All posts by asif azam

https://www.facebook.com/asif.azam.33821

نواز شریف نے بیرون ملک علاج کے لیے سپریم کورٹ میں درخواست دائر کردی

اسلام آباد(ویب ڈیسک) سابق وزیراعظم نواز شریف نے بیرون ملک علاج کے لیے سپریم کورٹ میں درخواست دائر کردی ہے۔سابق وزیراعظم نواز شریف کی جانب سے 15 صفحات پر مشتمل نظر ثانی درخواست سپریم کورٹ میں دائر کی گئی ہے جس میں کہا گیا ہے کہ عدالت عظمٰی نے 26 مارچ کو 6 ہفتوں کے لیے مشروط ضمانت دی تھی، ضمانت طبی بنیادوں پر دی گئی، 26 مارچ کے حکم نامے میں کہا گیا کہ نوازشریف 6 ہفتوں کے دوران ملک چھوڑ کر نہیں جاسکتے۔درخواست میں عدالت سے استدعا کی گئی ہے کہ نواز شریف کے پاکستان میں علاج کرانے کی پابندی پر نظر ثانی کی جائے، نواز شریف کا علاج اسی ڈاکٹر سے ممکن ہے جس نے برطانیہ میں ان کا علاج کیا تھا سپریم کورٹ نے لکھوائے گئے حکم نامے میں کہا ہے کہ نواز شریف ضمانت میں توسیع کے لیے ہائی کورٹ سے رجوع کر سکتے ہیں تاہم تحریری حکم نامے میں ہائی کورٹ سے رجوع کرنے کاحصہ شامل نہیں ہے۔سپریم کورٹ میں دائر درخواست میں موقف اپنایا گیا ہے کہ نواز شریف کی مکمل صحت یابی 6 ہفتوں میں ناممکن ہے جب کہ پاکستان، برطانیہ، امریکا اور سوئٹزرلینڈ کے طبی ماہرین کے مطابق نواز شریف کی زندگی کو سنگین خطرات لاحق ہیں۔درخواست میں کہا گیا ہے کہ نواز شریف کو دل اور گردوں کے امراض لاحق ہیں، اس کے علاوہ سابق وزیراعظم ہائی بلڈ پریشر، شوگر اور گردوں کے تیسرے درجے کی بیماری میں مبتلا ہیں لہذا صرف پاکستان کے اندر نواز شریف کو علاج کے لیے پابند کرنے کے 26 مارچ کے فیصلے پر نظر ثانی کی جائے۔

عمران خان آل ٹائم ورلڈکپ بیسٹ الیون کے کپتان مقرر

لاہور(ویب ڈیسک)آل ٹائم ورلڈکپ بیسٹ الیون میں پاکستان سے عمران خان اور وسیم اکرم کو منتخب کیا گیا ہے۔ورلڈکپ کا آغاز 30 مئی سے انگلینڈ اینڈویلز کے 11 مختلف مقامات پر ہورہا ہے، کرکٹ کی ایک ویب سائٹ نے اب تک ہونے والے تمام ورلڈکپ کو سامنے رکھتے ہوئے ایک آل ٹائم بیسٹ الیون کا انتخاب کیا ہے، اس میں 1992 ورلڈکپ کی فاتح ٹیم کے کپتان عمران خان کے ساتھ پاکستان سے وسیم اکرم کو متفقہ طورپر لیا گیا ہے۔اس ورلڈ بیسٹ ٹیم میں آسٹریلیا سے 4، سری لنکا اور پاکستان کے 2،2 ، جنوبی افریقہ، بھارت اور ویسٹ انڈیز سے ایک ایک کھلاڑی کو ٹیم میں منتخب کیا گیا ہے۔ ٹیم کی قیادت عمران خان کریں گے جب کہ دوسرے کھلاڑیوں میں آسٹریلیا سے وکٹ کیپر بیٹسمین ایڈم گلکرسٹ، رکنی پونٹنگ، شین وارن، گلین میگراتھ ، سری لنکا کے کمار سنگاکارا، مرلی دھرن ، بھارت سے سچن ٹنڈولکر، ویسٹ انڈیز کے ویوین رچرڈز، جنوبی افریقہ کے لانس کلوزنر اور پاکستان سے وسیم اکرم شامل ہیں۔

