All posts by ramzan asghar

ن لیگ میں فارورڈ بلاک نے فیصلہ سُنا دیا ، پارٹی کیلئے خطر ہ کا الارم بج گیا


اسلام آباد (مانیٹرنگ ڈیسک‘ خصوصی رپورٹ) رہنماءمسلم لیگ(ن) اور وفاقی وزیر ریاض پیرزادہ نے کہا ہے کہ ملک میں سیاسی عدم استحکام پیدا کیا جارہا ہے، عوام کے کروڑوں ووٹوں سے منتخب ہو کر اسمبلی میں پہنچنے والے نمائندوں کو دہشت گرد بنایا جا رہا ہے، ہماری قیادت نے ہمیں صرف بلدیاتی کاموں کے لئے رکھا ہے، میں آج صاحب اقتدار اور وزیر اعظم سے انصاف مانگ رہا ہوں، حکومت ہونے کے باوجود مجھے انصاف ہوتا ہوا دکھائی نہیں دے رہا ، میں نے کبوتر کی طرح آنکھیں بند کرلی ہیںکیوں کہ ہم شیشے کے گھر میں رہ کر پتھر نہیں مارسکتے۔وفاقی وزیر بین الصوبائی رابطہ ریاض پیرزادہ نے اسلام آباد میںمیٹ دی پریس سے خطاب کرتے ہوئے کہا ہے کہ سابق وزیر اعظم نواز شریف پر کیسز ہیں، اس لئے وزیر اعلیٰ پنجاب شہباز شریف کو آگے بڑھ کر پارٹی سنبھالنی چاہیے تھی، ملک میں بے انصافی بڑھ گئی ہے، پاکستان کے اندر انصاف کے تقاضوں کو پورا کیا جائے، نواز شریف 3 بار حکومت کر کے بھی ملک کو درست نہیں کر سکے۔ اراکین اسمبلی کروڑوں عوام کے ووٹوں سے منتخب ہو کر اسمبلی میں پہنچتے ہیں اور انہیں دہشت گرد بنا دیا جاتا ہے، انہیں بھی اپنے ووٹ کا درست استعمال کرنا چاہیئے، وقت آگیا ہے کہ اراکین اسمبلی کو ضمیر کے ساتھ کھڑا ہونا ہوگا، ضروری نہیں کوئی بھی بل پیش کیا جائے اور فوری منظوری دے دیں، صحیح کو صحیح اور غلط کو غلط کہنے کا وقت آگیا ہے۔ پارلیمنٹ اپنا کام درست طور پر نہیں کر سکی، آج عوام میں اضطراب کی وجہ پارلیمنٹ کا کام نہ کرنا ہے۔ ہمیں اپنے ملک کے اداروں پر افسوس ہے جنہوں نے ارکان قومی اسمبلی کے نام دہشت گردوں سے رابطے کرنے والوں کی لسٹ میں ڈال کر امریکہ کو موقع دے دیا ہے کہ وہ ڈو مور کی پالیسی کے تحت ڈرون کے ذریعے پارلیمنٹ کو نشانہ بنا سکتا ہے اور اگر وہ ایسے کرے تو ہم کیا کہیں گے۔ کیونکہ وہ کہہ سکتا ہے کہ ہم نے تو دہشت گردوں کے سہولت کاروں کو نشانہ بنایا ہے، شہباز شریف کو آگے بڑھ کر پارٹی ٹیک اوور کر لینی چاہئے کیونکہ موجودہ حالات میں وہی پارٹی کو متحد رکھ سکتے ہیں، ملک کو ٹیکنوکریٹ حکومت کی ضرورت ہے نہ وہ ملک کو ٹھیک کر سکتے ہیں۔ ہمیں صرف انصاف کی ضرورت ہے آپ اس ملک میں چار، پانچ ایسے افراد تعینات کر دیں جو لوگوں کو انصاف مہیا کریں، ہمیں بھی انصاف دیا جائے، ہمیں صحافیوں یا کسی صحافتی ادارے یا آئی بی سے بھی شکوہ نہیں ہمیں تو وزیراعظم سے شکایت ہے جن کا لیٹر میں حوالہ دیا گیا۔ ان خیالات کا اظہار انہوں نے نیشنل پریس کلب کے پروگرام میٹ دی پریس میں اظہار خیال کرتے ہوئے کیا۔ میاں ریاض حسین پیرزادہ نے کہا کہ ہمیں نہ فوج انصاف دے سکتی ہے نہ ہی پارلیمنٹ نے اپنے آپ کو اس کا اہل ثابت کیا ہے کہ وہ ہمیں انصاف دے سکے۔ ہمیں عدالتوں سے انصاف چاہئے اور ہمیں امید ہے کہ ہمیں انصاف دیا جائے گا۔ وفاقی وزیر نے کہا کہ ماضی کے تجربات سے ثابت ہواہے کہ فوج ملک کو نہیں چلا سکتی اس کی تین مثالیں ہمارے سامنے ہیں۔ ٹیکنوکریٹس کی حکومت بھی ہمارے مسائل کا حل نہیں کیونکہ اگر ہماری معیشت ٹھیک نہیں ہے اور خزانہ خالی ہے تو ٹیکنوکریٹ کی حکومت آنے سے بھی کوئی فرق نہیں پڑے گا اور عالمی مالیاتی ادارے ہمیں ان کے آنے سے پیسے دینے شروع نہیں کر دیں گے۔ انہوں نے کہا کہ ہمارے مسائل کا حل شفاف اور ایماندار لوگوں پر مشتمل حکومت ہے جو کہ احتساب پر یقین رکھتی ہو۔ ایک سوال کے جواب میں وفاقی وزیر نے کہا کہ میرے خیال میں میاں شہباز شریف چونکہ زیادہ تر وقت عوام میں رہتے ہیں اس لئے وہ عوامی رائے کو زیادہ بہتر سمجھتے ہیں اور موجودہ حالات میں اداروں سے بہتر تعلقات اور ان کے احترام کی پالیسی ہی وقت کا تقاضا ہے اور اس حوالے سے شہباز شریف بالکل درست سمت کی نشاندہی کر رہے ہیں ۔ریاض حسین پیرزادہ نے کہا کہ شہباز شریف آگے بڑھ کر پارٹی ٹیک اوور کر لینی چاہئے کیونکہ وہی واحد شخصیت ہیں جو نوازشریف کی عدم موجودگی پارٹی کو متحد اوریکجا رکھ سکتے ہیں ورنہ پارٹی مسائل کا شکار ہو سکتی ہے۔ وفاقی وزیر کھیل نے کہا کہ ہم نے لیٹر والے معاملے پر کبوتر کی طرح آنکھیں بند کر لی ہیں اور ہم اس معاملے پر زیادہ بحث نہیں کر سکتے کیونکہ یہ سراسر ہمارے خلاف جائے گا۔ انہوں نے کہا کہ ہمیں میڈیا اور میڈیا ہاﺅسز کے خلاف کھڑا کرنے کی کوشش کی گئی ہم نے مشترکہ طور پر فیصلہ کیا ہے کہ ہم استعمال نہیں ہوں گے کیونکہ شیشے کے گھر میں بیٹھ کر دوسرے کو پتھر نہیں مار سکتے۔ ایک سوال کے جواب میں انہوں نے کہا کہ میاں نوازشریف پر فرد جرم عائد ہونے سے ابھی تو کام شروع ہوا ہے ابھی اس سے متعلق کچھ کہنا قبل از وقت ہے لیکن سیاستدانوں پر مقدمات بنتے رہتے ہیں اور وہ ان کا سامنا بھی کرتے رہتے ہیں یہ نئی بات نہیں ہے اور جو لوگ سیاست میں آتے ہیں وہ اس کے لئے تیار رہتے ہیں۔ انہوں نے کہا کہ ختم نبوت کے قانون میں ترمیم میری عدم موجودگی میں کی گئی میں ارکان پارلیمنٹ سے کہنا چاہتا ہوں کہ وہ اپنے ضمیر کا استعمال کریں اور آنکھیں اور کان کھولے رکھیں اور اپنی رائے ملک اور قوم کے بہترین مفاد میں استعمال کریں۔ انہوں نے کہا کہ ہماری تمام توقعات وکلاءاور میڈیا سے ہے وہ انصاف کے حصول میں ہمارا ساتھ دیں۔ پروگرام کے آخر میں صدر و سیکرٹری نیشنل پریس کلب نے انہیں یادگاری شیلڈ پیش کی اور وفاقی وزیر نے کلب کے سپورٹس کے لئے سامان دینے کا اعلان کیا۔ دریں اثناءوفاقی وزیر ریاض پیرزادہ کے ساتھ 5 وفاقی وزراءاور 66 سے زائد ارکان قومی اسمبلی میں یہ انکشاف سینئر صحافی نے نجی ٹی وی پروگرام میں گفتگو کرتے ہوئے کیا۔ انہوں نے کہا کہ وقت کے ساتھ شریف خاندان کے گرد گھیرا تنگ ہوتا جا رہا ہے۔ ن لیگ کے اندر سے آواز بلند کرنے والے ریاض پیرزادہ تنہا نہیں ہیں ن کے ساتھ پانچ وفاقی وزراءاور 16 ایم این اے کھڑے ہیں۔ وفاقی وزیروفاقی وزیر برائے بین الصوبائی رابطہ ریاض پیرزادہ نے کہاہے کہ سیاستدان عوامی مسائل حل کرنے میں ناکام ہوجائیں تو فوج اور عدلیہ کو اپنا کردار ادا کرنا پڑتا ہے ¾ میرا اس جمہوریت سے کیا واسطہ جس میں خود میری حکومت مجھے دہشت گرد کہے ¾ اگر امریکی صدر کہہ دیں کہ پاکستان کی اسمبلیوں میں دہشتگرد بیٹھے ہیں تو پھر ہمارے ساتھ کیا سلوک ہوگا ؟ نوازشریف پر کیسز ہیں ¾ وزیر اعلیٰ پنجاب شہباز شریف کو آگے بڑھ کر پارٹی سنبھالنی چاہیے تھی۔

