فیصل آباد (نیوز ایجنسیاں) فیصل آباد شہر کے داخلی اور خارجی راستوں پر رینجرز نے کنٹرول سنبھال لیا۔ گاڑیوں کی سخت چیکنگ اور کوائف کی تصدیق بھی کی جا رہی ہے۔ آپریشن ردالفساد شروع ہونے کے بعد رینجرز نے فیصل آباد اور جھنگ کے داخلی اور خارجی راستوں کی ناکہ بندی شروع کر دی ہے۔ شہر میں داخل اور باہر جانے والی ہر گاڑی کی مکمل تلاشی لی جا رہی ہے جبکہ جھنگ میں تلاشی کے دوران گاڑی سے شراب کی 15 بوتلیں بھی برآمد کر کے ایک شخص کو حراست میں لے لیا گیا۔ رینجرز کے جوانوں کی جانب سے گاڑیوں کی تلاشی کے ساتھ کوائف کی مکمل تصدیق بھی کی جا رہی ہے۔
