لاہور(عمران جاوید بٹ سے )عمران خان کی جانب سے حلقہ این اے 131 ڈیفنس لاہور خالی کرنا تحریک انصاف کےلئے وبال بن گیا ، دو امیدوار ٹکٹ کے حصول کےلئے انتخابی مہم میں بڑھ چڑھ کر حصہ لینے لگے ، پارٹی کی جانب سے ٹکٹ جاری کئے بغیردونوں راہنماو¿ں کی جانب سے حلقہ میں عید مبارک کی فلیکس اور بینرز کی بھر مار کر دی گئی ،ٹکٹ نہ ملنے کے باعث ناراض رہنما ولید اقبال کو عمران خان اپنی سیٹ چھوڑنے کی یقین دہانی کروائی تھی جبکہ انتخابی مہم کے دوران تحریک انصاف میں شمولیت اختیار کرنے والے ہمایوں اختر خاں بھی این اے 131 ڈیفنس لاہور کی خالی کردہ نشست سے الیکشن لڑنے کےلئے سرگرم دکھائی دے رہے ہیں ،یاد رہے ماضی میں بھی ہمایوں اختر خان اسی حلقہ سے قومی اسمبلی میں چودھری اعتزاز احسن کو ہرا کر وفاقی وزیر تجارت رہ چکے ہیں ،عمومی طور ضمنی انتخابات میں صوبائی دارلحکومت میں قومی اسمبلی کے حلقوں میں انتخابات کروائے جا رہے ہیں عین ممکن ہے پارٹی کی جانب سے دونوں راہنماوں کو راضی کرنے کےلئے حلقہ این اے 131 ڈیفنس لاہور اور حلقہ این اے 124 اندروں شہر لاہور کےلئے ٹکٹ جاری کر دیئے جائیں ،عام انتخابات 2018 میں پاکستان تحریک انصاف کے چیئرمین عمران نے اس حلقہ سے الیکشن لڑا تھا جہاں انکے مد مقابل خواجہ سعد رفیق تھے ابتدائی طور پر اسی حلقے سے خواجہ سعد رفیق کے دوبارہ الیکشن لڑنے کی باتیں گردش کر رہی ہیں جس کی وجہ سے یہاں ایک مضبوط امیدوار کو میدان میں اتارے جانے کا عندیہ دیا جا رہا ہے۔ عام انتخابات میں بھی عمران خان صرف 7 سو ووٹوں کے فرق سے کامیاب قرار پائے تھے ۔ خواجہ سعد رفیق نے قومی اسمبلی کا الیکشن لڑنے کےلئے پنجاب میں اپوزیشن لیڈر کوئی خاص اثر و رسوخ استعمال نہیں کیا۔