لاہور (خصوصی رپورٹ) رائیونڈ روڈ پر واقع ایک ہاﺅسنگ سوسائٹی میں مسلم لیگ (ن) کے 100کے قریب ارکان پنجاب اسمبلی کے اعزاز میں عشائیہ دیا گیا۔ اس عشائیہ کا مقصد یہ بتایا گیا کہ لالیکا خاندان سے تعلق رکھنے والے ایک ایم پی اے کی فریضہ حج ادا کرنے کی خوشی میں کھانا دیا گیا ہے۔ ذرائع نے بتایا کہ اس تقریب میں شریک ارکان اسمبلی نے اس بات پر اتفاق کیا کہ پنجاب میں چند روز میں مسلم لیگ (ن) کا فارورڈ بلاک سامنے آ جائے گا جس کا مو¿قف ہو گا کہ ہم مسلم لیگ (ن) کا حصہ ہیں لیکن ہمیں نوازشریف قبول نہیں‘ پارٹی بچانے کیلئے شہبازشریف کو قیادت سنبھال لینی چاہئے۔ ارکان کا کہنا تھا کہ اگلے الیکشن میں خود کو بچانے کیلئے ن لیگ کو نوازشریف سے علیحدگی اختیار کر لینی چاہئے۔ اگر شہبازشریف نے پارٹی قیادت نہ سنبھالی تو ن لیگ میں بہت تیزی سے ٹوٹ پھوٹ ہو گی۔ ذرائع نے بتایا اگرچہ وفاقی وزیر ریاض پیرزادہ نے تو کھل کر اعلان کر دیا ہے لیکن فارورڈ بلاک کا آغاز پنجاب سے ہو گا۔ ذرائع نے بتایا کہ ان تمام ارکان پنجاب اسمبلی کا موقف ہے کہ اداروں سے تصادم کے سخت خلاف ہیں‘ ایسی کسی پالیسی کا حصہ نہیں بنیں گے۔

با لا ٓخر مریم نواز نے بڑا اعلان کر دیا


اسلام آباد (مانیٹرنگ ڈیسک) سابق وزیراعظم نواز شریف کی صاحبزادی مریم نواز کا آئندہ انتخابات میں حصہ لینے کا اعلان، نجی ٹی وی کے مطابق احتساب عدالت میں پیشی کے موقع پر میڈیا سے گفتگو کرتے ہوئے مریم نواز کا کہنا تھا کہ میں آئندہ الیکشن لڑنا چاہتی ہوںاس حوالے سے پارٹی فیصلہ کرے گی، ان کا کہنا تھا کہ میں سیاست میں آ بھی گئی ہوں اور نہیں بھی، لیکن میں آئندہ الیکشن لڑنا چاہتی ہوں، پارٹی جو ذمے داری دے وہ نبھاں گی۔

