All posts by mujahid raza

ٹرمپ کا دورہ اسرائیل ، ہنگامے پھوٹ پڑے ، امریکی پرچم کی توہین

یروشلم، مقبوضہ بیت المقدس (مانیٹرنگ ڈیسک/ صباح نیوز)امریکی صدر ڈونلڈ ٹرمپ نے کہا ہے کہ مانچسٹر میں دھماکا کرنے والے شکست خوردہ اور ہارے ہوئے لوگ ہیں تاہم معصوم لوگوں کا خون بہانے کی اجازت نہیں دیں گے۔ برطانوی عوام کے ساتھ اظہار یکجہتی کرتے ہیں ۔امریکا مسلمان ، عیسائی اور یہودی بچوں کا مستقبل محفوظ کرنے کیلئے تعاون کو تیار ہے۔ریاض کے تاریخی اجتماع میں مسلم سربراہوں سے خطاب کیا اور کہا ہے کہ دہشتگردی کے خاتمے میں ہماری مدد کریں۔فلسطینی کے دورے پر پہنچنے کے بعد ہم منصب محمو د عباس کے ساتھ مشترکہ نیوز کانفرنس کرتے ہوئے انکا کہنا تھا کہ اسرائیل کے ساتھ مذاکرات کو تیار ہیں تاہم اسرائیل کو انسانی حقوق کا احترام کرنا ہو گا ۔ اسرائیلی صدر نیتن یاہو بھی خطے میں امن کے خواہاں ہیں ۔اسرائیل اور فلسطین کے درمیان مذاکرات کی بحالی کیلئے کوشاں ہوں۔ٹرمپ نے کہا کہ فلسطین کے ساتھ ملکر دہشتگردی کا خاتمہ کریں گے ۔انتہا پسندی اور دہشتگردی کو ہمیشہ کیلئے ختم کرنا ہو گا ۔خطے میں امن و امان کی صورت حال بہتر بنانا ہم سب کی ذمہ داری ہے ۔مشترکہ نیوز کانفرنس کے دوران فلسطینی صدر محمود عباس نے کہا کہ اسرائیل نے فلسطین پر غیر قانونی قبضہ جما رکھا ہے ، اسرائیل کو انسانی حقوق کا احترام کرنا ہو گا ۔امریکی صدر کو مقدس سر زمین پر خوش امدید کتتے ہیں۔امریکی صدر ڈونلڈٹرمپ کے دورہ اسرائیل پر فلسطینی سراپا احتجاج رہیں۔احتجاج کے دوران اسرائیلی فوج نے مظاہرین پر فائرنگ کی جس کے نتیجے میں گیارہ فلسطینی زخمی ہوگئے ۔امریکی صدر دو روزہ دورہ اسرائیل پر ہیں۔اس موقع پر اسرائیلی قبضے کے خلاف فلسطین کے مختلف علاقوں میں احتجاجی مارچ کیے گئے ۔اسرئیلی جیلوں میں قید فلسطینیوں کی بھوک ہڑتال کو چھتیس دن گزرنے پر مغربی کنارے میں فلسطینیوں نےیوم غضب منایا۔مظاہرین نے احتجاج کرتے ہوئے اسرائیلی اور امریکی پرچم نذرآتش کئے۔ احتجاج میں بچے بھی شریک تھے جنھوں نے ہاتھوں میں بینر اٹھا رکھے تھے جن پرامریکا اور اسرائیل مخالف نعرے بھی درج تھے۔احتجاج کے دوران مظاہرین کی جانب سے امریکی صدر کی تصویروں والے پتلے بھی جلائے گئے۔