ق لیگ اور تحریک انصاف ایک پیج پر ہیں۔ صوبائی وزیر برائے معدنیات حافظ عمار یاسر

لاہور (صدف نعیم سے) صوبائی وزیر برائے معدنیات حافظ عمار یاسر نے کہا ہے کہ ہم حکومت کے ساتھ کھڑے ہیں اور کسی فورم پر ن لیگ سے کوئی رابطہ نہیں کیا جا رہا۔ مخالفین کسی غلط فہمی میں نہ رہیں ق لیگ اور تحریک انصاف ایک پیج پر ہیں۔ اختلافات سیاست کا حسن ہیں۔ ہماری پارٹی وزیر اعلٰی پنجاب سردار عثمان بزدار کی مکمل حمایت کرتی ہے۔ ان خیالات کا اظہار صوبائی وزیر برائے معدنیات حافظ عمار یاسر نے آج اپنے ایک بیان میں کیا۔ انہوں نے کہا کہ ن لیگی کرپٹ حکومت نے عوام کے کروڑوں روپوں کے ٹیکسوں پر عیش کی جس کا خمیازہ ان کو عام انتخابات میں شکست کی صورت میں بھگتنا پڑا۔ سابقہ حکومتی چیلے اپنی جیبوں میں بدعنوانی کا کروڑوں روپے بھرنے کے بعد آج موجودہ حکومت کو کرپٹ کہہ رہے ہیں۔ نیب نے جعلی حکمرانوں کو شاباش دینے نہیں بلکہ عوام کا پیسہ لوٹ کر ملکی معیشت کا بیڑہ غرق کرنے پر سزا دینے کے لیے بلایا ہے۔ انہوں نے مزید کہا کہ میاں برادران نے ماڈل ٹاﺅن کو ہی پاکستان سمجھ کر عوام کو اربوں روپے کا چونا لگایا اور جنگلہ بس کو میٹرو بس کا نام دے کو ہماری نسلوں کو مقروض کر دیا۔ ہماری حکومت نے اقتدار میں آنے کے بعد سب سے پہلے قومی اداروں کی باگ دوڑ سنبھالی اور افسران کو نئے عزم کے ساتھ فرائض سرانجام دے کر نیا پاکستان بنانے کا پیغام دیا۔

حمزہ شہباز اور عائشہ احد ملک کی نیب طلبی

لاہور(صدف نعیم سے) نیب نے حمزہ شہباز اور عائشہ احد ملک کوآمدن سے زائد اثاثہ جات اور منی لانڈرنگ کیس میں طلب کر لیا ۔زرائع کے مطابق حمزہ شہباز کو 30اپریل کو 3بجے سہ پہر جبکہ عائشہ احد ملک کو 3مئی کو دوپہر 12بجے طلب کیا گیا ہے۔

پاکستان اور سعود ی عرب کے تعلقات مضبوط پہاڑ کی مانند ہیں جنہیں کوئی نقصان نہیں پہنچاسکتا: چودھری پرویزالٰہی