اے ٹی ایم کارڈز رکھنے والوں کیلئے بُری خبر


لاہور (خصوصی رپورٹ) ہیکرز نے اے ٹی ایمز میں استعمال ہونے والی اے ٹی ایم کارڈز کے کوڈ بھی ہیک کرنا شروع کردیئے۔ اب تک ایسے بیسوں واقعات سامنے آ چکے ہیں جس میں اے ٹی ایم کارڈ کا نمبر ہیک کرکے بینک صارفین کو لاھوں روپے سے محروم کیا جا رہا ہے۔ رپورٹ کے مطابق اے ٹی ایم کارڈز ہیک کرنے کا طریقہ ایسی اے ٹی ایمز میں استعمال کیا جا رہا ہے جو مشینیں یا تو مرمت ہو کر لگتی ہیں یا ہیکرز اے ٹی ایم یا کریڈٹ کارڈ کو بڑے سٹورز پر اس طرح ہیک کرتے ہیں کہ وہاں مشینوں کے اندر لگی ڈیوائس کا کوڈ نمبر کسی طریقہ سے حاصل کرتے ہیں اور پھر جو بھی ایسی اے ٹی ایم میں اپنا کارڈ استعمال کرتے ہیں تو ان کے کارڈ نمبر اور اس کا پن نمبر فوری طور پر ہیکر ک ےپاس چلا جاتا ہے جس کی مدد سے وہ رقم یا تو کسی اکاﺅنٹ میں منتقل کرالیتے ہیں یا پھر کسی طریقے سے نکلوا لیتے ہیں۔ یہ بھی معلوم ہوا ہے کہ ہیکرز کے ساتھ ساتھ ایک ایسا گروہ بھی متحرک ہے جو کہ مختلف بڑے ہوٹلوں اور سٹورز پر کام کرنے والے ملازمین کے ساتھ رابطوں میں ہوتے ہیں اور جب کسی بھی چیز کے بل کیلئے کریڈٹ کارڈ یا اے ٹی ایم کارڈ انہیں دیا جاتا ہے تو وہ اس کریڈٹ کارڈ یا اے ٹی ایم کارڈ کو مشین میں پنچ کرنے کے بعد وہاں لگے ہوئے ایک پلاسٹک کے سانچے پر رکھ کردونوں اطراف سے اس کا عکس چھاپ لیتے ہیں۔ اور اے ٹی ایم کارڈ کو تیار کرکے استعمال کیا جاتا ہے۔کراچی، اسلام آباد، پنڈی، پشاور، ملتان اور لاہور میں ایسے کئی واقعات ہو چکے ہیں۔

مریم نواز کے بیٹے جنیدصفدر کی معروف صحافی کی بیٹی سے شادی ،حقائق سامنے آگئے


اسلام آباد (ویب ڈیسک)معروف اینکر طلعت حسین نے اپنی بیٹی کی مریم نواز کے بیٹے جنید صفدر کیساتھ شادی کی جھوٹی خبروں پرایف آئی اے میں شکایت درج کروا دی ہے۔ تفصیلات کے مطابق چند دنوں سے یہ خبر سوشل میڈیا پر گردش کر رہی ہے کہ نجی ٹی وی چینل کے معروف اینکر پرسن طلعت حسین کی بیٹی کی شادی مریم نواز کے بیٹے جنید صفدر سے ہونے جا رہی ہے جو کہ مکمل طور پر من گھڑت اور بے بنیاد تھیجس پر معروف صحافی نے ایف آئی اے سے رابطہ کر لیا۔شکایت درج ہونے پر ڈی جی ایف آئی اے پنجاب نے تحقیقات کا حکم دے دیا ہے۔تحقیقات شروع ہونے کے بعد اس جھوٹی خبر کے حوالے سے مختلف ویب سائٹس کی چھان بین کی جا رہی ہے۔واضح رہے کہ پاکستان میں مختلف صحافیوں کے حوالے سے سوشل میڈیا پر ایک مذموم مہم کا آغاز کیا گیا ہے جن میں طلعت حسین کو خصوصی طور پر نشانہ بنایا جا رہا ہے۔