مانچسٹر کے کنسرٹ میں ”معصوم لوگوں “کے قتل پر دکھی ہونیکا دعویٰ

مانچسٹر (مانیٹرنگ ڈیسک) پاکستان کی نوبل انعام یافتہ ملالہ یوسفزئی نے مانچسٹر دھماکے کی شدید مذمت کرتے ہوئے کہا ہے کہ معصوم لوگوں کے قتل پر بہت دکھی ہوں۔ نجی ٹی وی کے مطابق ملالہ یوسفزئی نے غم و دکھ کا اظہار کرتے ہوئے کہا کہ غمزدہ خاندانوں کے غم میں برابر کی شریک ہوں اور زخمیوں کی جلد صحتیابی کے لئے دعاگو ہوں۔یاد رہے کہ برطانیہ کے شہر مانچسٹر سٹی میں گلوکارہ آریانا گرینڈے کے کنسرٹ کے دوران خودکش دھماکے میں 22 افراد ہلاک جبکہ 50 سے زائد زخمی ہوگئے تھے۔

جسے اللہ رکھے اسے کون چکھے

لاہور(خصوصی رپورٹ) کینیڈا میں ایک ایشیائی بچی یقینی موت کے منہ میں جانے سے بچ گئی ۔عرب میڈیا کے مطابق کینیڈا کے رہائشی علاقے رچمنڈ،برٹش کولمبیا کے سیاحتی مقام پر ایک چھوٹی بچی والدین کے ساتھ پانی میں تیرتی سیل کو دیکھ رہی تھی کہ اچانک سیل نے پانی کے کنارے بیٹھی بچی کو گھسیٹ کر پانی میں گرا دیا۔بچی کے باپ نے فورا پانی میں کود کر بچی کو سیل کے چنگل سے چھڑا کر باہر نکالا وہاں موجود لوگوں نے یہ ویڈیو سوشل میڈیا پراپ لوڈ کردی جسے اب تک ہزاروں لوگ دیکھ چکے ہیں۔

وقت آ گیا کہ اب یہ کام کر لوں

ممبئی (خصوصی رپورٹ) بالی وڈ اداکارہ ایشوریا رائے بچن جلد سوشل میڈیا جوائن کریں گی۔ بھارتی ذرائع ابلاغ کے مطابق اداکارہ ایشوریا رائے نے بہت عرصے تک سوشل میڈیا سے کنارہ کشی اختیار کر رکھی ہے۔ انہوں نے ویڈیو وائرل کے دوران سوشل میڈیا جوائن کرنے کے حوالے سے کہا ہے کہ ان سے بہت سے لوگوں نے اس بارے بات کی ہے اور وہ اس بارے ضرور سوچیں گی۔ میرا خیال ہے کہ اب وقت آگیا ہے کہ وہ سوشل میڈیا جوائن کریں۔

”مانچسٹر دھماکے “پاکستانی نژاد عینی شاہد خاتون کے سنسنی خیز انکشافات

مانچسٹر (مانیٹرنگ ڈیسک) برطانوی شہر مانچسٹر میں ہونیوالے دھماکے کی عینی شاہد پاکستانی نژاد خاتون علیزے کا کہنا نے واقعے سے متعلق سنسنی خیز انکشافات کئے ہیں، ان کا کہنا ہے کہ بچوں کا شو جاری تھا کہ گیٹ پر دھماکا ہوگیا، زور دار دھماکے کے بعد بھگدڑ مچ گئی، ہر طرف خون پھیلا ہوا تھا۔ برطانیہ کے مانچسٹر ارینا میں ہونیوالے دھماکے میں 20 سے زائد افراد ہلاک اور 50 سے زائد زخمی ہوئے، واقعے کی عینی شاہد پاکستانی نژاد خاتون علیزے نے نجی ٹی وی سے گفتگو کرتے ہوئے بتایا کہ بچوں کا شو جاری تھا، چھوٹے چھوٹے بچے شریک تھے، آخری گانے پر گیٹ کے قریب دھماکا ہوگیا، ہر طرف دھواں پھیل گیا، زور دار دھماکے کے بعد بھگدڑ مچ گئی۔ ان کا کہنا ہے کہ میں اپنی بیٹی کو تسلیاں دے رہی تھی، اس نے بتایا کہ ہر طرف خون نظر آرہا ہے تاہم میں نے اسے کہا کہ کچھ نہیں ہے۔ انہوں نے بتایا کہ کچھ بچوں کو ان کے والدین چھوڑ کر چلے گئے تھے جو شو ختم ہونے کا باہر انتظار کررہے تھے۔ خوفناک دھماکے پر گفتگو کرتے ہوئے علیزے کی آواز بھرا گئی، وہ بولیں کہ یہ بچوں کا شو تھا، کسی کے وہم و گمان میں بھی نہیں تھا کہ ایسا واقعہ ہوجائے گا۔