لاہور(صدف نعیم سے)سپیکر پنجاب اسمبلی چودھری پرویزالٰہی سے 29 رکنی اعلیٰ سطحی سعودی وفد نے مدینہ شریف کے مئیر و ڈپٹی منسٹر انجینئر جاسر عبدالرحمن جاسر کی قیادت میں ملاقات کی۔ چودھری پرویزالٰہی نے وفد سے باہمی دلچسپی کے امور اور امت مسلمہ کو درپیش مسائل پر تبادلہ خیال کرتے ہوئے کہا کہ پاکستان اور سعود ی عرب کے تعلقات ایک مضبوط پہاڑ کی مانند ہیں جنہیں کوئی نقصان نہیں پہنچاسکتا۔ انہوں نے کہا کہ امت مسلمہ کو اتحاد کی جتنی ضرورت آج ہے پہلے کبھی نہیں تھی اس سلسلے میں پاکستان مسلم اتحاد کیلئے اپنا مثبت کردار ادا کرتا رہے گا۔ انہوں نے مزید کہا کہ سعودی عرب اور پاکستان امت مسلمہ کے مسائل کے حل کیلئے مشترکہ جدوجہد کررہے ہیں اور دونوں ممالک ہر سازش کا مقابلہ کرنے کی صلاحیت رکھتے ہیں، دہشت گردی کے خاتمے کیلئے مسلم امہ ایک پیج پر ہے، پاکستان اور سعودی عرب کی سلامتی ایک دوسرے سے منسلک ہے۔ اس موقع پر سپیکر نے سعودی وفد کو پنجاب اسمبلی کی کارکردگی اور تاریخی بلڈنگ کے بارے میں آگاہ کیااور نئی عمارت کا ماڈل دکھایا اور تحائف کے تبادلے بھی کئے گئے۔ وفد میں انجینئر محمد عبد الہادی العصری، انجینئر جادہ نہار القحطانی، انجینئر محمد حمد الناصر، انجینئر عبداللہ محمد القرنی، انجینئر عجب عبداللہ القحطانی، ڈاکٹر علی محمد السواط، ڈاکٹر ولید محمد الحمیدی، ڈاکٹر عبد الرحمن عبد اللہ عبد القادر، انجینئر عبد العزیز محمد الماحوس، انجینئر محمد ابراہیم الحریف، انجینئر فیصل عوض الحویطی، انجینئر خالد عبداللہ الزید، انجینئر فائز مشعان العقیلی، انجینئر نبیل محمد السلیمان، انجینئر صالح حسین الصغیر، انجینئر خالد نائف مشعل المحمد، انجینئر عبد الرحمن سلطان العرفج، انجینئر حمد عثمان العرینی، انجینئر بدر ناصر الحمدان، جنرل سلیمان عبد الرحمن السحیبانی، انجینئر فارس محمد القحطانی، ڈاکٹر مصفر احمد الوادی، احمد مصفر الوادی، ولید مصفر الوادی، عیسی فارع السبیعی، ڈاکٹر نائف واصل الروقی اور ابراہیم محمد العمری شامل تھے۔ اس موقع پر سیکرٹری پنجاب اسمبلی محمد خان بھٹی اور ڈی جی پارلیمانی امور عنایت اللہ لک بھی موجود تھے۔

وزیراعظم عمران خان سرکاری دورے پر چین روانہ

اسلام آباد(ویب ڈیسک) وزیراعظم عمران خان کا کہنا ہے کہ چین کے ساتھ اسٹرٹیجک پارٹنرشپ کو نئی بلندیوں تک لے جانے کے لئے دورہ کررہا ہوں۔سرکاری خبر رساں ادارے کے مطابق وزیراعظم عمران خان 4 روزہ سرکاری دورے پر چین روانہ ہوگئے ہیں اس موقع پر وفاقی وزیر فیصل واوڈا، وزیر ریلوے شیخ رشید، مشیر خزانہ عبدالحفیظ شیخ، مشیرتجارت عبدالرزاق داﺅد اور ڈاکٹر عطاءالرحمان وزیراعظم کے ہمراہ ہیں۔روانگی سے قبل میڈیا سے بات کرتے ہوئے وزیراعظم کا کہنا تھا کہ چین پاکستان کا مضبوط دوست، ہمسایہ ملک اور آئرن برادر ہے، اسٹرٹیجک پارٹنر شپ کو نئی بلندیوں تک لے جانے کے لئے چین کا دورہ کررہا ہوں، پاکستان اورچین کے تعلقات کو مزید آگے بڑھانے کے لئے پرعزم ہوں۔وزیراعظم نے کہا کہ چینی قیادت کے ساتھ باہمی دلچسپی کے امور پرتبادلہ خیال ہوگا، چینی صدر سے دوطرفہ تعلقات پر تفصیلی تبادلہ خیال کروں گا اور باہمی مفادات کے شعبوں میں تعاون پر بھی بات چیت ہوگی۔

تحریک انصاف نے ہم سے جو وعدے کیے، ترقی کے جو خواب ہمیں دکھائے وہ کب پورے ہوں گے،چیئرمین برابری پارٹی پاکستان جواد احمد