 

امریکی ڈرون حملے میں بڑی کالعدم تنظیم کا سربراہ ہلاک 


اسلام آباد(مانیٹرنگ ڈیسک)کالعدم تنظیم جماعت الاحرار کا سربراہ عمر خالد خراسانی امریکی ڈرون حملے میں ہلاک۔ تفصیلات کے مطابق افغان حدود میں امریکی ڈرون حملے میں کالعدم تنظیم جماعت الاحرار کا سربراہ عمر خالد خراسانی ہلاک ہو گیا ہے۔ رپورٹ کے مطابق عمر خالد خراسانی افغان حدود میں ڈرون حملے میں شدید زخمی ہو اتھا جسے نارئیے کنڈ ہسپتال منتقل کیا گیا تھا جہاں سے اب اس کی ہلاکت کی خبرکی تصدیق کی جا رہی ہے۔ عمر خالد خراسانی کی ہلاکتکے بعد عثمان منظور حافظ اللہ کو نیا سربراہ بنانے کا امکان ہے۔ دفاعی تجزیہ کاروں کے مطابقعمر خالد خراسانی کی ہلاکت ایک بڑی کامیابی ہے۔ عمر خالد خراسانی سے متعلق کالعدم جماعت الاحرار کے پاک فوج کے سامنے سرنڈر ہونے والے ترجمان احسان اللہ احسان نے بھی انکشاف کرتے ہوئے کہا تھا کہ عمر خالد خراسانی پاکستان میں اے پی ایس سانحہ سمیت متعدد بڑی دہشتگرد کارروائیوں کا حکم دے چکا تھا جبکہ اسرائیل اور بھارت سے پاکستان کے خلاف مدد لینے کا بھی کھلم کھلا اعلان کرتا رہا ہے۔

 

قومی وکٹ کیپرکامران اکمل بڑے اعزاز کے مالک


پشاور (بی این پی ) کامران اکمل وکٹوں کے پیچھے 850فرسٹ کلاس شکار کرنےوالے پہلے غیر برطانوی وکٹ کیپر بن گئے۔ قائد اعظم ٹرافی کے میچ میں کامران اکمل نے واپڈا کی نمائندگی کرتے ہوئے پشاور کے اوپننگ بلے باز اشفاق احمد کا کیچ تھام کر یہ اعزاز حاصل کیا۔

اردن کی شادیہ پہلی ڈبلیو ڈبلیو ای عرب خاتون ریسلر بن گئی


اردن(آئی این پی) اردن کی شادیہ بسیسو فری عالمی ریسلنگ مقابلوں میں حصہ لینے والی پہلی ڈبلیو ڈبلیو ای عرب خاتون بن گئی۔شادیہ بسیسو نے کہا کہ “میرے لیے یہ غیرمعمولی اعزاز کی بات ہے کہ پورے مشرق وسطی سے میں واحد خاتون ریسلر منتخب ہوئی ہوں۔

ٹی20سیریزکےلئے 16رکنی قومی سکواڈکااعلان


لاہور(نیوزایجنسیاں) پاکستان کرکٹ بورڈ نے سری لنکا کے خلاف ٹی ٹوئنٹی سیریز کیلیے 16 رکنی قومی اسکواڈ کا اعلان کر دیا۔انضمام الحق کی سربراہی میں پی سی بی سلیکشن کمیٹی نے آئی لینڈرز کے خلاف مختصر فارمیٹ کے تین میچوں کی سیریز کیلیے اعلان کردیا ہے جس میں کپتان سرفراز احمد، فخر زمان، احمد شہزاد، بابر اعظم، شعیب ملک، محمد حفیظ، عماد وسیم، شاداب خان، محمد نواز، فہیم اشرف، حسن علی، عامر یامین، رومان رئیس، عثمان شنواری اور عمر امین شامل ہیں۔ پیسر محمد عامر کی شمولیت کو فٹنس کلیئرنس سے مشروط کیا گیا ہے۔ ورلڈ الیون کے خلاف ہوم سیریز میں اسکواڈ کا حصہ بننے والے سہیل خان اپنی جگہ برقرار نہیں رکھ پائے جبکہ آرام کرنے والے محمد حفیظ کی واپسی ہوئی ہے۔

