All posts by mujahid raza

گلوکارہ سلینا گومز نیوز کاسٹر بن گئیں

لاس اینجلس (شوبز ڈیسک) لاس اینجلس (شوبز ڈیسک)ویسے تو سلینا گومز دنیا بھر میں اپنی گلوکاری و اداکاری کی وجہ سے مشہور ہیں، لیکن اس بار انہوں نے کچھ مختلف کرنے کا سوچا، اور ایک ویڈیو شیئر کر ڈالی۔25 سالہ گلوکارہ نے برطانوی فیشن ڈزائر اور اپنے بزنس پارٹنر اسٹارٹ ویورز کے ساتھ ایک منٹ سے بھی کم دورانیے کی ویڈیو شیئر کی، جس میں وہ ایک نیوز کاسٹر بنی ہیں۔روایتی انداز میں بیٹھتے ہوئے بنائی گئی ویڈیو میں سلینا گومز موسم کی صورتحال سے آگاہ کرنے سمیت ٹریفک کی تازہ صورتحال سے بھی آگاہ کرتی دکھائی دیں۔ختصر ترین ویڈیو میں سلینا گومز نے نیوز کاسٹرز کی طرح لباس یا میک اپ کیے بغیر نیوز اینکر کے فرائض انجام دیے، یہ ویڈیو بظاہر تفریح کے لیے بنائی گئی۔لیکن اس ویڈیو کی خاص بات یہ تھی کہ اس میں سلینا گومز نے خواتین کے نئے تیار کردہ ہینڈ بیگز بھی دکھائے، جو ان کی اور برطانوی فیشن ڈزائنر کی شریک کمپنی کی جانب سے تیار کیے گئے۔خیال رہے کہ سلینا گومز گلوکاری و اداکاری سمیت خواتین کے لباس، میک اپ اور کاسمیٹک سمیت دیگر فیشن کی مصنوعات بھی بناتی ہیں، لیکن سلینا گومز نے یہ تمام کاروبار پارٹنر شپ کے تحت شروع کر رکھے ہیں۔ویسے تو سلینا گومز دنیا بھر میں اپنی گلوکاری و اداکاری کی وجہ سے مشہور ہیں، لیکن اس بار انہوں نے کچھ مختلف کرنے کا سوچا، اور ایک ویڈیو شیئر کر ڈالی۔25 سالہ گلوکارہ نے برطانوی فیشن ڈزائر اور اپنے بزنس پارٹنر اسٹارٹ ویورز کے ساتھ ایک منٹ سے بھی کم دورانیے کی ویڈیو شیئر کی، جس میں وہ ایک نیوز کاسٹر بنی ہیں۔روایتی انداز میں بیٹھتے ہوئے بنائی گئی ویڈیو میں سلینا گومز موسم کی صورتحال سے آگاہ کرنے سمیت ٹریفک کی تازہ صورتحال سے بھی آگاہ کرتی دکھائی دیں۔مختصر ترین ویڈیو میں سلینا گومز نے نیوز کاسٹرز کی طرح لباس یا میک اپ کیے بغیر نیوز اینکر کے فرائض انجام دیے، یہ ویڈیو بظاہر تفریح کے لیے بنائی گئی۔لیکن اس ویڈیو کی خاص بات یہ تھی کہ اس میں سلینا گومز نے خواتین کے نئے تیار کردہ ہینڈ بیگز بھی دکھائے، جو ان کی اور برطانوی فیشن ڈزائنر کی شریک کمپنی کی جانب سے تیار کیے گئے۔خیال رہے کہ سلینا گومز گلوکاری و اداکاری سمیت خواتین کے لباس، میک اپ اور کاسمیٹک سمیت دیگر فیشن کی مصنوعات بھی بناتی ہیں، لیکن سلینا گومز نے یہ تمام کاروبار پارٹنر شپ کے تحت شروع کر رکھے ہیں۔

پاکستان میں انٹرنیشنل معیار کی ماڈلنگ ہوتی ہے

لاہور(شوبز ڈیسک) اداکارہ و ماڈل صبا قمر نے کہا ہے کہ پاکستان میں انٹرنیشنل معیار کی ماڈلنگ ہوتی ہے ، پاکستان کی نوجوان ماڈلز نے ماڈلنگ کی دنیا میں بھارت کو بھی پیچھے چھوڑ دیا ہے۔ ایک انٹرویو کے دوران گفتگو کرتے ہوئے صبا قمر نے کہا کہ محنت انسان کی تقدیر بدل دیتی ہے ، کسی بھی شعبے میں کامیابی کیلئے جستجو اور عمل ضروری ہے ۔انہوں نے کہا کہ وقت سب سے بڑااستاد ہے اور اگر کوئی سیکھنا چاہے تو وقت سے بہت کچھ سیکھا جا سکتا ہے ۔ اچھے برے وقت میں ہی لوگوں کی پہچان ہوتی ہے اور اسی سے آپ اپنے دوستوں بارے اندازہ لگا سکتے ہیں ۔ انہوں نے کہا کہ اپنے فنی کیریئر میں جتنا بھی کام کیا عزت و احترام کے ساتھ کیا ہے جو میرے لیے بڑے فخر کی بات ہے ۔

