لاس اینجلس (شوبز ڈیسک) ہالی ووڈ اداکارہ لنڈسے لوہن کے ہاتھ کی انگلی کٹ گئی جس کے لئے وہ سرجری کے عمل سے گزریں گی ۔ لوہن نے انگلی کٹنے کی اطلاع اپنی ایک ٹویٹ میں دی جس میں کہا کہ کشتی رانی کے دوران ان کی انگلی اس وقت شدید زخمی ہوگئی جب انہوں نے کشتی کی رسی کو خود کھینچ کر باندھنا چاہا ۔ 30 سالہ لنڈسے لوہن نے بتایا کہ وہ رسی میں الجھ کر پانی میں چلی گئی اور باہرنکلنے کی تگ و دو میں ان کی انگلی کٹ گئی۔ اداکارہ کے مطابق ان کی انگلی کا ٹوٹا ہوا حصہ مل گیا ہے جو سرجری سے جوڑ دیا جائے گا تاہم ان کو شدید درد ہے ۔