پاکستان ون ڈے سیریز جیتنے سے ایک قدم دور


ابو ظہبی (نیوزایجنسیاں)پاکستان اور سری لنکا کی کرکٹ ٹیموں کے درمیان تیسرا ون ڈے انٹرنیشنل کرکٹ میچ (آج) بدھ کو ابو ظہبی میں کھیلا جائے گا۔ پاکستان کو پانچ میچوں کی سیریز میں 2-0 کی برتری حاصل ہے۔ابوظہبی میں ہونیوالاڈے اینڈنائٹ میچ پاکستانی وقت کے مطابق شام4بجے شروع ہوگا،سیریزمیں رہنے کےلئے سری لنکاکو آج کے میچ میںلازمی فتح درکارہے۔گرین شرٹس آج کامیچ جیت کرسیریزنام کرسکتاہے۔ابتدائی دومیچزجیتنے کے باوجودآج کے میچ کےلئے پاکستانی سکواڈمیں چندتبدیلیوں کاامکان ہے۔دونوں میچزمیںناقص بلے بازی کامظاہرہ کرنے پر احمدشہزادکو بٹھاکرامام الحق کو کھلائے جانے کاامکان ہے جبکہ عماد وسیم کی جگہ حارث کو فائنل الیون میں چانس دیاجاسکتاہے۔قومی ٹیم کے کپتان سرفرازاحمدنے کہا ہے کہ ابتدائی دونوں میچزمیں فتوحات سے ٹیم کامورال بلند ہے،آج کامیچ جیت کرسیریزمیں فتح یقینی بناناچاہتے ہیں۔کسی قسم کی غلطی دہرانا نہیں چاہتے۔امید ہے کھلاڑی اچھے کھیل کاتسلسل برقراررکھیں گے۔دوسری جانب لنکن کپتان اپل تھرنگا نے کہا ہے ابتدائی میچزمیںبلے بازوں نے مایوس کیاجس کے باعث میچزہارے۔اچھا ٹارگٹ دینے اورہدف کے تعاقب کےلئے لمبی شراکت کی ضرورت ہے۔اب غلطی کی گنجائش نہیں۔ آج کے میچ میں پوری جان لڑادیں گے۔ دبئی میں کھیلے گئے پہلے میچ میں پاکستانی ٹیم نے سری لنکن ٹیم کو 83 رنز جبکہ ابوظہبی میں کھیلے گئے دوسرے میچ میں 32 رنز کی شکست کا سامنا کرنا پڑا۔ دونوں ٹیموں کے درمیان چوتھا ون ڈے 20 اکتوبر جبکہ پانچواں اور آخری ون ڈے 23 اکتوبر کو کھیلا جائے گا۔ اس کے بعد دونوں ٹیموں کے درمیان ٹی ٹونٹی سیریز کھیلی جائےگی۔

با لآخر وہی ہو گیا جس کا ڈر تھا ،تمام جائیدادیں اور بینک اکاﺅنٹس منجمد


اسلام آباد(ویب ڈیسک )وفاقی وزیر خزانہ اسحاق ڈارکے تمام بینک اکاو¿نٹس اور جائیداد منجمد کردی گئی جس کے بعد اب ان کی جائیداد کی خرید و فروخت نہیں ہوسکیں گی۔نیب حکام کا کہنا ہے کہ اسحاق ڈار کےخلاف کیس چل رہا ہے، لہٰذا ان کی جائیداد نہ تو خریدی جاسکتی ہے اور نہ کسی کو منتقل کی جاسکتی ہے۔۔اسحاق ڈارکے تمام بینک اکاﺅنٹس اور جائیداد منجمد کردی گئی ، اب اسحاق ڈارکی جائیداد کی خریدوفروخت یاکسی قسم کامعاہدہ نہیں ہوسکے گا، نیب کی جانب سے اندرون ملک اداروں کو پہلے ہی خط لکھے جا چکے ہیں جبکہ بیرون ملک حکومتوں کو بھی نیب کی جانب سے خط لکھاجا چکا ہے۔ذرائع کا کہنا ہے کہ جائیداد منجمد کرنے کے احکامات چیئرمین نیب کی جانب سے دئیے گئے۔