حساب لےا جائے انہوں نے کہا کہ کےا مےرٹ پالےسی ہے کہ 10سال بھی انہوں نے دونوں ہاتھوں سے لوٹا ہے اور اب پھر وہ مےرٹ پالےسی مےں آئےں گے۔ ہمےں منظور نہےں ہم مخالفت کرےں گے اور سب سے بڑھ کر مےں پہلے نمبر پر ہوں ۔ انہوں نے کہا کہ چوہدری سرور صاحب آپ بڑے تدبر اور فہم والے آدمی ہےں آپ ہمارے باتےں سنےں گے اور ہو گا کچھ نہےں مجھے اندازہ ہے آپ دےکھےں سندھ مےں شرجےل مےمن والا کےا معاملہ ہے کہ چھ اےڈور ٹائزنگ کمپنےوں کے ساتھ مل کر اربوں کی کرپشن کی ۔ اب اےسا نہےں چلے گا ۔ اب اآپ کی حکومت کہہ کرہ رہی ہے کہ سوشل مےڈا کا حصہ ہے پرنٹ نےوز کا کوئی نہےں ہے۔ پرنٹ مےڈےا نے عمران خان کی حکومت بنانے مےں مدد کی ہے اور قربانےاں دیں ہےں ےہ کےا مےرٹ پالےسی ہے کہ پہلے بھی ان کو اشتہارات ملتے تھے اور مےرٹ پالےسی کے ذرےعے بھی ملےں گے اےسا نہےں ہوگا۔ اس موقع پر سی پی اےن ای کے صدر عارف نظامی نے بھی خطاب کےا۔ ملاقات کے دوران چےف اےڈےٹر خبرےں ضےا شاہد، اےڈےٹر اور سی ای او چےنل ۵ امتنان شاہد، اےکسپرےس کے گروپ اےڈےٹر اےاز خان، اعجاز الحق، 92نےوز کے ارشاد عارف، لےڈر کے علی احمد ڈھلوں، رحمت علی رازی، کاظم خاں، تنوےر شوکت، ےوسف نظامی، بابر نظامی، زوالفقار احمد راحت، احمد شفےق، سےد انتظار حسےن زنجانی، اوےس رﺅف، عابد علےم، اسلم مےاں، ملک لےاقت علی، بشےر احمد، بشےر احمد خان، زبےر محمود، وقاص طارق فاروق، محمد اکمل چوہان اور امتےاز احمد روحانی شامل تھے۔

سیف علی خان سے پہلے کرینہ کپور کس ’مسٹر خان‘ سے شادی کی تیاری کر رہی تھیں؟

نئی دہلی (ویب ڈیسک)شاید یہ بہت کم لوگ ہی جانتے ہوں گے کرینہ کا فردین خان کے ساتھ بھی افیئر تھا۔ حالانکہ فردین خان اور کرینہ کی نزدیکیوں کی خبر سامنے آنے کے کچھ ہی وقت بعد کرینہ اور شاہد کپور کا رشتہ سامنے آگیا تھا۔کرینہ کپور کی لو لائف کبھی بھی پردے کے پیچھے نہیں رہی ہے، انہوں نے زندگی میں جو کچھ کیا کھل کر کیا، کبھی کرینہ کسی بات کو ٹالتی یا چھپاتی ہوئی نظر نہیں ائیں، شاہد کپور سے تعلقات سے لے کر سیف علی خان سے شادی تک کرینہ کپور کی زندگی کا ہر سچ ان کے مداحوں کے سامنے آتا رہا اور حیران بھی کرتا رہا ، مگر پھر بھی زندگی کے کئی صفحات ایسے ہیں جو کھلے تو سہی ، مگر شاید ہی آپ نے اس کو پڑھا ہوگا،سیف علی خان سے شادی سے پہلے کرینہ کپور کا نام صرف شاہد کپور کے ساتھ ہی نہیں جوڑا گیا بلکہ ان کی زندگی میں سیف سے پہلے بھی ایک مسٹر خان آچکے تھے، زیادہ تر لوگ کرینہ کے تعلقات کو صرف شاہد اور سیف تک ہی دیکھتے ہیں مگر کم لوگ یہ بات جانتے ہیں کہ کرینہ کا فردین خان کے ساتھ بھی سکریٹ افیئر تھا اور وہ ایک دوسر کے ساتھ شادی کر نے والے لیکن پھر کرینہ کو سیف سے پیار ہوگیا اور تین سال ایک دوسرے کے ساتھ رہنے کے بعد دونوں نے شادی بھی کرلی۔