اچھا فنکاراپنی فنی صلاحیتوں سے اپنا نام روشن کرتا ہے

لاہور(شوبز ڈیسک)معروف اداکارہ پریا خان کا کہنا ہے کہ شارٹ کٹ سے شہرت حاصل کرنا سب سے بڑی بیوقوفی ہے اچھا فنکار وہی ہوتا ہے جو محنت اور لگن کے ساتھ کام کریں اور اپنی فنی صلاحیتوں کے ساتھ اپنا نام روشن کریں اور میں ہمیشہ کوشش کرتی ہو ں کہ اپنے کردار کو حقیقت کا رنگ دوں ایک سوال کے جواب میںپریا خان نے کہا کہ انسان کو دوسروں پر تنقید کے بجائے اپنی اصلاح کرنی چاہئے کسی سے جیلس نہیں ہونا چاہئے میں کبھی کسی سے جیلس نہیں ہوتی اور نہ ہی دوسروں سے حسد کرتی ہوں کیونکہ جو انسان حسد کرتا ہے وہ آگے نہیں بڑھ پاتا ،ان کایو این پی سے مزید کہنا تھا کہ محنت اور اچھی پرفارمنس سے لوگوں کے دلوں کو جیتا جا سکتا ہے

حسین نواز کی بھارتی کمپنیوں کیساتھ کاروباری رابطے

اسلام آباد (مانیٹرنگ ڈیسک) سپریم کورٹ سے نااہل قرار پانے والے سابق وزیراعظم نوازشریف کے بیٹے حسین نواز کے بھارتی کمپنیوں کے ساتھ کاروباری روابط کا انکشاف کمپنی ہل میٹل کی بھارت میں کاروباری روابط کی دستاویزات نجی ٹی وی پروگرام میں دکھا دی گئیں۔ سینئر صحافی نے کہا کہ حسین نواز بھارت سے ہیوی مشینری اور فرنس امپور کرتے رہے۔ سٹیل ملز کی مشینری منگوانے کیلئے بھارتی کمپنیوں سے معاہدے کئے سعودی عرب کے الراجی بنک سے بھارتی کمپنی کو ادائیگی کی گئی۔ سعودی ہالینڈی بینک سے بھی بھارتی کمپنی کو ادائیگی کی گئی۔ سینئر صحافی نے بتایا کہ حسین نواز کی اس ہل میٹل کمپنی سے نوازشریف کو بڑی بڑی رقوم بھیجی جاتی رہیں۔ یکم جولائی 2009سے 17اگست 2010تک مختلف بھارتی کمپنیوں کی ادائیگی کی گئی۔ 10جنوری 2010کو بھارتی کمپنی نے ہل میٹل کا بل بنک کو بھیجا جس پر بنک نے خط لکھ کر حسین نواز سے پوچھا کہ آپ کا بل بھیجا گیا ہے ادائیگی کی اجازت دی جائے۔ الراجی بنک سعودیہ میں نوازشریف، حسین نواز اور مریم نواز کے اکاﺅنٹس ہیں۔

”نواز شریف بحالی“خواجہ آصف کو ٹاسک مل گیا

اسلام آباد (مانیٹرنگ ڈیسک) وزیر خارجہ آصف کو اہم ٹاسک سونپ دیا گیا، تمام اہم ممالک میں نواز شریف کی بحالی کیلئے کمپئن کرینگے، نواز شریف اور انکے خاندان کے برطانوی پاسپورٹ بھی جلد منظر عام پر آئینگے۔ یہ انکشافات سینئر صحافی نے نجی ٹی وی پروگرام میں گفتگو کے دوران کیے، انہوں نے کہا کہ خواجہ آصف کو ٹاسک سونپا گیا ہے کہ اہم ممالک کے دورے کریں وہاں جاکر بتائیں کہ مقبول عوامی لیڈر کی فوج اور عدلیہ نے ملکر نکال دیا ہے، ان کی بحالی میں ہماری مدد کریں ورنہ پاکستان غیر مستحکم ہوتا جائے گا۔ نواز شریف اور ان کے خاندان نے برطانویشریت حاصل کر رکھی ہے جلد ان کے برطانوی پاسپورٹ منظرعام پر آجائینگے۔

