لاہور: قومی کرکٹر کامران اکمل دوسری بیٹی کے باپ بن گئے، انہوں نے یہ خوشخبری مداحوں کے ساتھ سوشل میڈیا پر شیئر کی۔وکٹ کیپر اور بلے بازکامران اکمل کی اہلیہ نے دو روزقبل مقامی اسپتال میں ایک بیٹی کو جنم دیا، کامران اکمل دوسری بیٹی کی پیدائش پر بے انتہا خوش ہیں اورانہوں نے اپنی خوشی مداحوں کے ساتھ بانٹتے ہوئے اپنی بیٹی کی تصاویر سوشل میڈیا پر شیئر کیں۔تصویر کے ساتھ کامیران اکمل نے بہت ہی خوبصورت پیغام دیتے ہوئے لکھا ”الحمداللہ میں ایک بار پھر بیٹی کاباپ بن گیا ہوں ، اللہ نے اپنی رحمت کے دروازے مجھ پر ایک بار پھر کھول دئیے، میں بہت خوش ہوں“۔واضح رہے اس سے قبل کامران اکمل کی ایک بیٹی لائبہ اور بیٹا ایان ہے۔

لاہور(ویب ڈیسک)پشاور زلمی کے وکٹ کیپر کامران اکمل نے کوئٹہ گلیڈی ایٹرزکے خلاف فائنل میچ میں سرفرازاحمد اور محمد نوازکو اسٹمپ کرکے ٹوئنٹی20میچوں میں 200شکار مکمل کرنے والے دنیاکے پہلے وکٹ کیپر ہونے کا اعزاز حاصل کرلیاہے۔ لاہورکے قذافی اسٹیڈیم میں کھیلے گئے پی ایس ایل فائنل میچ سے قبل کامران اکمل کے شکاروں کی تعداد198تھی۔ٹوئنٹی 20کرکٹ میں کامران اکمل کے بعد دوسرے زیادہ شکار کرنے والے وکٹ کیپر کمارسنگاکارا ہیں جنہوں نے 180کئے ہوئے ہیں جبکہ بھارت کے ایم ایس دھونی 179شکاروں کے ساتھ تیسرے نمبرپرہیں۔ کامران اکمل نے اپنے 200شکار189میچ کھیل کر مکمل کئے ہیں جن میں 110کیچ اور 90اسٹمپ شامل ہیں۔

لاہور(ویب ڈیسک)پاکستان سپر لیگ میں کامران اکمل نے بہترین پر فارمنس دے کر سلیکشن کمیٹی کو رائے تبدیل کرنے پر مجبور کردیا ،بہترین پر فا رمنس پر کامران اکمل کو ٹیم میں شامل کیے جانے کا امکان ہے۔ ذرائع کے مطابق پی ایس ایل میں بہترین کھلاڑی ،بلے باز اور وکٹ کیپرکا اعزاز حاصل کرنے والے کھلاڑی کامران اکمل رہے اور اب انہیں دورہ ویسٹ انڈیز میں ٹیم میں شامل کیے جانے کا امکان ہے۔ ذرائع کا کہنا ہے کہ دورہ ویسٹ انڈیز میں چار ٹی ٹوئنٹی میچز کی وجہ سے کامران اکمل کا کیس مضبوط ہو گیا ہے اور انہیں وکٹ کیپر محمد رضوان کی جگہ ٹیم میں شامل کیے جانے کا امکان ہے۔

کراچی (آئی این پی)پاکستانی کرکٹر بھی منیکن چیلنج کے بخار میں مبتلا ہو گئے ۔محمد عرفان ، سلمان بٹ ، کامران اکمل ، محمد حفیظ اور محمد آصف فریز ہو گئے۔کامران اکمل کا کہنا تھا کہچیلنج اتنا آسان نہیں جتنا دکھائی دیتا ہے ، بچپن کی یادیں تازہ ہوگئیں ، منیکن چیلنج سے نیا جذبہ ملتا ہے۔ ۔ محمد عرفان کا کہنا تھا کہ منیکن چیلنج سے بچپن کی یاد تازہ ہو گئی ہے ۔