بھارت مکر گیا

نئی دہلی(ٹرینڈی ایڈیٹر رپورٹ) بھارت نے نیویارک میں جنرل اسمبلی کے اجلاس کے موقع پروزیرخارجہ شسماسوراج اورپاکستانی وزیرخارجہ شاہ محمود قریشی کے درمیان ملاقات پرآمادگی کے کچھ گھنٹوں بعد ہی انکار کر دیا۔ ٹائمز آف انڈیاکے مطابق ملاقات کی منسوخی کیلئے مقبوضہ کشمیرمیں 3پوقلیس اہلکاروں کے اغوا اور قتل میں مبینہ طور پر پاکستان سے تعلق رکھنے والے عناصرکے ملوث ہونے اورپاکستان میں جاری ہونے والے ڈاک ٹکٹ جس میں بقول بھارت عسکریت پسند،دہشت گردبرہان وانی کوہیروبناکرپیش کیاگیاہے۔بھارتی وزارت خارجہ کے ترجمان رویش کمارنے پریس کانفرنس میں الزام لگایاکہ نئی شروعات کے آغازکیلئے مذاکرات کی تجویزکے پیچھے مکروہ ایجنڈا بے نقاب ہوگیاہے ،عہدہ سنبھالنے کے بعدوزیراعظم عمران خان کااصل چہرہ دنیاکے سامنے آگیاہے۔ترجمان کامزیدکہناتھاکہ دونوں ممالک کے درمیان مذاکرات کی بحالی کے اعلان کے ساتھ ہی یہ دواندوہناک واقعات پیش آئے ہیں۔مقبوضہ کشمیرمیں پاکستان کے حمایت یافتہ عناصرکی جانب سے تین پولیس اہلکاروں کاقتل ہواجبکہ حال ہی میںپاکستان میں بیس ڈاک ٹکٹ جاری ہوئے ہیں،جن میں دہشت گردوںکوہیروبناکرپیش کیاگیاہے،جس سے ثابت ہوگیاہے کہ پاکستان نے اپنی پرانی روش ترک نہیں کی ہے۔واضح رہے 2016ءمیں پٹھان کوٹ فضائی اڈے پرحملے کے بعددونوں ممالک کے درمیان ڈائیلاگ کاعمل معطل ہوگیاتھا،جس کے بعد دونوں وزرائے خارجہ کے درمیان مذکورہ ملاقات اعلیٰ سطح پرپہلارابطہ ہوناتھا،آخری رابطہ دسمبر2015ءمیں ہواتھا،جب بھارتی وزیرخارجہ شسماسوراج نے اسلام آبادمیں ایشیاءکانفرنس میںشرکت کے دوران اس وقت کے وزیرخارجہ سرتاج عزیزسے ملاقات کی تھی۔دریں اثناءمقبوضہ کشمیرکے ضلع شوپیاں میں 3پولیس اہلکاروں کی لاشیں ملی ہیں،جنھیںکشمیری حریت پسندوں نے قتل کردیا۔دوسری طرف ریاستی بھارتی پولیس نے ضلع باندی پورہ میں لشکر طیبہ کے 5 دراندازوں کومقابلے میں ہلاک کرنے کادعویٰ کیاہے۔اس نے الزام لگایاکہ وہ ایل اوسی عبورکرکے کشمیرکے مختلف علاقوں میں پہنچنے کی کوشش کررہے تھے،اطلاع پرسمبلرکے جنگلات میں مقابلہ ہوگیا، پولیس نے ان کے قبضے سے اسلحہ اورایمونیشن بھی برآمدکرنے کادعویٰ کیا۔