اسلام آباد(ویب ڈیسک)بحثیت وزیر اعظم عمران خان نے پہلا نوٹس لیتے ہوئے کینسر میں مبتلا ٹیبل ٹینس کی قومی کھلاڑی مہک انور کاعلاج کرانے کاحکم دے دیا۔وفاقی وزیر اطلاعات و نشریات فواد چودھری نے سماجی رابطے کی ویب ٹوئٹر پر اپنے پیغام میں کہا ہے کہ وزیراعظم عمران خان نے ٹیبل ٹینس کی قومی کھلاڑی مہک انورکے کینسر میں مبتلا ہونے اور ان کے والد کی جانب سے علاج کرانے کی اپیل کا نوٹس لے لیا ہے اور ہدایت کی ہے کہ کینسر کے مرض میں مبتلا بچی کے علاج کے انتظامات کئے جائیں۔
