اسلام آباد (اے پی پی) راولپنڈی اسلام آباد سمیت ملک کے بالائی علاقوںمیںبارش اور پہاڑوں پر برف باری کا سلسلہ جاری ہے۔ مالاکنڈ، ہزارہ، مردان،راولپنڈی،گوجرانولہ ڈویژن، اسلام آباد،کشمیر اور گلگت بلتستان میں اکثر مقامات پر جبکہ پشاور،کوہاٹ، لاہور، سرگودہا ڈویژن میں کہیں کہیں پرگرج چمک اور وقفہ وقفہ سے بارش ہوئی۔ (آج) بدھ کو مالاکنڈ، ہزارہ ڈویژن،کشمیر اور گلگت بلتستان میں کہیں کہیں جبکہ راولپنڈی، گوجرانوالہ، لاہور، مردان، کوہاٹ، پشاورڈویژن اور اسلام آباد میں چند مقامات پرگرج چمک کے ساتھ مزید بارش کا امکان ہے،جبکہ ملک کے دیگرعلاقوں میں موسم سرد اور خشک رہے گا۔اس دوران پنجاب کے میدانی علاقوں میں صبح کے اوقات میں دھند کا امکان ہے۔ مالاکنڈ ڈویژن(سوات، چترال،کالام، مالم جبہ، اپردیر)، ہزارہ ڈویژن، مری، گلیات، گلگت بلتستان اور کشمیر میں مزید برف باری کا امکان ہے۔ گزشتہ 24 گھنٹوں کے دوران ملک کے اکثر مقامات پر بارش اور پہاڑوں پر برف باری ہوئی۔ اسلام آباد (زیروپوائنٹ45، گولڑہ 43، سیدپور41، بوکرہ34، نیوائیرپورٹ33 )، پنجاب میں راولپنڈی (چکلالہ 54، شمس آباد 36 )، مری30، سیالکوٹ ( ائیرپورٹ 25، سٹی 18)، منگلا 24، چکوال 19، گجرات14، کامرہ 11، منڈی بہاوٰالدین 10، جہلم09 ، سرگودھا( سٹی 09، ائیرپورٹ 07)، ناروال، جوہر ا?باد 08، گوجرانوالہ 07، حافظ آباد02، لاہور 01 ، خیبرپختونخوا میں کالام 36، مالم جبہ35، بالاکوٹ 25، پٹن 15، دیر(زیریں 14، بالائی 05)، کاکول 14، سیدوشریف 11، میر کھانی 08، چترال06، رسالپور ، دروش 05، کشمیر: مظفرآباد26، راولاکوٹ21، کوٹلی20، گڑھی دوپٹہ17، سندھ میں کراچی(شاہرائے فیصل 09،پی اے ایف مسرور06، یونیورسٹی روڈ05،پہلون گوٹھ، ناظم آباد، ائیرپورٹ 04)، چھور 02، ٹنڈو جام01، گلگت بلتستان: بونجی 09، اسکردو 03، ہنزہ، بگروٹ 02، گلگت اور چلاس میں 01 ملی میٹر بارش ریکارڈ کی گئی۔ اس کے علاوہ کالام 25، مالم جبہ 23، مری 14، استور 05، دیر، بگروٹ، ہنزہ میں 01 انچ برفباری ہوئی۔ منگل کو ملک میں کم سے کم درجہ حرارت قلات منفی 09، بگروٹ منفی 06، کوئٹہ، گوپس منفی 05، اسکردو، کالام منفی 04، مری ، مالام جبہ، دالبندین منفی 03،ڑوب، ہنزہ، دروش، راولاکوٹ، پارہ چنار منفی 02، نوکنڈی، میرکھانی،استور، چلاس اور پنجگور میں منفی 01ڈگری سینٹی گریڈ ریکارڈ کیا گیا۔
