All posts by ramzan asghar

ماریہ واسطی اور لیلیٰ واسطی پہلی بارایک ساتھ کام کریں گی

لاہور(کلچرل رپورٹر)اداکارہ ماریہ واسطی اور لیلیٰ واسطی پہلی بار سیریل میں ایک ساتھ کام کررہی ہیں۔ذرائع نے بتایا ہے کہ ٹیلی ویژن کی ان مقبول اداکاراﺅں کو ہمایوں سعید پروڈکشن کی نئی سیریل”تم بن“کے اہم کرداروں میں کاسٹ کیا گیاہے جس کی ریکارڈنگ ان دنوں کراچی میں تیزی سے جاری ہے اور اس میں شہودعلوی،قوی خان اور نعمان مسعود سمیت دیگر بہت سے فنکار بھی کام کررہے ہیں۔سیریل کی ڈائریکٹرعالیہ امام ہیں جو کافی عرصے بعد کسی ڈرامے کی ڈائریکشن دے رہی ہیں۔ اس بارے میں ماریہ واسطی نے”خبریں“کوبتایا کہ”تم بن“کی کہانی بہت اچھی ہے جسے شائقین انجوائے کریں گے۔انہوں نے ایک سوال کے جواب میں بتایا کہ اس سیریل میں ایکٹنگ کے ساتھ ساتھ میںایک چینل کے لئے ڈرامہ سیریز”دھند“پروڈیوس کررہی ہوں جو ایک مسٹری سیریز ہے جس میں میراسٹاک کریکٹر ہے ۔یہ امر قابل ذکر ہے کہ ماریہ واسطی اور لیلیٰ واسطی آپس میں کزن ہیں جنہیں شائقین پہلی بار کسی سیریل میں اکٹھے دیکھیں گے۔

مسعود بٹ نے طویل عرصے بعد معمررانا اورسعود کوفلم میںکاسٹ کرلیا

لاہور(کلچرل رپورٹر) ڈائریکٹر مسعود بٹ طویل عرصے بعد فلم بنانے کی تیاریوں میں مصروف ہیں جسے چوہدری یعقوب پروڈیوس کریں گے۔ اس بات کا انکشاف مسعود بٹ نے گزشتہ روز ”خبریں“سے ملاقات کے دوران کیا۔انہوں نے بتایاکہ فلم کا سکرپٹ مکمل کرلیا گیا ہے جبکہ میوزک پر کام جاری ہے جو طافو تیارکریں گے ۔ایک سوال کے جواب میں انہوں نے بتایا کہ فلم میں معمررانااور سعود سمیت بہت سے دیگر فنکار بھی کام کررہے ہیں جبکہ یہ فلم عیدالفطرپرریلیز کی جائےگی۔

بالی ووڈ میں انٹری کے بعد ماہرہ خان نے معاوضہ بڑھا دیا

لاہور ( شوبز ڈیسک) اداکارہ ماہرہ خان نے بالی ووڈ فلم ” رئیس “ میں کام کرنے کے بعد اپنے معاوضے میں بے پناہ اضافہ کر دیا ۔ ذرائع کے مطابق اداکارہ ماہرہ خان نے بالی ووڈ کے سٹار شاہ رخ خان کے مد مقابل فلم ” رئیس “ میں اداکاری کی تھی اور فلم کی شاندار کامیابی کے بعد انہوں نے پاکستان میں بننے والی ڈرامہ سیریل اور فلموں میں منہ مانگا معاوضہ طلب کرنا شروع کر دیا ہے جس کے باعث متعدد فلمسازوں نے ماہرہ خان کی جگہ دوسری اداکاراﺅں کو کاسٹ کرنا شروع کر دیا ہے ۔ ذرائع کا کہنا ہے کہ ماہرہ خان نے ایک فلم پروڈیوسر سے فلم میں کام کرنے کا معاوضہ دو کروڑ روپے طلب کیا تھا تاہم پروڈیوسر نے پچیس لاکھ کی آفر کی مگر ماہرہ خان نے فلم میں کام کرنے سے انکار کر دیا ۔