آصف زرداری کی نواز شریف سے ڈیل، اعتزاز احسن حقیقت سامنے لے آئے

اسلام آباد (مانیٹرنگ ڈیسک) سینٹ میں قائد حزب اختلاف اعتزاز احسن نے کہا ہے کہ چیئرمین ایس ای سی پی ظفر حجازی کی جان کو سخت خطرہ ہے۔ شریف برادران بہت پریشان ہونگے۔ کہ وہ ان کے خلاف بیان نہ دیدے۔ آصف علی زرداری کی نوازشریف کے ساتھ کوئی ڈیل نہیں ہوئی۔ اب تو میٹرو ملتان کا کیس بھی سامنے آگیا ہے۔ جس میں 2ارب روپے کی منی لانڈرنگ کی گئی۔ ملتان میٹرو کیس کا پیسہ تو شہبازشریف کی تجوری میں ہی گیا ہوگا۔ نجی ٹی وی سے خصوصی گفتگو کرتے ہوئے اعتزاز احسن نے کہا کہ ملتان میٹرو کیس کو پہلے سینٹ میں اٹھائیں گے۔ چیئرمین فنانس کمیٹی میں معاملہ اٹھائیں گے۔ فنانس کمیٹی ایف آئی آر درج کرنے کا حکم دے سکتی ہے۔ نوازشریف مگر مچھ کے آنسو بہارہے ہیں پہلے جو کام ان کا گالم گلوچ بریگیڈ کرتا تھا۔ اب خود کرتے ہیں سپریم کورٹ کا فیصلے کے مطابق نوازشریف آئی ایس آئی سے پیسے لیتے رہے ہیں اب ان کے بیٹے کو بھارتی کمپنیوں سے روابط سامنے آئے ہیں۔ جن سے وہ انتہائی حتمی مشینری اور فرنس منگواتے ہیں اس طرح کے معاملات میں ”را“ فائدہ تو اٹھاتی ہے ایسا بالکل ممکن ہے الراجی بینک سعودیہ کا ہل میٹل سے لین دین پہلی بار سامنے آیا ہے۔ ہل میٹل سے ہی منگوائی گئی پاکستان سے بھی بنوائی جاسکتی تھی۔ بھارت کے ساتھ لین دین کا معاملہ تو بہت حساس ہے اربوں ڈالر کا بزنس ہورہا ہے جو پاکستان کی کمپنیوں سے بھی ہوسکتا ہے۔ یہ بہت بڑا سکینڈل ہے اسے سینٹ میں ضرور اٹھائیں گے۔ انہوں نے کہا کہ حسین نواز نے والدہ کی جس جائیداد کا انٹرویو میں ذکر کیا الیکشن کمیشن اس بارے کلثوم نواز سے سوال کرسکتا ہے۔ بلاول بھٹو نے بڑی مضبوط لائن لی ہے۔ یقینی طور پروالد کوا عتماد میں لیا ہوگا۔ آصف زرداری نے اگر موجودہ حالات میں کوئی ڈیل کرنے کا ارادہ ظاہر کیا تو ان کی ساکھ کو بہت نقصان ہوگا اور وہ یقیناً ایسا نہیں چاہیں گے۔ آئین میں ایسی ترمیم جو موثر ماضی پر کرنا مشکل ہے۔

عاصمہ جہانگیر کو اٹارنی جنرل بنانے کا فیصلہ

اسلام آباد (ویب ڈیسک) مسلم لیگ (ن) کی طرف سے عاصمہ جہانگیر کو اٹارنی جنرل بنانے کا فیصلہ کیا گیا ہے، کیونکہ عاصمہ جہانگیر کا عدلیہ سے محاذ آرائی، فوج اور عدلیہ کے خلاف سخت رویہ ہے ۔  ذراءع کیمطابق عاصمہ جہانگیر کو اٹارنی جنرل اس لئے بنایا جا رہا ہے، کیونکہ وہ اینٹی ا سٹیبلشمینٹ،اینٹی آرمی،اینٹی جیوڈشری اور عورتوں کے حقوق پر ان کا ایک نام رہ چکا ہے تا کہ وہ آٹارنی جنرل بننے کے بعد عدالتوں میں جا کر ججوں کو اپنا تلخ رویہ دیکھا سکیں۔

کلثوم نواز کیخلاف 17 سال قبل درج ایف آئی آر سامنے آ گئی

حیدرآباد(مانیٹرنگ ڈیسک)بیگم کلثوم نواز کیخلاف 17سال قبل درج ایف آئی آر منظر عام پر آگئی، نجی ٹی وی کے مطابق کلثوم نواز کیخلاف غداری اور فوج کے خلاف تقریر کے الزامات پر سن 2000ءمیں ایف آئی آر درج ہوئی، ایف آئی آر میں ایم پی او سمیت دیگر دفعات شامل ہیں، یاد رہے کہ کلثوم نواز این اے 120سے ن لیگ کی امیدوار ہیں۔

