Tag Archives: rahat fateh ali khan

راحت فتح علی خان کے بینک اکاونٹس ایک بار پھر منجمد

لاہور(ویب ڈیسک)فیڈرل بورڈ آف ریونیو (ایف بی آر) نے معروف گلوکار راحت فتح علی خان کے بینک اکاؤنٹس ٹیکس کی عدم ادائیگی پر دوبارہ منجمد کردیئے۔ایف بی آر حکام کے مطابق گلوکار راحت فتح علی خان کے ذمے سال 2015 کا 32 لاکھ روپے انکم ٹیکس واجب الادا تھا۔ایف بی آر اب تک راحت فتح علی خان کے اکاؤنٹس سے 20 لاکھ روپے کی ریکوری کرچکا ہے۔حکام کا کہنا ہے کہ گلوکار راحت فتح علی خان کا شاہانہ رہن سہن ٹیکس ادائیگی سے میل نہیں رکھتا ۔ایف بی آر حکام کی جانب سے راحت فتح علی خان کے بینک اکاؤنٹس کی چھان بین ہو رہی ہے کہ انہوں نے کیا چھپایا ہے۔حکام کے مطابق گزشتہ مالی سال میں بھی راحت فتح علی خان ٹیکس نادہندہ قرار دیئے گئے تھے۔ 

ایف بی آر کا راحت فتح علی خان کو ٹیکس کے لیے نوٹس

لاہور(ویب ڈیسک)فیڈرل بیورو آف ریونیو نے بین الاقوامی شہرت یافتہ پاکستانی گلوکار راحت فتح علی خان کو ٹیکس کے لیے نوٹس جاری کردیا۔ ایف بی آر کا کہنا ہے کہ گلوکار راحت فتح علی خان کے ذمے ایڈوانس ٹیکس کے 20 لاکھ روپے واجب الادا ہیں جس کی وصولی کے لیے انہیں نوٹس جاری کیا گیا ہے۔ گلوکار کو 15 دسمبر تک کی ڈیڈ لائن دیتے ہوئے ہدایت کی گئی ہے کہ وہ 15 دسمبر تک ایڈوانس ٹیکس جمع کرادیں۔

واضح رہے کہ تقریباً 6 ماہ قبل بھی ایف بی آرکی جانب سے راحت فتح علی خان کوبیرون ملک کنسرٹس سے حاصل ہونے والی آمدنی ظاہر نہ کرنے پر نوٹس جاری کیا گیا تھا۔ ایف بی آر ترجمان کا کہنا تھا کہ راحت فتح علی خان نے 3 برسوں میں بیرون ملک کنسرٹس کرکے کروڑوں روپے کمائے لیکن اس آمدنی کو سالانہ گوشواروں میں ظاہر نہیں کیا۔

گلوکار راحت فتح علی خان بارے افسوسناک خبر

اسلام آباد (خصوصی رپورٹ) ایف بی آر نے ٹیکس نہ دینے پر معروف گلوکار راحت فتح علی خان کے بینک اکاﺅنٹس منجمند کردیئے۔ ایف بی ار کے مطابق گلوکار راحت فتح علی خان کے ذمے 2015 ءکا انکم ٹیکس واجب الادا تھا۔ راحت فتح علی خان پر 33 لاکھ 48 ہزار روپے واجب الادا تھے۔ ایف بی آر نے خفیہ ٹرانزیکشن کا سوراخ لگا کر راحت فتح علی خان کو نوٹس جاری کیا تھا۔ راحت فتح علی خان کے الفلاح بینک کے اکاﺅنٹ سے ایک لاکھ پانچ ہزار روپے ریکوری روک دی گئی ہے۔

راحت فتح علی خان کی ہیٹرک

کراچی (ویب ڈیسک)استاد راحت فتح علی خان نے کراچی میں لائیو کنسرٹ کی ہیٹ ٹرک کرلی، مسلسل 3 دن ہزاروں شائقین موسیقی راحت فتح علی کے دلکش سروں سے جھوم اٹھے۔کنسرٹ میں راحت فتح علی خان نے اپنے مقبول ترین فلمی گیت اور استاد نصرت فتح علی خان کی گائی ہوئی قوالیاں پیش کیں۔برصغیر پاک و ہند کے ممتاز گلوکار استاد راحت فتح علی خان نے کراچی میں مسلسل 3 روز تک دھماکے دار کنسرٹ کر کے ریکارڈ قائم کر دیا اور لائیو کنسرٹ کی ہیٹ ٹرک بھی مکمل کر لی۔عالمی شہرت یافتہ گائیک استاد راحت فتح علی خان نے گزشتہ شب منعقدہ شاندار لائیو کنسرٹ میں آواز کا جادو جگا کر ہزاروں شائقین کے دل جیت لیے، کنسرٹ کا اہتمام روٹری پاکستان خواندگی مشن کی جانب سے کیا گیا تھا۔استاد راحت فتح علی خان نے اپنی گائیکی کا آغاز حمدیہ کلام سے کیا اور اختتام صوفیا کلام پر ہوا، اس موقع پر ہزاروں شائقین موسیقی سخت سردی کے باوجود کھلے آسماں تلے رسیلے گیتوں سے لطف اندوز ہوتے رہے۔