شان کی مزید دو پرانی فلمیں آج دوبارہ ریلیز ہوں گی

لاہور ( شوبز ڈیسک) اداکارہ شان اپنی پرانی فلموں کی نمائش کے ذریعے سینما گھروں کو بچانے کی تگ و دو میں مصروف ہیں ، آج ( جمعہ ) بھی شان کی دو پرانی فلمیں سینما گھروں کی زینت بنیں گی ۔ جس میں ہدایتکار پرویز رانا کی فلم ” بھولا سنیارا“ اور ہدایتکار مسعود بٹ کی فلم ” لاڈو رانی “ شامل ہیں ۔ یہ دو فلمیں آج سے لاہور کے سینما گھروں میں ریلیز کر دی جائیں گی ۔ یہ امر قابل ذکر ہے کہ سال 2016ءسے لیکر اب تک ہر ہفتے اداکار شان کی پرانی فلمیں نمائش کے لئے ریلیز کی جا رہی ہیں جبکہ ان کی ایک بھی نئی فلم سینما گھروں کی زینت نہیں بن سکی ۔

افسانہ نگار انتظار حسین کی یاد میںڈرامہ ” شہر افسوس“ ختم

لاہور(کلچرل رپورٹر)اجوکا تھیٹر اور لاہور آرٹس کونسل کے اشتراک سے برصغیرکے نامور رافسانہ نگار انتظار حسین کی یاد میں الحمرا ہال میں کھیل ” شہر افسوس“ دوروز جاری رہنے کے بعد اختتام پزیرہوگیا۔یہ کھیل پہلے 14فرروی کو پیش کیا جانا تھا لیکن مال روڈ پر بم دھماکے کے باعث نمائش ایک روزکی تاخیرسے کی گئی۔” شہر افسوس“ کو پہلی بار اجوکا تھیٹر کی بیسویں سالگرہ کے موقع پر 2004میں پیش کیا گیا تھا جبکہ اب اسے دوبارہ انتظارحسین کی پہلی برسی کے موقع پر پیش کیاگیا ہے۔ کھیل کی کہانی تین غیر مرئی کرداروں کے گرد گھومتی ہے جن کا پچھتاوا اورندامت انہیں مرنے کے بعد بھی بے چین رکھتا ہے اور وہ افسوس کی دلدل میں ڈوبتے چلے جاتے ہیں۔ کھیل کی کہانی قیام پاکستان 1947اور مشرقی پاکستان کی علیحدگی 1971 میں پیش آنے والے واقعات کو تنقیدی پیرائے میں اجاگر کرتی ہے ۔ ڈرامے کی کاسٹ میں عثمان راج ، عثمان ضیا ، عثمان چوہدری ،یعقوب مسیح،سہیل طارق،قیصرخان،جاویدسرفرازاور انعم ظہیر شامل ہیں۔ اس کھیل کو 2005میں قاہرہ میںمنعقد ہونے والے تجرباتی تھیٹر کے عالمی فیسٹیول میں بھی پیش کامیابی سے پیش کیا جاچکا ہے ۔ ڈرامے کے پہلے روز معروف رائٹراصغر ندیم سید اور شاہدمحمودندیم،جبکہ آخری روز کیپٹن (ر)عطامحمدسمیت دیگر اہم شخصیات نے بھی دیکھا جن کا کہنا تھا کہ انتظار حسین کے اس شاہکار کھیل کو بہترین اندازسے پیش کیا گیا ہے ۔ ڈرامے کی ڈائریکٹر مدیحہ گوہرنے کہا کہ اگرچہ یہ بہت ہی مشکل موضوع ہے لیکن اس کے باوجود لوگوں نے اسے بہت پسندکیا ہے ۔