لاہور( صدف نعیم )چیئرمین برابری پارٹی پاکستان جواد احمد نے کہا ہے کہ عمران خان ہر بار اپنی تقریر میں عوام کو بے وقوف بناتے ہیں ان کی تقریر ہارے ہوئے شخص کی آواز ہوتی ہے ان کا کہنا تھا کہ بجٹ میں تنخواہ دار طبقہ پر ٹیکس اضافے کی تجویز کو مسترد کرتے ہیں اور ملکی دولت لوٹنے والوں کو اب حساب دینا پڑے گا ان باتوں کا اظہار انھوں نے پارٹی کے مرکزی سیکرٹیریٹ میں ورکرز سے ملاقات میں کیا اس موقع پر ان کا کہنا تھا کہ برابری پارٹی پاکستان وزیر اعظم پاکستان کے جلد پیسہ آنے کے بیان کو ان کی خام خیالی تصور کرتی ہے کیونکہ ماضی میں پاکستان پیپلز پارٹی اور مسلم لیگ ن کے وزراءاعظم بھی عوام کو ایسے سنہری خواب دکھاتے رہے ہیں اور اب حد تو یہ ہے کہ سابق وزیر خزانہ اسد عمر نے گزشتہ روز قومی اسمبلی میں تقریر کرتے ہوئے ملک میں مہنگائی بڑھنے اور ایف بی آر کے اہداف پورے نہ ہونے کا اعتراف تو کیا ہے مگر انھوں نے ساری صورتحال کی ذمہ داری سابق حکومتوں پر تھوپ کر انھیں ملک کی گرتی معیشت کا ذمہ دار بھی قرار دے کر اپنے آپ کو بری ذمہ کرلیا۔جواد احمدکا مزید کہنا تھا کہ بار بار روپے کی قدر گرنا بذات خود بڑی کرپشن ہے جس کے سبب مہنگائی بڑھی،ادویات کی قیمتوں میں 300 سے 400 فیصد اضافہ ہوا، گیس کی قیمتیں بڑھ گئیں،جس کا سیدھا اثر غریب اور متوسط طبقے پر پڑا اور یہ طبقہ اب سوچنے پر مجبور ہے کہ تحریک انصاف نے ہم سے جو وعدے کیے، ترقی کے جو خواب ہمیں دکھائے وہ کب پورے ہوں گے۔

کینیڈین نژاد مراکشی اداکارہ نورا فتیحی کی پاکستانی فلم سائن کرنے کی تردید

لاہور (ویب ڈیسک ) کینیڈین نڑاد مراکشی اداکارہ نورا فتیحی سے متعلق افواہیں تھیں کہ وہ ماہرہ خان کی نئی فلم ’سپر اسٹار‘ میں آئٹم نمبر گانے پر پرفارم کریں گی جس کی انہوں نے تردید کردی ہے۔نورا فتیحی بالی وڈ کی متعدد فلموں میں آئٹم نمبر گانوں پر پرفارم کرچکی ہیں لیکن سب سے زیادہ شہرت جان ابراہم کی فلم ’ستیا مے جیاتے‘ میں سشمیتا سین کے ماضی کے مقبول گانے ’دلبر دلبر‘ پر ڈانس کر کے سمیٹی۔سوشل میڈیا پر افواہیں گردش کر رہی تھیں کہ نورا فتیحی نے پاکستانی فلم ’سپر اسٹار‘ جس میں ماہرہ خان مرکزی کردار نبھا رہی ہیں، اس میں آئٹم نمبر گانے پر پرفارم کریں گی۔