میں یہ ہرگز نہیں بھلا سکتی ، سنی لیون کا اعتراف

لاہور (خصوصی رپورٹ) بالی وڈ کی بے باک اداکارہ اور آئٹم گرل سنی لیون کا کہنا ہے کہ اپنے ماضی کو بھلا سکتی ہوں اور نہ ہی بھلانا چاہتی ہوں۔ برطانوی نشریاتی ادارے کو انٹرویو کے دوران سنی لیون کا کہنا تھا کہ ہالی وڈ میں انٹری کے بعد مجھے ایسا لگتا ہے کہ اب بڑی ہوگئی ہوں جب کہ فلموں کی شوٹنگ کے دوران میں ہر لمحے بہت کچھ سیکھنے کی جستجو میں لگی رہتی ہوں اور یہ عمل آج بھی جاری ہے۔ اداکارہ سے جب ان کے ماضی کے حوالے سے پوچھا گیا تو ان کا کہنا تھا کہ وہ اپنے ماضی کو مٹا نہیں سکتی ہیں اور نہ ہی ماضی کو مٹانا چاہتی ہیں۔ ماضی کے باعث پہلے تو کوئی ہدایتکار یا پروڈیوسر فلموں میں کاسٹ نہیں کرتا تھا لیکن جب سب کو معلومہوا کہ میں واقعی بالی وڈ کو لیکر سنجیدہ ہوں تو پھر مجھے بھی فلمیں بھی ملنے لگیں۔ شاہ رخ کے ساتھ آئٹم سانگ میں کام پر سنی لیون کا کہنا تھا کہ کنگ خان بہت اچھے انسان ہیں اور ان کے ساتھ کام کرکے بہت اچھا لگا، جب آپ کسی فنکار کو ٹی وی پر دیکھتے ہیں تو اس کا احترام مزیدبڑھ جاتا ہے۔ سنی لیون کا کہنا ہے کہ میں فطرتاً شرمیلی اور تنہائی پسند ہوں، زیادہ لوگوں سے ملنا جلنا پسند نہیں۔ لکین شاہ رخ خان نے مجھے نئے لوگوں سے ملنا سیکھایا اور بتایا کہ کس طرح لوگوں میں کھلا ملا جاتا ہے۔ اب تک حاصل ہونے والے تجربے اور فلم رئیس کے دوران میں نے سیکھا کہ لوگوں سے ملاقات کے دوران کس طرح بات چیت کرنی چاہیے۔ سنی لیون جو فلموں میں بولڈ کردار ادا کرنے کے حوالے سے کافی شہرت رکھتی ہیں اور سنی لیون جو فلموں میں بولڈکردار ادا کرنے کے حوالے سے کافی شہرت رکھتے ہیں اور سنی لیون کے مداحوں کا بھی یہی خیال ہے کہ وہ ایک بولڈ اداکارہ ہیں۔ سنی لیون نے کہا کہ انہوں نے فلموں میںکسنگ سین (بوسہ کشی) کرنے سے انکار نہیں کیا ہے۔ بالیوڈ میں بحث تھی کہ سنی لیون اب فلموں میں کسنگ سین نہیں کریں گی، تاہم سنی لیون نے ان خبروں کی تردید کی ہے جس میں کہا گیا تھاکہ انہوں نے فلموں کیلئے اپنے عہد نامہ میں بوسے کا منظر نہ کرنے سے متعلق ایک شرط شامل کر رکھی ہے۔ سنی لیون نے کہا کہ یہ کسی بھی طریقے سے صحیح نہیں مجھے نہیں پتہ کہ یہ جھوٹی باتیں کون پھیلا رہا ہے۔سنی نے ٹوئٹر پر اپنے شوہر ڈینیل ویبر کے ساتھ رومانٹک لمحات کو بھی شیئر کیا۔ واضح رہے کہ اپنی متنازع اور فحش ویڈیوز کی وجہ سے مشہور بالی وڈ اداکارہ سنی لیون نے سب کو پیچھے چھوڑ دیا ہے، گوگل سروے میں انکشاف کیا گیا ہے کہ وہ انٹرنیٹ پر سب سے زیادہ سرچ ہونے والی شخصیت بن گئی ہیں۔