ہدایتکار عماد اطہر کی فلم ” وسل “ آج ریلیز ہورہی ہے

لاہور (شوبز ڈیسک) ہدایتکار عماد اطہر کی فلم ” وسل “ آج ( جمعہ ) سے سینما گھروں کی زینت بنے گی ۔ فلم کی کاسٹ میں سہیل سمیر ، میرب اعوان ، اثامہ بن غازی ، آصم محمود ، بنش ، فرحان علی آغا ، عمران علی اور ساگر سمیت دیگر اداکار شامل ہیں۔فلم کے رائٹر مرزا ندیم ، پروڈیوسر میاں یاسین اور ہدایتکار عماد اطہر ہیں ۔شوبز سے تعلق رکھنے والی شخصیات فلم کا پہلا شو دیکھنے کے لئے سینما گھروں کا رخ کریں گی ۔

نرگس آج سے ڈرامے”غلط فہمیاں“میں کام کریں گی

لاہور(کلچرل رپورٹر) اداکارہ آج سے شائقین کی غلط فہمیاں دور کریں گی۔ ذرائع نے بتایا ہے کہ نرگس آج سے شالیمارتھیٹر کے نئے ڈرامے”غلط فہمیاں“ میں کام کریں گی جس کی دیگر کاسٹ میں آفرین اور پائل چوہدری سمیت دیگرفنکار بھی شامل ہیں جبکہ ڈرامے کے پروڈیوسر ملک طارق ہیں۔ نرگس نے گزشتہ رات دیگر کاسٹ کے ساتھ فائنل ریہرسل میں حصہ لیا جبکہ انہوں نے ڈرامے کے لئے تین گانے اور آئٹم سانگ تیارکیا ہے ۔جس کے بارے میں ان کے قریبی ذرائع نے بتایا ہے کہ نرگس نے حسب روایت نہایت محنت سے شائقین کے لئے آئٹم تیار کئے۔اس بارے میںملک طارق کا کہنا ہے یہ بات نہایت خوش آئندہے کہ تمام فنکار اختلافات اور چھوٹی موٹی باتوں کو فراموش کرکے ایک ساتھ پرفارم کرتے ہوئے شائقین کے چہروں پر خوشیاں بکھیرتے ہیں۔ اس بارے میں آفرین کا کہنا ہے کہ مجھے ہمیشہ شالیمارتھیٹر میں بہت اچھا رسپانس ملتا ہے اور اس بار بھی مجھے توقع ہے کہ لوگوں کو میری پرفارمنس پسندآئے گی۔

سائنس فکشن فلم’گھوسٹ اِن دی شیل‘کا ٹریلر جاری

لاس اینجلس (شوبز ڈیسک)کمپیوٹر ہیکرز اور سائبر کرمنلز کے بعد سائبر گ سسٹم کی ٹاسک فورس کا سامناخطرناک دشمنوں سے ہوگا ، ہالی ووڈ اداکارہ اسکارلیٹ جانسن کی نئی سائنس فکشن فلم’گھوسٹ اِن دی شیل‘کا نیا ٹریلر جاری کر دیا گیا ۔ ہدایتکار روپرٹ سینڈرز کی یہ فلم جاپانی ویڈیو گیم سے متاثر ہو کر بنائی گئی ہے جس کی کہانی سائبرگ سسٹم کی ٹاسک فورس کی قابل ترین افسر کے گِرد گھومتی ہے جس نے دشمنوں کے کئی مشن ناکام کرتے ہوئے اپنی ذہانت کا ثبوت پیش کیا۔ڈریم ورلڈ پکچرز کی تیار کردہ ایکشن ، کرائم اور ڈرامے سے بھرپور مناظر کی عکاسی کرتی یہ سائنس فکشن فلم پیرا ماونٹ پکچرز کے تحت31مارچ کو سنیما گھروں کی زینت بنائی جائیگی۔