ناسا نے مریخی زلزلے کی پہلی ریکارڈنگ جاری کردی

لاہور (ویب ڈیسک ) پیساڈینا، کیلیفورنیا: ناسا کی جانب سے مریخ پر اتارے گئے جدید ترین خلائی کھوجی ”انسائٹ مارس لینڈر“ نے انسانی تاریخ میں پہلی مرتبہ ’مارس کوئیک‘ یعنی مریخی زلزلے کو ریکارڈ کرتے ہوئے اس کی گڑگڑاہٹ بھی گرفت میں لی ہے۔ماہرین نے اسے ’مارس کوئیک‘ یعنی مریخی زلزلے کا نام دیا ہے جس سے ظاہر ہوتا ہے کہ سرخ سیارہ مریخ اب بھی ارضیاتی طور پر سرگرم ہے۔ اس سے قبل ماہرین نے کہا تھا کہ مریخ پر رونما ہونے والے زلزلے کے جھٹکے اس پر چلنے والی ہوا یا فضا کی بجائے اندرونی زلزلوں سے واقع ہورہے ہیں اور اب اس بات کی تصدیق ہوچکی ہے۔سائنسدانوں کا خیال ہے کہ مریخی زلزلوں کو جان کر ہم اس کی اندرونی ارضیاتی ساخت کو سمجھ سکتے ہیں۔ انسائیٹ خلائی جہاز گزشتہ برس نومبر میں مریخ پر اترا تھا اسے خاص طور پر مریخ کی اندرونی خبر دینے کے لیے ڈیزائن کیا گیا ہے۔ جدید ترین آلات سے لیس انسائیٹ مریخ کا اندرونی درجہ حرارت، مٹی کی کیفیت، اس کی گردش اور زلزلہ جاتی سرگرمیوں پر تحقیق کے لیے بنایا گیا ہے۔ مریخی زلزلے اس پراسرار سیارے کے متعلق ہماری معلومات میں بہت اضافہ کرسکتے ہیں۔انسائیٹ میں نصب سیسمک ایکسپیریمنٹ فار انٹیریئر اسٹرکچر (ایس ای آئی ای ایس) نے مریخی زلزلے کی پہلی آواز 6 اپریل کو ریکارڈ کی ہے جس پر ماہرین بہت خوش ہیں۔ ایس ای آئی ای ایس ٹیم کے سربراہ فلپ لاگنون نے بتایا، ’کئی ماہ سے ہم اس سگنل کے منتظر تھے۔ یہ جان کر خوشی ہوئی ہے کہ مریخ اب بھی ارضیاتی لحاظ سے سرگرم ہے اور اس کی بدولت مریخ کی اندرونی کیفیت کو جاننے میں بھی مدد ملے گی۔‘
لیکن ماہرین نے زلزلے کے مزید تین جھٹکے بھی محسوس کئے ہیں تاہم ان کی شدت بہت ہی کمزور ہے۔ اب اگر قسمت مہربان رہی تو ا?گے بھی ایسے زلزلے وقوع پذیر ہوتے رہیں گے اور یوں مریخ کو سمجھنے میں مزید مدد ملے گی۔ انسائیٹ سے وابستہ مرکزی سائنسداں بروس بینرٹ کہتے ہیں کہ اب تک مریخ پر اس کے پس منظر کی ا?وازیں ہی ریکارڈ ہوئی تھیں لیکن پہلی مرتبہ ہم مریخی زلزلوں کے مشاہدے کی جانب بڑھ رہے ہیں۔

پھل اور سبزیوں کا استعمال ہارٹ فیل کا خطرہ 41 فیصد تک کم کرتا ہے

لاہور (ویب ڈیسک ) سبزیوں، پھلوں، پھلیوں اور مچھلی کا باقاعدگی سے استعمال دل کے امراض بالخصوص جان لیوا ہارٹ فیل کے خطرے کو 41 فیصد تک کم کردیتا ہے۔اس امر کا انکشاف برطانیہ کے مشہور مایو کلینک کے ماہرین نے ایک طویل سروے کے بعد کیا ہے۔ ڈاکٹروں کا اصرار ہے کہ اگر آپ دل کے جان لیوا دورے سے محفوظ رہنا چاہتے ہیں تو گوشت، روغنی کھانے ، میٹھے مشروبات، کولااور فاسٹ فوڈ کو ترک کرکے سبزیوں، پھل، پھلیوں اور مچھلی کھانے کو اپنا شعار بنائیں۔واضح رہے کہ ہارٹ فیل کی کیفیت میں دل کو خون کی فراہمی متاثر ہوتی ہے اور پوری دنیا میں اس مرض میں خوفناک اضافہ ہورہا ہے اور اب یہ عالمی وبا کی صورت اختیار کرچکا ہے۔ روچیسٹر میں واقع مایو کلینک کی ماہرِ قلب ڈاکٹر کائلا لارا نے پانچ اقسام کی غذائی عادات یا طریقوں اور دل کے امراض کے درمیان تعلق کا مشاہدہ کیا ہے۔ اس کےلیے انہوں نے ایسے مریضوں کا انتخاب کیا جو اب دل کے مریض بن چکے ہیں۔ماہرین نے بتایا کہ جنوبی غذا (سدرن ڈائیٹ) سے دل کے دورے کا خطرہ 72 فیصد تک بڑھ جاتا ہے جن میں انڈے، فرائیڈ فوڈ، روغنی غذائیں، پروسیس شدہ گوشت اور شکر سے بھرپور مشروبات شامل ہیں۔ اس کے برخلاف پودوں سے حاصل ہونے والی سبزیاں اور پھل دل کے لیے بہتر ثابت ہوتے ہیں اور دل کے امراض کے خطرے کو 41 فیصد کم کرتے ہیں۔مایو کلینک کے ماہرین نے کہا ہےکہ ہزاروں مریضوں پر تحقیق کے بعد معلوم ہوا ہے کہ تازہ پھل اور سبزیاں اپنے کئی خواص کی بنا پر دل کوکئی امراض سے محفوظ رکھتی ہیں۔ اسی لیے اپنی خوراک میں سبزیوں کا استعمال ضرور بڑھائیں۔