دشمن کی آئندہ نسلیں بھی یاد رکھیں گی اگر,آرمی چیف کے اعلان سے دشمن پر لرزہ طاری

راولپنڈی (آئی این پی)آرمی چیف جنرل قمر جاوید باجوہ نے کہا ہے کہ ہمسایہ ممالک کے ساتھ پائیدار امن چاہتے ہیں ،ہماری امن کی خواہش کو کمزوری نہ سمجھا جائے ،سرحدوں پر کسی بھی مہم جوئی کا بھرپور جواب دیا جائے گا، سیکورٹی فورسز،قانون نافذ کرنے والے اداروں اور قوم کی بے شمار قربانیوں کے بعد ملک میں استحکام آرہا ہے ،قوم کی قربانیوں سے پاکستان میں حالات معمول کے مطابق لائیں گے ،مغربی اورمشرقی محاذوں پر جوانوں کا جذبہ قابل تحسین ہے پاک فوج ک شعبہ تعلقات عامہ (آئی ایس پی آر) کے مطابق آرمی چیف جنرل قمر جاوید باجودہ کی زیر صدارت 75ویں سالانہ فارمیشن کمانڈر زکانفرنس جی ایچ کیو میں ہوئی جس میںفوج کے تمام جنرل آفیسرز نے شرکت کی ۔شرکاءکو ملکی جیو سٹریٹجک صورتحال،آپریشن ردالفساد میں پیش رفت،روایتی خطرے کے خلاف آپریشنل تیاریوں اورقومی سلامتی سے متعلق دوسرے معاملات پر بریفنگ دی گئی ۔اجلاس میں راویتی خطرات سے نمٹنے کیلئے پاک فوج کی آپریشنل تیاریوں پر بھی جائزہ لیا گیا ۔اس موقع پر خطاب کرتے ہوئے آرمی چیف جنرل قمر جاوید باجوہ نے کہاکہ سیکورٹی فورسز،قانون نافذ کرنے والے اداروں اور قوم کی بے شمار قربانیوں کے بعد استحکام آرہا ہے ،قوم کی قربانیوں سے پاکستان میں حالات معمول کے مطابق لائیں گے ۔انھوںنے کہاکہ مغربی اورمشرقی محاذوں پر جوانوں کا جذبہ قابل تحسین ہے۔آرمی چیف نے فوج کی آپریشنل تیاریوں ،مورال اورخاص طور پر بھارت کی جانب سے حالیہ سرحدی جنگ بندی کی خلاف ورزیوں پر موثر جواب دینے پر تعریف کی ۔انھوںنے کہاکہ ہمسایہ ممالک کے ساتھ پائیدار امن چاہتے ہیں ،ہماری امن کی خواہش کو کمزوری نہ سمجھا جائے ،سرحدوں پر کسی بھی مہم جوئی کا بھرپور جواب دیا جائے گا۔کانفرنس کے شرکاءنے فاٹا کی صورتحال ،پاک افغان بارڈر مینجمنٹ کو بہتر بنانے کیلئے حالیہ اقدامات ،فاٹا اصلاحات کو ناگزیرقراردیتے ہوئے اور فاٹا کے عوام کی خواہشات کے مطابق اصلا حات کے عمل کی ضرورت کو دہرایا۔بلوچستان کی صورتحال میں بہتری پر بھی غور کیا گیا۔شرکاءنے عوام کی حمایت کے ساتھ بلوچستان میں استحکام اور ترقی کی طرف معنی خیز شراکت جاری رکھنے کے عزم کا اعادہ بھی کیا۔سی پیک کی پیش رفت اور سی پیک منصوبوں کی سیکورٹی سے متعلق بھی تبادلہ خیال کیا گیا ،انتہائی اہم میگا منصوبے کی بروقت تکمیل کیلئے مزید محفوظ ماحول پر توجہ برقرار رکھنے پر غور بھی زوردیا گیا۔ پائیدار استحکام حاصل کرنے تک کراچی اور پنجاب سمیت دوسری جگہوں میں آپریشنز جاری رہیں گے ۔کانفرنس کے شرکاءنے فوج کی سطح پر اٹھائے جانے والے اقدامات پر اطمینان کا اظہار کیا اور ملک کی جیو اور نظریاتی سرحدوں کی حفاظت کرنے کے عزم کااظہار کیا۔

