اسلام آباد: حکومت نے آئین کے آرٹیکل 62،63میں ترمیم کا اعلان کردیا ہے،آرٹیکل 62 میں ناہلی کی مدت کا کوئی ذکرنہیں،ہم آئینی ترمیم کمیٹی میں لے جائیں گے۔ میڈیا رپورٹس کے مطابق وزیرقانون زاہد حامد نے آج قومی اسمبلی اجلاس میں اظہار خیال کرتے ہوئے کہا کہ آئین کے آرٹیکل 62 میں ناہلی کی مدت کا کوئی ذکرنہیں۔  نااہلی کی مدت 5 سال سے بھی کم ہونی چاہیے۔ ہم آئینی ترمیم کمیٹی میں لے جائیں گے۔ زاہد حامد نے مزید کہاکہ آئین میں تمام جماعتوں سے مشاورت کے بعد ہی ترمیم کی جائے گی۔ واضح رہے حکومت نے آئین کے آرٹیکل 62 اور 63 میں اس حوالے سے ترمیم کرنے کا فیصلہ کرلیا ہے۔ حکومت نے آئین کے آرٹیکل 62 اور 63 میں ترمیم کا فیصلہ سپریم کورٹ میں پاناما کیس میں نوازشریف کی ناہلی کے بعد کیا ہے۔