دھونی کارکردگی نہیں دکھاتے تو متبادل دیکھیں گے

نئی دہلی(آئی این پی) بھارتی کرکٹ ٹیم کے چیف سلیکٹر منووا پرساد نے کہا ہے کہ اگر مہندرا سنگھ دھونی پرفارم نہیں کرتے تو ان کا متبادل دیکھیں گے ۔ پرساد کا کہنا تھا کہ میں نے حال ہی میں سابق امریکی ٹینس سٹار آندرے اگاسی کی کتاب پڑھی جس میں انہوں لکھا ہے کہ ان کی اصل زندگی 30 برس کے بعد شروع ہوئی ،اس سے قبل وہ صرف دو یا تین بار جیتے تھے، اس وقت ان پر عمر کے سبب میڈیا کی جانب سے بہت دبا تھا مگر اس کے باوجود وہ 36 سال کی عمر تک کھیلے اور متعدد گرینڈ سلم جیتے۔،ہمیں نہیں معلوم کہ کب کیا ہو جائے لیکن اس کا یہ مطلب نہیں کہ ہر کوئی اتنا خوش قسمت ہوتا ہے ، ہم سب سٹیک ہولڈرز ہیں اور چاہتے ہیں کہ ٹیم بہترین کھیل کا مظاہرہ کرے،اگر دھونی پرفارم کرتے ہیں تو کھیلیں گے تاہم اگر انکی کارکردگی نہیں ہو گی تو ہم ان کا متباد ل دیکھیں گے۔

فاتح کپتان کو کس کا بیتابی سے انتظار

کراچی(یو این پی)قومی کرکٹ ٹیم کے کپتان سرفراز احمد کا کہنا ہے کہ ورلڈ الیون کا دورہ پاکستان انٹرنیشنل کرکٹ کی بحالی کیلئے بارش کا پہلا قطرہ ثابت ہوگا،غیرملکی کھلاڑیوں کی ملک میں آمد نیک شگون ہو گی،مستقبل میں بین الاقوامی میچوں کیلئے راہیں ہموار ہو جائیں گی۔ سرفراز احمد دعاگو ہیں کہ سیریز کا انعقاد کامیابی کے ساتھ ہو تاکہ دیگر ٹیمیں بھی پاکستان کا دورہ کرسکیں جہاں کئی برس سے انٹرنیشنل کرکٹ کی سرگرمیاں موقوف ہیں۔ ایک سوال پر سرفراز احمد کا یونی ویژن نیوز سے کہنا تھا کہ وہ یارکشائر کی نمائندگی کر رہے ہیں جس سے اس ریجن میں مقیم ایشیائی نوجوانوں میں بھی کھیل کی طرف راغب ہونے کا شوق پیدا ہوگا۔ ان کا کہنا تھا کہ کاو¿نٹی کرکٹ کھیلنے کا تجربہ کافی زبردست ہے کیونکہ یہاں مقیم ایشیائی افراد میں کھیل کا شوق بڑھ رہا ہے اور یارکشائر کے نوجوانوں کے پاس بہترین موقع ہے کہ وہ لوکل کرکٹ میں اپنی صلاحیتوں کے جوہر دکھانے کے بعد مزید ترقی کر سکتے ہیں اور خواہ لڑکے ہوں یا لڑکیاں ان کیلئے آگے بڑھنے کے مواقع موجود ہیں۔ سرفراز احمد کا کہنا تھا کہ کاو¿نٹی کرکٹ کھیلنے سے کرکٹرز کا معیار بلند ہوتا ہے کیونکہ وہ مختلف ممالک کے کھلاڑیوں کے ہمراہ یا مخالف کھیل کر اپنی کارکردگی کو مزید بہتر کر سکتے ہیں۔ انہوں نے کہا کہ یارکشائر کاو¿نٹی کی جانب سے کھیلنے سے نہ صرف ان کی صلاحیتوں میں اضافہ ہو گا بلکہ پیشہ ورانہ رجحان کے حوالے سے بھی بہت کچھ سیکھنے کا موقع ملتا رہے گا۔قومی کپتان کا کہنا تھا کہ اس میں کوئی شک نہیں کہ چیمپئنز ٹرافی جیتنا عظیم کامیابی تھی لیکن اگر مضبوط ٹیم تشکیل نہ دی اور کارکردگی کو بہتر نہ کیا جائے تو یہ فتح رائیگاں بھی جاسکتی ہے۔ انہوں نے کہا کہ اب اس کامیابی کے خمار سے آگے نکلنے کی ضرورت ہے کیونکہ چیمپئنز ٹرافی اب تاریخ بن چکی جس سے آگے دیکھنا ہی علقمندی ہو گی اور کامیاب نوجوانوں کی کارکردگی سے پوری طرح فائدہ اٹھانا ہوگا۔