عامرنے بھارتی بیٹنگ لائن کوتہس نہس کرنیکاپلان بنالیا

برمنگھم (آئی این پی) قومی کرکٹ ٹیم کے فاسٹ باﺅلر محمد عامر بھی پاک، بھارت ٹاکرے کیلئے کافی پرجوش دکھائی دیتے ہیں جن کا کہنا ہے کہ انگلینڈ کی کنڈیشنز باﺅلرز کیلئے سازگار ہونے کے باعث وہ بھارت کیخلاف بہترین کارکردگی دکھانے کیلئے پرامید ہیں۔ اپنے ایک انٹرویو میںمحمد عامر نے کہا کہ میں نے ویسٹ انڈیز کے دورہ کے دوران بہت لمبے سپیلز کئے ہیں، میری سوئنگ واپس آ رہی ہے اور ہر گزرتے دن کیساتھ لائن اینڈ لینتھ بھی بہتر ہو رہی ہے۔ یہاں کی کنڈیشنز باﺅلرز کیلئے سازگار ہیں، امید ہے کہ میں یہاں بھی بہترین کارکردگی دکھاﺅں گا۔انہوں نے مزید کہا کہ چیمپینز ٹرافی میں پاک، بھارت ٹاکرے کے دوران جو بھی ٹیم دباﺅ اچھے طریقے سے برداشت کرے گی، فتح اسی کی ہو گی۔ انہوں نے امید ظاہر کی کہ ویسٹ انڈیز کے دورے کی طرح بلے باز اور باﺅلرز چیمپینز ٹرافی میں بھی اپنی بہترین کارکردگی پیش کریں گے۔یاد رہے کہ سرفراز الیون 4 جون کو ایجبسٹن میں روائتی حریف بھارت کے مدمقابل ہو گی۔ پاکستان ٹورنامنٹ میں اپنا دوسرا میچ 7 جون کو جنوبی افریقہ کیخلاف جبکہ 12 جون کو سری لنکا کے خلاف کھیلے گا۔