کراچی کنگز نے پی ایس ایل میں پہلی کامیابی حاصل کرلی

شارجہ(ویب ڈیسک) پاکستان سپر لیگ کے دسویں میچ میں کراچی کنگز نے اسلام آباد یونائٹیڈ کو ڈک ورتھ لوئس قانون کے تحت 8 رنز سے شکست دے دی۔شارجہ کرکٹ اسٹیڈیم میں کھیلا جانے والا میچ بارش سے متاثر ہونے کے باعث 13 اوورز تک محدود کردیا گیا جب کہ اسلام آباد یونائیٹڈ نے مقررہ اوورز میں 8 وکٹوں کے نقصان پر 90 رنز بنائے جس کےجواب میں کراچی کنگز9.4 اوورز میں 4 وکٹوں کے نقصان پر 75 رنز بنائے تھے کہ ایک مرتبہ پھر بارش ہوگئی۔ موسلا دھار بارش کے باعث امپائرز نے ڈک ورتھ لوئس قانون کے تحت کراچی کنگز کو 8 رنز سے فاتح قرار دے دیا۔ہدف کے تعاقب میں کراچی کنگز کی جانب سے کرس گیل اور بابر اعظم نے اننگز کا آغاز کیا لیکن کرس گیل ایک بار پھر شائقین کو مایوس کرتے ہوئے صرف 2 رنز پر میچ کی تیسری گیند پر پویلین واپس لوٹ گئے جس کے بعد کپتان کمار سنگاکارا بھی کوئی خاطر خواہ کارکردگی پیش نہ کرسکے اور 20 کے مجموعی اسکور پر 2 رنز بنا کر محمد عرفان کی گیند پر بولڈ ہوگئے۔ شعیب ملک6 اور روی بوپارا ایک رنز بنا کر پویلین لوٹے جب کہ بابر اعظم نے شاندار بیٹنگ کرتے ہوئے 30 گیندوں پر 2 چھکوں اور 5 چوکوں کی مدد سے 47 رنز بنا ئے اور ناٹ آؤٹ رہے۔اس سے قبل کراچی کنگز کے کپتان کمار سنگاکارا نے ٹاس جیت کر پہلے اسلام آباد یونائٹیڈ کو بیٹنگ کی دعوت دی تو مصباح الیون کا آغاز مایوس کن رہا اور پہلے اوور کی دوسری ہی گیند پر سیم بلنگ بغیر کوئی رنز بنائے پویلین لوٹ گئے۔ ٹیم کا مجموعی اسکور 10 رنز تک پہنچا تو جارح مزاج بریڈ ہیڈن نے 6 رنز بنانے کے بعد گراؤنڈ بدر ہوگئے جب کہ ڈیون اسمتھ بھی 29 رنز کی جارحانہ اننگز کھیل کر پویلین واپس لوٹ گئے۔ کپتان مصباح الحق نے انتہائی سست روی سے بیٹنگ کرتے ہوئے 25 گیندوں پر صرف 16 رنز بنائے جب کہ شین واٹسن 26 رنز بناسکے۔ کراچی کنگز کی جانب سے عماد وسیم اور اسامہ میر نے 2،2 جب کہ عثمان خان نے ایک وکٹ حاصل کی۔

انگلینڈ نے پی ایس ایل میں شریک اپنے 4 کرکٹرز کو وطن واپس بلا لیا

شارجہ(ویب ڈیسک) انگلینڈ نے پاکستان سپر لیگ میں شریک اپنے 4 کرکٹرز کو وطن واپس بلالیا ہے۔
لاہور قلندرز کے جیسن روئے، اسلام آباد یونائیٹڈ کے اسٹیون فن، سیم بلنگز اور پشاور زلمی کے ایون مورگن اب ایونٹ کے بقیہ میچز میں اپنی فرنچائزز کو دستیاب نہیں ہوں گے کیوں کہ یہ تمام کھلاڑی ویسٹ انڈیز کیخلاف سیریز میں انگلینڈ ٹیم کے اسکواڈ کا حصہ ہیں۔