مانچسٹر دھماکے کے بعد چیمپئینز ٹرافی کیلئے سکیورٹی مزید سخت

مانچسٹر(نیوزایجنسیاں)مانچسٹر میں ہونے والے دہشت گرد حملے کے بعد انٹرنیشنل کرکٹ کونسل نے آئندہ ماہ ہونے والی چیمپیئنز ٹرافی اور ویمنز کرکٹ ورلڈ کپ کی سیکیورٹی کا جائزہ لینے اور کھلاڑیوں کی حفاظت کیلئے اسے مزید سخت کرنے کا فیصلہ کیا ہے۔برطانیہ کے شہر مانچسٹر میں واقع برٹش ایرینا میں ہونے والے خودکش دھماکے میں 22 افراد ہلاک جبکہ 50 سے زائد زخمی ہوگئے۔دھماکا امریکی گلوکارہ آریانہ گرانڈے کے کنسرٹ کے ختم ہونے کے کچھ دیر بعد ہوا اور یہ 2005 میں لندن انڈر گراو¿نڈ میں ہونے والے دھماکوں کے بعد سب سے بدترین حملہ ہے۔یکم جون سے برطانیہ میں چیمپیئنز ٹرافی کا آغاز ہو گا جہاں اوول، کارڈف اور ایجبسٹن 18 جون تک جاری رہنے والے ایونٹ کے میچز کی میزبانی کریں گے جبکہ 24 جون سے تین شہروں میں ویمنز ورلڈ کپ کا آغاز ہو گا۔آئی سی سی کی جانب سے جاری بیان میں کہا گیا کہ ہمیں ان دھماکوں میں ہونے والے جانی نقصان پر بہت افسوس ہے اور انٹرنیشنل کرکٹ کونسل اور انگلش کرکٹ بورڈ دونوں ٹورنامنٹس کے دوران کھلاڑیوں کی حفاظت اور بہترین سیکیورٹی کی فراہمی ہماری اولین ترجیح ہے۔بیان میں کہا گیا کہ ہم ٹورنامنٹ سیکیورٹی ڈائریکٹوریٹ، انگلش کرکٹ بورڈ اور دئگر متعلقہ حکام کے ساتھ مل کر مکمل حفاظت فراہم کرتے ہوئے سخت ترین سیکیورٹی پلان یقینی بنائیں گے۔

اگلا چئیرمین کون، شہریار نے اشارہ دیدیا

اسلام آباد ( نیو ز ا یجنسیا ں) پاکستان کرکٹ بورڈ کے چیرمین شہریارخان نے نجم سیٹھی کے نئے چیرمین پی سی بی مقررہ ہونے کا اشارہ دے دیا ہے۔سینیٹ کی قائمہ کمیٹی برائے بین الصوبائی رابطہ کا اجلاس ہوا جس میں عمراکمل کے جھگڑوں اور فٹنس مسائل پر بات ہوئی، سینیٹر مشاہد اللہ نے کہا کہ لگتا ہے عمر اکمل نے داﺅ لگانے کی کوشش کی، پی سی بی کو کھلاڑیوں کے بارے میں سب کچھ معلوم ہونا چاہیے، ان فٹ کھلاڑیوں کو ٹیم کے ساتھ بھجوانا نا انصافی ہے۔اجلاس کے بعد میڈیا سے گفتگو کرتے ہوئے شہریار خان نے کہا کہ چیرمین پی سی بی کیلئے ہونے والے الیکشن میں امیدوار نہیں ہوں گا جب کہ نجم سیٹھی کو بورڈ کا اگلا سربراہ تعینات کیا جا سکتا ہے۔ انہوں نے عمر اکمل کی حرکتوں پر بے بسی کا اظہار کرتے ہوئے کہا کہ لگتا ہے اس کی فطرت ہی ایسی ہے، وہ کبھی ٹریفک وارڈنز اور کبھی کسی اور سے الجھتا ہے۔ ایک ماہ قبل فٹنس ٹیسٹ لیا گیا، انگلینڈ میں دوبارہ فٹنس ٹیسٹ میں ناکام ہوئے، جس پر ان کو اسکواڈ سے باہر کرتے ہوئے انگلینڈ واپسی کا پروانہ جاری کیا جا چکا ہے۔ انہوں نے کہا کہ مصباح الحق اور یونس خان کو فیئر ویل دینے سے متعلق تین چار روز میں فیصلہ کیا جائے گا۔ ٹیسٹ ٹیم کیلئے چند نام زیر غور ہیں تاہم ابھی حتمی فیصلہ نہیں کیا گیا۔